Amelia Fernández López, alcaldesa de Carreño
El puestu, que pagaben tanto Carreño como Gozón al traviés de la Mancomunidá del Cabu Peñes, lleva vacante dos meses.
L'alcalde de Gozón, el socialista Jorge Suárez García refuga poner perres pa cubrir dichu puestu y tresmite a Carreño que, de querer continuar col Serviciu de Normalización Llingüística (SNL) deberá correr él colos gastos. Los motivos qu'espone pa defender esta postura ye la deuda que caltién el so conceyu cola Mancomunidá del Cabu Peñes, de 238.000 euros que va abonando mes a mes con pagos de 35.000 euros.
Jorge Suárez García, alcalde de Gozón
La tamién socialista Amelia Fernández López, alcaldesa de Carreño, respondió a esta postura de Suárez García con indignación al considerar que con esta postura pretende dar un portazu a la Mancomunidá del Cabu Peñes. Sobre la plaza del SNL, apunta que defende'l so caltenimientu, pero refuga asumir el costu en solitariu.
El gastu nel SNL supón 540 euros mensuales a cada conceyu, siendo'l Gobiernu el que pon la mayor cantidá de perres: 14.000 de los 27.400 añeles que cuesta. Fonte: asturies.com
