Podemos demanda la realización inmediata d’un estudiu sociollingüísticu

Presenta una proposición non de llei sobre l’adopción de midíes pa la proteición, conservación, difusión y normalización del idioma que va tratase esta selmana en Plenu. Tamién entrugues sobre los deportes tradicionales y el patrimoniu.

Podemos Asturies insta al Conseyu de Gobiernu a que presente énte la Xunta Xeneral un proyeutu de Reglamentu pa desendolcar y facer cumplir la Llei del Promoción y Usu del Bable/Asturianu y la realización inmediata d’un estudiu sociollingüísticu "que nos aporte les claves de  les actitúes, creencies, espectatives y vitalidá de la llingua asturiana ente la población" pa detectar "les posibilidaes y les reticencies esistentes nesti ámbitu partiendo d’unes bases bien establecíes". L’anterior, encargáu pola Academia de la Llingua Asturiana, llevó’l nome de ‘II Estudio sociolingüístico de Asturias 2002’ y el so autor foi Franscisco José Llera Ramo, responsable tamién del primeru, fechu por demanda del Gobiernu nel 1991 y espublizáu nel 1994 col títulu ‘Los asturianos y la lengua asturiana. Estudio sociolingüístico para el Principado de Asturias’.

La intención de Podemos ye que, una vegada finada esti tercer estudiu sociollingüísticu y analizáu’l mesmu, l’Executivu "ellabore y implante con caráuter urxente’l II Plan pa la Normalización Social del Asturianu, tres el primeru que se desendolcó ente los años 2005-2007".  Tamién demanda que s’inste a toles corporaciones municipales a cumplir la Llei d’Usu y a la modificación de los currículos del primer y segundu ciclu d’Educación Infantil "col propósitu de recoyer la realidá sociollingüística del Principáu d’Asturies y regular l’enseñu de la llingua asturiana y el gallego-asturiano en dicha etapa educativa".

Esta proposición non de llei va aldericase esta selmana en Plenu na Xunta Xeneral, previstu pal xueves y vienres.

Cuatro entrugues

Lucía Montejo, vocera del grupu parllamentariu, tamién presenta pa esta sesión cuatro entrugues sobre la política xeneral del Gobiernu. La primera refierse a los deportes tradicionales, en concreto sobre les midíes previstes a adoptar pa la so proteición, conservación y difusión. Mentes, les restantes céntrense na proteición del patrimoniu industrial y l’inmaterial, asina como del prerrománicu.
Fonte:asturies.com

Proposición non de llei énte'l Plenu del Grupu Parllamentariu Podemos Asturies sobre adopción de midíes pa la proteición, conservación, difusión y normalización del bable-asturianu.PDF

Queríu Mankell...

Henning Georg Mankell

   Póngome a mirar cuántes noveles suyes tengo na mio biblioteca y cuento… dieciseis. ¿Tantes? Pues sí. Repásoles tal y como les tengo allugaes: El chino; Asesinos sin rostro; Los perros de Riga; La falsa pista; La leona blanca; El hombre sonriente; La quinta mujer; Pisando los talones; Cortafuegos; El hombre inquieto; Antes de que hiele; La pirámide; El retorno del profesor de baile; Comedia infantil; El cerebro de Kennedy; Profundidades…

   Agora que relleo los títulos, a la hora de trescribilos, repaso mentalmente de qué trata cada un. Los que son del Inspector Wallander y los que non. Los que más me prestaron. Dalgunos que m’impresionaron. Otros estraños, como esa maravilla, inquietante, orixinal que cito n’últimu llugar: Profundidades. De cuatro d’ellos fice’l comentariu nesi espaciu que cuelgo de xemes en cuando, “Ex libris”, y que podríen tener sido munchos más porque toos ellos merecen un llugar na mio memoria de llector.

