Arnaldo alderica colos llectores maliayos sobre 'Nel ríu la fame'

• • . Arnaldo estrénase con un llibru n'asturianu

Cubierta de 'Nel riu la fame'

Llingua asturiana, 

31 Mayu, 2017

Esti llibru de rellatos ye la primer obra qu'espubliza la escritora de La Ponte Castru.

Los Alcuentros col Autor de los Talleres de Llectura n'Asturianu de Villaviciosa, qu'entama'l Serviciu de Normalización Llingüística de la 'Comarca de la Sidra', conviden mañana a Pilar Arnaldo p'aldericar sobre la so obra 'Nel ríu la fame'. Trátase d'una compilación de seis rellatos sobre histories realistes, y dacuando dures, de muyeres del mundu rural ambientaes nel entornu del ríu la Fame, nome popular que recibe'l ríu Xinestaza, en Tinéu.

L'actu va desendolcase a les 19 hores nel salón d'actos del Centru Cultural Capistrano. 'Nel ríu la fame' ye una obra editada por Saltadera que yá va pola so segunda edición.
Fonte: asturies.com

Marín Estrada participa nos alcuentros colos llectores de Villaviciosa

Pablo Antón Marín Estrada

 Va falar de la so obra 'Mientres cai la nueche'.

Los Alcuentros col Autor de los Talleres de Llectura n'Asturianu de Villaviciosa qu'entama'l Serviciu de Normalización Llingüística de la 'Comarca de la Sidra' viven mañana una sesión nueva. Nesta ocasión el convidáu ye Pablo Antón Marín Estrada, que va falar sobre 'Mientres cai la nueche', novela ganadora del XXX Premiu Xosefa Xovellanos, corrrespondiente al añu 2009. 

L'actu va celebrase a les 19 hores nel aula del segundu pisu del Centru Cultural Capistrano. Fonte: asturies.com