La Escolina de Reciella abrirá grupu n'Uviéu

• . Reciella entama ‘La Escolina’, una actividá d’aprendizaxe d’asturianu pa neños

Na semeya, un momentu de l'actividá nel aula del CP Poeta Antón de Marirreguera.

'Reciella. Families pol Asturianu' ta trabayando en cuadrar horarios pa empezar coles clases nun centru escolar de la ciudá.

Tres les esperiencies perpositives en Xixón y Candás, La Escolina de Reciella aportará próximamente a Uviéu. La organización que trabaya pa garantizar la tresmisión xeneracional del idioma ta agora cuadrando horarios cola intención de comenzar cola actividá lo más pronto posible.

Anguaño hai cinco grupos furrulando de La Escolina de Reciella. A los dos del xixonés Colexu Públicu Xovellanos (2-3 y 4-5 años) y l'aula del candasín Poeta Antón de Marirreguera, sumarónse esti añu dos más nel xixonés García Lorca (2-3 y 4-5 años).
Fonte: asturies.com

La presentación de 'Bestiariu' dexó pequeñu'l salón del CP Xovellanos de Xixón

"Bestiariu", un CD qu'axunta a 10 bandes cantando n'asturianu pa la Reciella

Presentación de "Bestiariu" nel Colexu Públicu Xovellanos de Xixón

 Ésitu de públicu y crítica nel conciertu qu'abrió'l Festival Escenines pa la Reciella.

 Les diez bandes que conformen esta producción de La Fabriquina xunto con Araz.net –empresa editora d'Asturies.com– quixeron participar nesta estrena anque nun pudieren acudir cola formación completa. Ello permitió a los pequeños asitiaos nes primeres fileres y a los padres, colocaos mayormente na parte d'atrás d'un salón d'actos del Colexu Públicu Xovellanos que quedó pequeñu pa la ocasión, disfrutar de los diez cantares dedicaos a animales de la nuesa fauna y dalgún más. Toos arrancaron los aplausos d'un públicu mui entregáu.

 El miércoles va celebrase la segunda sesión d'Escenenines pa la Reciella, actividá entamada por 'Reciella. Families pol Asturianu', dando pasu al teatru. Asina, El Callejón del Gato va representar a les 19 hores nel CP Xovellanos la versión asturiana de la obra 'Grana de cardamomu', que fala del viaxe fantásticu que fai una neña a la busca de la grana d’una enigmática planta. La entrada a toles actividaes d'esti festival ye de baldre. Fonte: asturies.com