   Mankell. Siempre lu imaxiné col rostru del so personaxe, el veteranu, cansáu, escepticu, intelixente, inspector que busca sobrevivir ente la mierda que lu arrodia. El crime, el racismu, la llocura, la violencia, les polítiques migratories cada vuelta más restrictives… too eso que valtia, que fai esbarrumbar aquel imaxinariu “paraísu suecu” de los nuestros años mozos. Y ye que na tierra nun esisten los paraísos, a nun ser los fiscales. Pienso agora que cuando Henning Mankell mató al so inspector Wallander –El hombre inquieto- somorguiándolu nel duce  abandonu del Alzheimer, él mesmu se condenó a otra muerte pero nesti casu real. La suya propia. Lleendo les caberes páxines de la novela, podíen espeyar perfeutamente los últimos pensamientos del autor, anque él mésmu los tresmitió publicamente na so última obra, Arenas movedizas, llibru que, claro, yo nunca lleeré. Nun quiero epitafios, quiero conservar la memoria d’un de los mios escritores favoritos tal y como la tengo agora. Como si entovía viviere, porque los bonos escritores en realidá nun muerren, mientres tengamos la so obra fresco na memoria o un llibru a mano pa poder recordalos. ¡Qué más nos da que tea en Suecia, en Mozambique o nel espaciu sideral! Siempre los tendremos equí a mano, na biblioteca de casa, xunto a la butaca oreyera y l’alfombra estampada. Asina que ¡hasta llueu, Henning! Cualquier día d’estos alcuéntrome otra vez contigo.        

Fonte: trabayudecampu. com/Vicente García Oliva/asturies.com

L'agua nun pudo cola reciella

Una imaxe del tendayu del Muséu del Pueblu d’Asturies na tarde d’ayeri. (del domingu) Semeya de Jana Suárez

 El lloviu que cayó de manera intermitente esti domingu en Xixón nun tornó la gana de diversión de los neños y neñes qu’acudieron coles sos families al III Día de la Reciella. Los xuegos, la música y la gastronomía foron protagonistes.

 Les posibilidaes que da’l Tendayu del Muséu del Pueblu d’Asturies permitieron treslladar dientro dalgunes de les actividaes previstes y camudar delles de les actividaes d'horariu cuando l’agua fixo actu de presencia obligando a entamar la xornada con más de media hora de retrasu.

 Finalmente cuando entamó a escamplar, abrió la programación el dúu Mestura, con un conciertu participativu nel q ue los asistentes pudieron esfrutar de los temes del CD Pallabres de Carambelu.

 Depués, cuando apaecía en cielu una lluga, y yá colos xuegos tradicionales de l'Asociación Cultural Esbilla y el pintacares en marcha, Lluis Nel Estrada, de 40 Primaveres, conduxo un taller sobre los quesos del país qu'apurrió el comerciu La Gijonesa.

Superllingua       En pasando la posa pa la xinta entamaron les actividaes de la tarde, cola Gynkana a la que convidó'l superhéroe Superllingua que llevó a neños y neñes per tol muséu, enseñándo-yos les lletres y tres de la que toos y toes les participantes tuvieron un regalu.

 Y, ya col pintacares otra vegada en marcha foi'l turnu de la Escuela de Música Tradicional La Quintana, qu'entamaron alredor de les 17.00 col conciertín de Serie2, un grupu formáu por alumnáu de la escuela, al que siguió l'actividá Xugando con Música, pa rematar, tres d'una rifa de productos infantiles, con un conciertu de los profesores de la escuela.

 La Oficina de Normalización Llingüística de Xixón, la TPA, el Centru Social Sestaferia y Asturies.com foron delles de les entidaes que collaboraron pa qu’esta xornada tornara a ser un éxitu y, lo más importante, permitiera a la reciella’l disfrutar d’un día de diversión en llingua asturiana.

L'enfotu de la organización d'esti día d'actividaes infantiles y familiares n'asturianu ye facer normal lo que desgraciadamente nun ye normal n’Asturies; ayudando a cubrir esi déficit que tienen los neños y neñes asturianes al nun tener accesu a asturianu nun periodu tan importante pa la tresmisión xeneracional del idioma.

L'añu de la consolidación  David Guardado, miembru de la directiva de Reciella comentaba durante la xornada que "esti ye l'añu de la consolidación, depués de dos años d'aprendizaxe yá podemos dicir qu'el día de la Reciella ye una cita p'acutar nel entamu de la seronda n'Asturies", y alegrábase de que "el mal tiempu, l'aire y los dos bastiazos que cayeron pela mañana y al mediu día nun impidieren la presencia d'abonda xente y sobre manera de que los neños y neñes lo pasaren 'podre' anque dalgún coló pa casa con una bona pulpera".

