La conexón con Asturies, tema central d'unes xornaes en Miranda

Cartelu II Joornadas de Língua e Cultura Mirandesa 'Amadeu Ferreira'

   Les II Jornadas de Língua e Cultura Mirandesa 'Amadeu Ferreira' van celebrase del 17 al 19 d'esti mes en Miranda de l Douro.

  El Município de Miranda de l Douro y la Associação de Língua e Cultura Mirandesa entamen esta iniciativa que va repartise ente'l Largo D. João III, la Câmara Municipal y la Casa da Língua Mirandesa col oxetivu de ser un alcuentru añal de trabayu y desarrollu de la llingua mirandesa, perteneciente al . D'igual forma, pretende ser un homenaxe a Amadeu Ferreira, ex presidente fináu recientemente de l'Associaçon de Lhéngua Mirandesa.

  Nestes trés xornaes va haber conferencies, alcuentros d'autores mirandeses y asturianos y la presententación de la revista Studos de Lhengua i Cultura. Amás, de forma paralela, va entamase un un 'Mercado Astur-Mirandés' con productos de dambos territorios con productos de dambos territorios.                                                                 Fonte: asturies.com

Un profesor cuelga videos divertíos con cantares pa neños y neñes en youtube pa enseñar mirandés

 

Emilio Martins, mayestru de mirandés

     Emílio Martins, un maestru de mirandés, ta acabante d'entamar un proyeutu p’averar esti idioma del tueru    asturlleonés a neños y neñes. Ésti lleva’l nome de ‘Mirandês for kids’ y consiste en videos con cantares colgaos en  Youtube.

     La inicitiva, na que'l profesor utiliza un personaxe de nome ‘Eimilho Pica’, ta teniendo una repercusión amplia en    Miranda de l Douro, llegando a sumar más de 3.800 reproducciones en dalgún de los sos videos colgaos en Youtube.  Éstos busquen, al traviés del humor, el teatru y la música, facilitar el deprendimientu de la llingua del llugar a ñeños  y neñes. De momento, hai cuatro episodios de ‘Mirandês for kids’, l’últimu dedicáu a les partes del cuerpu, anque  Martins tien na so cuenta de Youtube otros 14 d’humor, toos en mirandés. Sicasí, los más visitaos son los que  correspuenden a esta serie didáutica, estrenada’l 3 de xineru cola idea de dir sumando un capítulu nuevu cada  selmana.

     Martins trátase d’una persona mui activa na promoción del idioma, yá que tamién ye promotor d’una banda d’agro- rock de nome Picä Tumilho. La llingua mirandesa, hermana de l’asturiana, ye oficial en Miranda de l Douro xunto col  portugués dende l’añu 1999 por decisión de l’Assembleia da República Portuguesa.

   Fonte:  Asturies.com   A la gueta los sueños