18/11/15

Paco Abril presenta n’Uviéu la so versión de los Mitos d’Asturies

Paco Abril presenta n’Uviéu la so versión de los Mitos d’Asturies
La Llibrería Cervantes d’Uviéu y PINTAR-PINTAR Editorial van presentar esti xueves el llibru Mitos d’Asturies, escritu ya ilustráu por Paco Abril.
L’actu va tener llugar el prósimu xueves, 19 de noviembre, a les 19 hores y va cuntar cola presencia na llibrería de Paco Abril, autor del llibru, Ángela Sánchez, editora de Pintar-Pintar Editorial, Esther García, escritora, miembru correspondiente de L’Academia de la Llingua Asturiana y presidenta de l'Asociación d'Escritores d' Asturies, y Chelo Veiga, bibliotecaria.
Mitos d’Asturies ye una visión absolutamente fresca, anovada y bien personal del escritor y espertu en LIX Paco Abril. El cocu, el chupasangres, la santa compaña, l’home del sacu… Mitos d’equí, d’allá y de tolos tiempos. Dende La Odisea, pasando pol Lazarillo hasta llegar a Narnia. Y con unes illustraciones qu’el colaxeru Paco compunxo pa la ocasión resgando y pegando mil papeles. Mitos d’Asturies también pue vese en Pinterest. Fonte: Asturnews

3 comentarios:

  1. Norabona al mayestru Pacu Abril, siempre coles magnífiques y superabundantes idees destinaes al mundu infantil y xuvenil. Felicidaes por esti nuevu allumamientu lliterariu.

    ResponderEliminar
  2. Abril trabayó munchu dende la Fundación Municipal de Cultura colos neños y neñes y cola xuventú del conceyu collaborando colos colexos ya institutos a espertar les sos idees llectores, narratives, artístiques y creatives. Agora en la so xubilación dorada y bien merecida sigue escribiendo, cuntando, imaxinando, dibuxando, proxectando, y apurriendo mil escurres ensin parar. Ye'l momentu oportunu de reconocer de manera particular ya inclusive oficial el so talentu y los sos esfuerzos mientres décades.

    ResponderEliminar
  3. Agora sigue trabayando por llibre enforma y superbién no que más-y gusta.

    ResponderEliminar

Los comentarios tán pendientes de moderación. Espublizaránse lo primero dable.