 Guardado quixo agradecer especialmente'l so sofitu a tolos collaboradores, que, dixo, "faenlo desinteresandamente y ayúdennos a iguar esos espacios de normalidá que tanta falta nos faen, anque quede munchu camín qu'andar" y recordó que Reciella fai actividaes tol añu pero que'l so llabor "nun pue tapecer que les alministraciones tienen una responsabilidá perimportante na tresmisión interxeneracional del idioma" polo que pidió "un apueste más decidíu a l'alministración nueva pa qu'ente toos y toes podamos asegurar el futuru de la llingua asturiana".

 Una danza prima, alredor de les 19 hores, punxo’l ramu al III Día de la Reciella, una iniciativa que tendrá continuidá dau’l so ésitu añu tres añu. Esta selmana podrán disfrutar n’Asturies.com d’una galería de semeyes coles actividaes d’esta xornada.                                                                    Fonte: asturies.com

A la vienta les entraes pa los ciclos ‘Teatru na seronda’ y ‘Teatru pa Xente Menudo’

‘Teatru na seronda’ y ‘Teatru pa Xente Menudo’ tornen n’ochobre al Filarmónica con un programa de variedá d’estilos y temátiques p’adultos y neños.

La propuesta de Teatru na seronda percuerre clásicos comoShakespeare o La Celestina deteniéndose tamién en montaxes de compañíes asturianes y con un perfil de temática social. La obra ‘La Formosa Jarifa’, basada nun testu orixinal d’Antonio Villegas y nel romanceru popular, abre’l  ciclu narrando una hestoria d’amor ente un moru y una cristiana nel sieglu XVI. La obra va llevase a escena’l sábadu 17 d’ochobre con precios de 9 a 12 euros.

El vienres 30 d’ochobre, los amantes del teatru van ver cómo Charo López interpreta al personaxe de La Celestina, na producción ‘Güeyos d’agua’, un monólogu basáu na obra de Fernando de Rojas. Les entraes tienen un preciu de 16 y 14 euros. ‘Solazu’, obra basada na novela de la gallega Emilia Pardo Bazán, al Filarmónica’l 14 de Payares na dirección de Luis Luque. 

La compañía Factoría Norte va representar el vienres 27 de noviembre ‘Mujer‘, una idea orixinal de Carmen Gallu dirixida por Ánxeles Jiménez y con testos de Berta Piñán y la directora del montaxe.  El preciu de les entraes y s de 4,50 y 6,50 euros.

El vienres 4 d’avientu, Teatru Cuervu preséntanos la comedia ‘Criaos y Bufones’, na que nos ufierta un percorríu pola obra de William Shakespeare, dende’l puntu de vista esos criaos risibles y bufones qu’ocupen un rol secundariu. Les entraes cuesten ente 4,50 y 6,50 euros.

No que se refier a la ufierta pal públicu infantil, hai cinco obres de bien variada temática. La cita va ser los sábados a los seis de la tarde. El 10 d’ochobre, la compañía Saga Producciones va interpretar ‘Alicia’. Un viaxe nel que los neños van acompañar al míticu personaxe de Lewis Carroll nes sos aventures pel País de les Maravíes. El preciu de les entraes ye de 4,50 y 6,50 euros. Teatru Mutis va llevar a escena’l día 24 d’ochobre ‘El suétanu encantáu’, una obra na que los dos neños protagonistes  empecipien la busca d’una ayalga escondida. Les entraes tienen un preciu de 4,50 y 6,50 euros.

‘The Melting pot popourri’, de la compañía Los Excéntricos, un compendiu de sketches esitosos de los sos últimos espectáculos, va vese’l 7 de Payares a un preciu de 8 y 10 euros. La compañía El Cau de l’UNicorn va presentar el 21 l’espectáculu musical ‘La Vía Láctea’ nel que nos afayen el planeta Argos, un llugar habitáu por seres que namá s’alimenten de lleche y los sos derivaos. Los precios de les entraes son de 4,50 y 6,50 euros. A lo último, el sábadu 5 d’avientu, Dantea Educate propónnos ‘Cervan3D’, una producción que s’estrenó nel marcu del I Festival Xigante, na Sociedá Cervantina de Madrid. Los precios son de 4,50 y 6,50 euros.

