Viñetes de "Industrial" de David Fernán
"La piedra de Samartín’, ‘Industrial’ y ‘El inmortal’ son los trés trabayos del dibuxante entreguín David Fernán que se pueden contemplar hasta’l día 28 nuna esposición en Sotrondio. Ésta ye una de les actividaes de les XIII Xornaes de Lliteratura Infantil y Xuvenil de Samartín del Rei Aurelio, dedicaes al cómic.
Estes trés histories cuenten con guiones de los escritores Pablo Rodríguez Medina y Chechu García, consiguiendo asina crear cómics nos que l’argumentu ta al mesmu nivel altu que los dibuxos. Fernán, que tien espublizaes les histories ‘Xustiniano’, ‘L’home Marín’ o ‘Azincourt’, y que cuenta con dos accésit del concursu qu’entama la Mancomunidá de la Sidra, caltién nes fueyes espuestes na Casa de la Mocedá de Sotrondio’l so estilu carauterísticu, nel que “apuesta pol xuegu de lluces y solombres, con una composición de viñeta mui moderna onde los primeros planos xueguen un papel clave. El dibuxu, con un trazu a vegaes sombríu y puercu, algama una gran espresividá que-y da al conxuntu la so obra un sellu mui definíu y personal”, espliquen dende la Oficina de Normalización Llingüística de Samartín del Rei Aurelio.
La esposición ‘David Fernán y el cómic’, abierta al públicu hasta’l día 28 n’horariu de 10 a 13 y de 17 a 21 hores –de llunes a vienres–, completa un programa d’actividaes que se desendolquen a lo llargo del mes con espaciu pal teatru y talleres de llectura. Precisamente, esta tarde va tener llugar la segunda sesión de los talleres dedicaos a neños de 4 y 6 años, nel que los nueve participantes van disfrutar d’un xuegu rellacionáu colos autores y personaxes de comics n'asturianu y van facer delles actividaes con viñetes del dibuxante Enrique Carballeira, too ello acompañaos por monitores de l'Asociación Cultural Bocina Nalón.
Otra esposición de mesma temática, en Blimea.
L'amuesa de comics de Fernán súmase a otra esposición encuadraes nes xornaes qu'acueye la Casona del Bravial, de Blimea, de nome 'Traducción y y cómic n'asturianu en realidá enanchada', que yá se pudo ver en xunu nel Centru d’Educación de Persones Adultes del Nalón gracies al trabayu desendolcáu polos alumnos de Llingua y Lliteratura Asturiana d’esti centru de la mano del so profesor, Xuan Santori. Los visitantes van atopar material espositivu en formatu físicu sobre’l cómic n’asturianu, que se pue ampliar con archivos d’imáxenes, videos, documentación de blogues y páxines web que s’activen al ser escaniaos cola aplicación 'Layar'. La esposición va tar abierta'l públicu tamién hasta'l día 28, anque namái n'horariu de manaña: de llunes a vienres, de 9 a 13 hores. Fonte: asturies.com
L'amuesa de comics de Fernán súmase a otra esposición encuadraes nes xornaes qu'acueye la Casona del Bravial, de Blimea, de nome 'Traducción y y cómic n'asturianu en realidá enanchada', que yá se pudo ver en xunu nel Centru d’Educación de Persones Adultes del Nalón gracies al trabayu desendolcáu polos alumnos de Llingua y Lliteratura Asturiana d’esti centru de la mano del so profesor, Xuan Santori. Los visitantes van atopar material espositivu en formatu físicu sobre’l cómic n’asturianu, que se pue ampliar con archivos d’imáxenes, videos, documentación de blogues y páxines web que s’activen al ser escaniaos cola aplicación 'Layar'. La esposición va tar abierta'l públicu tamién hasta'l día 28, anque namái n'horariu de manaña: de llunes a vienres, de 9 a 13 hores. Fonte: asturies.com