Les entraes pa estos dos ciclos de teatru pueden alquirise nes taquilles de los teatros Filarmónica y Campoamor, nos caxeros de Liberbank y nel teléfonu 902 106 601.

Fonte: Asturnews

Convocada l’Axenda Didáctica Escolar 2015/2016

  Otru añu más, a lo largo d’esti mes d’ochobre, les empreses privaes (persones físiques o xurídiques) interesaes en participar na Axenda Didáctica Escolar 2015/2016 puen presentar los sos proyectos. 

  Puen presentar proyectos toes aquelles empreses privaes d’ámbitu asturianu que tean daes d’alta nel epígrafe del IAE que permita la realización d’actividaes artístiques, culturales, lliteraries o musicales, y na Seguridá Social nel so casu. Cada empresa pue presentar un máximu de 4 proyectos pa Educación Primaria y 4 proyectos pa ESO y Bachilleratu.

  Les normes de participación publicaes nel BOPA del 12-II-2013, que yeren les videntes hasta l’añu pasáu, sufrieron una modificación, publicada nel BOPA del 30-IX-2014. Equí pue descargase un documentu coles Normes de participación na Axenda Didáctica Escolar, onde tán yá incluyíes les modificaciones últimes a les que se fai referencia:

http://www.politicallinguistica.org/ficheru.php?cod=1543

  El modelu de solicitú p’acompañar a cada proyectu pue descargase esquí, faciendi alcordanza de que’l plazu de presentación zárrase’l 31 d’ochobre.

http://www.politicallinguistica.org/ficheru.php?cod=1639           Fonte: asturnews.com

Veny reivindica la unitat de la llengua catalana de Salses a Guardamar

Joan Veny, Artur Mas i Muriel Casals. acn

BARCELONA | EFE/DDG El filòleg mallorquí Joan Veny i Clar va rebre el 47è Premi d'Honor de les Lletres Catalanes atorgat per Òmnium Cultural al Palau de la Música. El guardonat va reivindicar la unitat del català: "La nostra llengua és una, de Salses a Guardamar i de Fraga a Maó i l'Alguer. Per això hem denunciat i condemnat els governs que, dins la catalanofonia, han promogut desconnexions de canals mediàtics i han posat traves a l'ensenyament de i en la llengua pròpia. Amb la llengua no s'hi juga!", va alertar.

Muriel Casals, presidenta d'Òmnium, va fer referència al 27-S ressaltant que "ara és l'hora de sumar. Cadascú amb la seva veu i amb les seves idees, actuant junts per fer realitat la il·lusió compartida".

L'acte, al Palau de la Música, va comptar amb les intervencions, entre d'altres, del periodista Joaquim Maria Puyal i el filòleg Joan Mas i Vives.
Filòleg, savi, estudiós, Veny és continuador de la ingent obra de Joan Coromines, de qui sempre s'ha declarat "admirador", i l'artífex, al costat de Lídia Pons, de l'Atles Lingüístic del Domini Català, un programa d'investigació sobre la llengua catalana centrat en la diversitat dialectal.
El jurat del premi va destacar el mes de febrer passat l'"excel·lència de la seva obra científica".

Fonte: Diari de Girona

López afala a les families pa que’l “Día de la Reciella seya tolos díes del añu”

por Pablo R. Guardado 

La conceyala d’Educación y Cultura de Xixón acompañó nel actu de presentación d’esta xornada a Alberto Fidalgo, de ‘Reciella. Families pol Asturianu’. Va celebrase esti domingu nel Muséu del Pueblu d’Asturies con delles actividaes programaes.

Ana Montserrat López Moro emponderó en primer llugar el llabor de Reciella, asociación que tien como finxos “la tresmisión xeneracional del asturianu nel ámbitu social y familiar” y cola col Conceyu de Xixón vien collaborando nos años últimos, pa depués enumerar estes iniciatives conxuntes, que van continuar nesti cursu. “Animamos a les families a usar l’asturianu en toles situaciones y en tolos momentos, porque ellos son el futuru del asturianu. Que’l Día de la Reciella seya tolos díes del añu”, destacó la edil.

Pela so parte, Fidalgo apuntó que’l III Día de la Reciella “vien enlleno d’actividaes, con un programa que nun va defraudar”, y definiólo como “un día pa que les families asturianes disfruten d’un tiempu d’ociu n’asturianu colos sos fíos y les sos fíes”. En definitiva, “un día pa pasalo bien n’asturianu”.

Pa neños y neñes de 2 a 10 años

L’actividá va principiar el domingu a les11 hores con un taller de xuegos tradicionales asturianos entamaos pola Asociación Cultural Esbilla, pa depués dar pasu al meudía al dúu Mestura y les sos ‘Palabres de carambelu”. Neños y pas van poder disfrutar darréu d’un taller del cocineru Lluis Nel Estrada, previstu pa les 13 hores, de nome ‘Descubriendo los nuesos quesos’, pa lo que ye necesario inscribise previamente’l mesmu domingu pela mañana na tienda del aire de Reciella.

Tres una posa pa xintar, que se va poder facer na barra con productos asturianos que va instalase nel tendayu del Muséu del Pueblu d’Asturies, a les 16 hores va celebrase una gymkhana per tola instalación baxo’l nome de ‘Lletres nel muséu’. Llueu va ser turnu del baille tradicional cola Escuela de Música Tradicional La Quintana y el taller ‘Xugando cola música’, que precisamente depués va ufrir una actuación. Pa finar la xornada, a les 19 hores va haber una danza prima.

Amás d’esta programación, van entamase delles actividaes paraleles, como un pintacares –que va tener el costu d’un euru–, televisión n’asturianu con ‘Presta asgaya’ de TPA o la esposición ‘Agora Quini, agora’. Tamién van instalase puestinos de música y llibros de lliteratura infantil o xuvenil.

Toles actividaes son de baldre y tán destinaes principalmente pa neños y neñes con edaes comprendíes “ente los dos y los diez años”, apuntó Fidalgo, que destacó que n’ediciones anteriores llegaron a pasar alredor de 1.000 persones pel Muséu del Pueblu d’Asturies pa participar nel Día de la Reciella. Reciella recuerda que los pequeños han de tar acompañaos siempre por un adultu en too momentu.

Fonte: Asturies.com

IX Edición do Proxecto Didáctico Antonio Fraguas Fraguas

25-09-2015 - 15-11-2015

Antonio Fraguas Fraguas, 1905 Loureiro (Pontevedra)-1999 Santiago de Compostela

  O Proxecto Didáctico Antonio Fraguas é un xeito de premiar a comunidade escolar polos seus esforzos cara á educación patrimonial, ao coñecemento da lingua e do medio e á valoración dos máis diversos elementos do noso acervo cultural, a través de traballos sistemáticos de pescuda sobre o patrimonio etnográfico, antropolóxico, lingüístico, xeográfico, histórico e artístico da contorna dos centros escolares.

Antonio Fraguas Fraguas, escritor, historiador, antropólogo y etnógrafo

  O Proxecto Didáctico Antonio Fraguas, que conta co apoio da Secretaría Xeral de Política Lingüística, culmina a súa novena edición e vén de ser recoñecido pola Consellería de Cultura, Educación e Ordenación universitaria como proxecto de innovación educativa.

  Nesta edición acordouse, por unanimidade, premiar os seguintes centros:

- Na modalidade de Ensino Primario o galardón recaeu no CEIP O Pombal, de Vigo, polo seu traballo Lavadores. Pasado e presente da nosa parroquia, destacando o xurado o esforzo por situar o alumnado dentro da memoria local do seu contorno inmediato, con especificidades históricas propias e polo subxacente esforzo de re-galeguizar a comunidade escolar mediante un proxecto didáctico multidisciplinar.

- Na modalidade de Ensino Secundario acordouse conceder o premio ao IES Pintor Colmeiro de Silleda, polo seu proxecto A paisaxe lendaria e toponímica do concello de Silleda, valorando o esforzo do alumnado na busca das raíces lendarias, tradicionais e históricas nos nomes dos lugares, na recollida destes e na súa fixación mediante tecnoloxías informáticas.                                                      Fonte: http://museodopobo.gal

Montañas del Teleno fomenta las falas tradicionales qu’arrodian al Picu Talenu

L’asociación que trabaya pul puxu socioeconómicu de las comarcas históricas del Picu Talenu, amuéstrase a favor de la recuperación de la llengua asturllionesa

     No postreiru boletín informativu delGrupo de Acción Local Montañas del Teleno dase voz a las últimas campañas feitas pur dalgunas asociaciones culturales llionesas y l’Ayuntamientu de Trueitas en favor de la toponimia y las falas tradicionales de la contorna del Picu Talenu, cumo pur casu, las ñuevas señalizaciones billingües en castellanu y cabreirés instaladas en Cabreira Alta, la publicación pur parte de l’Asociación Faceira d’un mapa cartográficu cunos ñomes tradicionales cabreireses, ou la campaña “Na llengua de casa” de l’Asociación El Teixu que quier llevar la llengua asturllionesa a los comercios y negocios del llugar cun cartelines indicativos d’abiertu/zarráu ou d’entrada al establecimientu, y a la que Montañas del Teleno tamién se sumóu afirmando que “el asturleonés es un patrimonio de todos los tilenenses que es necesario preservar y fomentar”.

Asociación Montañas del Teleno secundando la campaña “Na llengua de casa”. Fotografía: M.T.

ElCabreirés.com tuvo oucasión de falar cun Ana Astorga González, la responsable del equipu técnicu de l’Asociación Montañas del Teleno, quien nos comunicóu l’interés d’esta asociación pur fomentar y incluyir en próximos númberos del sou boletín informativu noticias billingües redactadas tamién en llionés, la fala tradicional de las comarcas del suroeste de Llión.

   El Grupo de Acción Local Montañas del Teleno yía una asociación sin ánimu d’erriquecimientu que ñaciéu no añu 1994 pur iniciativa de 16 ayuntamientos de la contorna de la sierra del Picu Talenu no suroeste de la provincia de Llión y anguaño son yá 25 los términos municipales que se xuntorun. Ñaciéu cunas miras de xestionar todas aqueillas ayudas que vengan de cualesquier alministración ou organismu cunas que dar puxu a la pobración y salir de la situación de decadencia y abandonu na qu’estaba sumíu’l territoriu, pa chegar al ambiciosu obxectivu de progresu y crecimientu.

   Entre las trazas estratéxicas propuestas pur Montañas del Teleno, destacan la recuperación y conservación del patrimoniu cultural, el fortalecimientu del texíu socioeconómicu pa evitar que los mozos y mozas abandonen los sous puebros, ou la puesta en valor del sector agropecuariu complementando tamién a outras actividades empresariales.                                                     Fonte: http://www.elcabreires.com

L’Institutu Cervantes empobínate pelos pasos de Neruda en París

Detalle de la fachada de la Biblioteca Octavio Paz del Instituto Cervantes de París

  L'Institutu Cervantes de París vieno acabante presentar la última ruta suxerida pa siguir nesta ciudá los pasos d’una figura insigne de la cultura hispano y universal: Pablo Neruda.

  Aprovechando cuando Pablo Neruda yera embaxador en París en 1971 y recibió la noticia de que-y concedieren el Nobel de Lliteratura, en que perdió l’apueste con unu de los conseyeros de la so Embaxada, el tamién escritor Jorge Edwards, y delles otres anécdotes que rescaten agora, l’Institutu Cervantes de París presenta la última ruta pa siguir nesta ciudá los pasos d’una figura de la cultura hispana y universal. La institución propón un percorríu cenciellu qu’abre los güeyos al visitante más allá de la visión de la pimpana arquitectura de la capital francesa.

  La ruta Cervantes de Neruda entama na web del institutu y siguiendo les instrucciones col mapa que s’ufierta puL'Institutu Cervantes de Paríse unu averase al ricu mundu de Neruda, que tuvo como primer misión diplomática en Francia, como cónsul en 1939, poner a salvu a 2.000 exiliaos españoles, embarcándolos nel Winnipeg camín de Valparaíso.

  Carlos Fuentes, César Vallina, Dalí, Diego Rivera, Frida Kahlo, Gabriel García Márquez, Julio Cortázar, Octavio Paz o Mario Vargas Llosa tamién tienen les sos rutes parisines.L’Institutu Cervantes empecipió estes rutes d’escritores en 2010. 
                                                                                                               Fonte: asturnews.com

La placa de recuerdu a Mánfer de la Llera en Sama, desapaecida

Vicente Álvarez Areces y María Esther Díaz, presidente d'Asturies y alcaldesa de Llangréu destapen la placa en mayu del 2011 na cai La Llera

El PAS reclama la so reposición

La placa instalóse en mayu del 2011 na cai La Llera coincidiendo cola Selmana de les Lletres Asturianes, qu'esi añu taba dedicada a la figura del escritor nacíu en Ciañu. Vicente Álvarez Areces y María Esther Díaz, presidente d'Asturies y alcaldesa de Llangréu, de manera respeutiva, naquel tiempu, encargáronse de destapar dicha placa en recuerdu a Manuel d’Andrés Fernández 'Mánfer de la Llera' (Ciañu, 1918; Xixón, 2005).

Güei, cuatro años depués, ésta ta desapaecía, según informa'l Partíu Asturianista (PAS). La formación reclama la so reposición, "máxime nestos díes nos que na su tierra d'adopción, en Xixón, homenaxeáronlu" cola instalación d'un monolitu de recuerdu nel parque que lleva'l so nome. "Paez una afrenta pública que, por contra, a un llangreanu nacíu en Ciañu se-y quite'l reconocimientu de los sos vecinos y de la so memoria", afirma Xosé Avelino Devesa, secretariu del PAS en Llangréu.                                                                  Fonte:asturies.com

Una bona novela asturiana

En realidá la pallabra “asturiana” sobraría nesti títulu, porque la novela d’Antón García Crónica de la lluz y la solombra sería una bona novela en cualisquier llingua en que tuviere escrita inclusive, claro, el castellán. Pero préstame ponelo pa resaltar cómo un productu editorial fechu nel nuestru país, puede oldease perfechamente con cualquier otru de lliteratures que tienen un mayor prestixu. N’efeutu, trátase d’una obra escrita por un autor asturianu, que cuenta un tema asturianu que, amás, desendólcase na nuestra tierra,  y ta guapamente publicada por una editorial d’equí. Poro, préstame recalcalo porque avezaos a echar siempres a la escontra de tolo de nueso, bien ta destacar los bonos llogros propios, cuando se producen.

Y digo qu’esta Crónica de la lluz y la solombra ye una bona novela porque tien tolos ingredientes que necesita pa qu’asina asoceda. Antón García, que tien el llistón mui altu d’otros productos suyos tanto en poesía, como en narrativa -por axustanos namás al llabor de creación- llogra equí interesanos con un tema fuerte, desagradable, foscu, como ye la historia d’un doble crime nuna aldea asturiana del conceyu de Tinéu, la detención del culpable, el xuiciu, y el posterior axusticiamientu mediante’l tristemente famosu “garrote vil”. Una historia basada nun fechu real qu’ocurrió na braña de La Zorera, Gancedo, nel añu 1897.

El llibru d’Antón García, y quiero dicilo yá, nun ye aptu pa llectores que nun tengan un bonestómadu porque enantes dixi que yera desagradable, pero ye muncho más qu’eso: ye una historia afogante, opresiva, zarrada sobre sí mesma nuna especie de círculu claustrofóbicu que se llee -polo menos nel mio casu- con un ciertu malestar. Pa escribir una historia asina hai que ser, induldablemente, un bon escritor, porque si non nun te quitaría naide d’abandonar la so llectura enantes de llegar a la pallabra fin. En cambiu, l’autor de Tuña tiende una sutil rede de personaxes y personalidaes que garra la to atención dende l’empiezu, llevándote dende la remota braña onde asoceden los fechos, hasta la capital uvieina onde se cellebra’l xuiciu, con retornu al conceyu tinetense que ye onde fina’l condenáu y tamién la novela. Hai n’ésta, talo que si d’una obra de teatru se tratare, tres actos con tres llocalizaciones mui concretes y más d’una vuelta, al lleer determinaes partes de la mésma, pasóme pela cabeza l’alcordanza de les grandes traxedies griegues col so coru del pueblu arrodiando a los protagonistes, mientres estos van camín del tráxicu final que’l Destín-yos tien preparáu.

Pero al marxe de l’anéudota en sí -terrible anéudota, por cierto- Antón aprovecha pa describir con gran aciertu cómo yera la vida naquelles aldées asturianes, remotes, ayenes a la civilización onde la vida de caún taba en boca de tolos demás vecinos. Unos llugares onde la vida yera cualquier cosa, menos saludable, y nun lo digo sólo nel aspeutu mélicu de la pallabra. Y tamién nos cuenta con aciertu la otra vida, la de la ciudá de provincies con un notable guiñu al Clarín que tan bien supo retratala.

La mio norabona, entós, al autor, que con esta potente novela algamó, mui xustamente, el premiu Xosefa Xovellanos del añu pasáu.                               Fonte: trabayudecampu. com/Vicente García Oliva/asturies.com

El Teixu principia una campaña na defensa de la promoción de la llingua en Trueitas (Lleón)

El Teixu, Rede pal Estudiu y Defensa de la Llingua Asturllionesa, entama una campaña en Charge.org  en defensa de la política llingüística entamada pol Conceyu de Trueitas na igua de la toponimia tradicional.

El conceyu de Trueitas (Llión), por iniciativa del so alcalde, Francisco Simón Callejo, entamó va unos meses una incipiente política de promoción de la llingua autóctona. Esta política concretóse primeramente nel allugamientu de señalización viaria billingüe, na que figuren los nomes oficiales de los pueblos (de tradición alministrativa) siguíos de los nomes populares, na llingua autóctona.

Darréu de la decisión, instaláronse dellos cartelos (d’entrada y de dirección) nos que per primer vegada na hestoria figuren los topónimos na nuesa llingua: Baillo/Vayellu, Quintanilla de Yuso/Quintaniella, Truches/Trueitas, Truchillas/Truitiellas, Valdavido/Valdaviéu y Villarino/Villarinu.

Tan prudente midida, sigún desplica l’Asociación El Teixu, “produciera una aprobación xeneralizada, como pudo apreciase nes distintes reacciones publicaes nos medios de comunicación esti branu. Y ello tantu porque fai xusticia a la llingua y la cultura tradicional de los pueblos cabreireses (tantes vegaes vilipendiades y discriminaes a lo llargo de la hestoria), como porque ye la primer vegada qu’una alministración #decidir a faer respetar el mandatu del artículu 5.2 del Estatutu d’Autonomía de Castiella y Llión, qu’establez que «El lleonés va ser oxetu de protección específica per parte de les instituciones pol so particular valor dientro del patrimoniu llingüísticu de la Comunidá», y que nenguna autoridá cumpliera nin queríu faer cumplir hasta agora”.

Sicasí, a pesar de que la opinión positiva foi xeneral, nun faltaron ataques vandálicos a la señalización viaria nos que les formes toponímiques autóctones fueron tachaes o esaniciaes. Y frente a estes acciones destructives, llevantáronse les mesmes asociaciones civiles de Cabrera, que repararon y llimpiaron los indicadores deterioraos por persones desconocíes que, sía que non, demuestren tar en contra de la igualdá de derechos, del respetu a la diversidá y de la dignificación de la cultura popular.

Nesa llínea, y en defensa de la política llingüística entamada pol Conceyu de Truches, quieren sofitar les midíes tomaes “y reforzar la posición de quien se decida a afondar nelles, demostrando que somos munchos más los que reconocemos la importancia de la defensa de la llingua autóctona que quien deseyen perpetuar la desigualdá y el despreciu pola cultura y la llingua del pueblu”.

Por toes estes razones, dende El Teixu. Rede pal Estudiu y Defensa de la Llingua Asturllionesa conviden a que se suscriba esti pidimientu.

Fonte: Asturnews