Presentáu'l programa del Arcu Atlánticu

• . Conferencies sobre llingües minoritaries nel Festival Arcu Atlánticu
• . Felpeyu va presentar el so nuevu discu 'Cerquina' nel Arcu Atlánticu

Presentación del Festival Arcu Atlánticu 2017, Ayuntamientu de Xixón

  El Festival Arcu Atlánticu va celebrase del 25 al 30 de xunetu. Les actividaes van desendolcase nel barriu de Cimavilla, El Muelle, Plaza Mayor y el Centru de Cultura Antiguu Institutu.

  Un festival que tien como lema esti añu 'Un mar de llingües', y nel que delles de les llingües minoritaries europees van tener protagonismu.

  Ye de destacar el ciclu de charres sobre l'ocitanu, bretón, mirandes, euskera y asturianu;  y losconciertos diarios na Paza Mayor, L'abanícu complétase con compretu programa d'eventos y talleres lliterarios, musicales, gastronómicos y deportivos nes distintes localizaciones del festival.

  Equí puedes consultar el programa completu.  El Festival Arcu Atlánticu va celebrase del 25 al 30 de xunetu. Les actividaes van desendolcase nel barriu de Cimavilla, El Muelle, Plaza Mayor y el Centru de Cultura Antiguu Institutu.

  Un festival que tien como lema esti añu 'Un mar de llingües', y nel que delles de les llingües minoritaries europees van tener protagonismu.

  Ye de destacar el ciclu de charres sobre l'ocitanu, bretón, mirandes, euskera y asturianu;  y losconciertos diarios na Paza Mayor, L'abanícu complétase con compretu programa d'eventos y talleres lliterarios, musicales, gastronómicos y deportivos nes distintes localizaciones del festival.

  Equí puedes consultar el programa completu.                                                  Fonte: yexixon

El Festival Arcu Atlánticu censura una charra de la XDLA por “política”

Nuna decisión ablucante, el Festival Arcu Atlánticu de Xixón vieno acabante censurar una charra de laXDLA por considerala “una visión del fechu llingüísticu mui venceyada a la política” como si la normalización social de cualaquier llingua nun fuere un fechu políticu.

La Fundación Municipal de Cultural, responsable cabera del festival Arcu Atlánticu de Xixón, treslladó-y a la Xunta pola defensa de la Llingua (XDLA) qu’una charra pa presentar el Proyectu 2018 nun encaxa nun festival que nesta edición pretende poner en valir les llingües minoritaries europees por considerala “una visión del fechu llingüísticu mui venceyada a la política”. Darréu d’ello, la XDLA acusa esti martes a los organizadores, nuna nota de prensa, de querer tapecer la realidá na que vive la llingua asturiana y crítica que se tenga’l valor de pidir a una asociación que modifique’l conteníu d’una presentación.

La situación entama cuando’l Conceyu de Xixón abre una convocatoria p’asociaciones culturales pa la realización d’actividaes dientro del Festival Arcu Atlánticu 2017. La Xunta pola Defensa de la Llingua Asturiana (XDLA) solicitó esti espaciu pa presentar nuna charra’l Proyeutu 2018, una iniciativa pa poner en marcha una reforma estatutaria al traviés del Artículu 56.1., y pa colocar un puestu con material nel que tamién s’esplicara’l trabayu de la organización. Sicasí, la Fundación Municipal de Cultura, Educación y Universidá Popular de Xixón denegó’l permisu pa la primer actividá por considerar que “nun encaxa bien cola filosofía del Arcu Atlánticu; ye una visión del fechu llingüísticu mui venceyada a la política que desdibuxa la idea del Festival na que venimos trabayando dende la primer edición”.

Los responsables de la política cultural de la mayor ciudá d’Asturies afirmen qu’abrieron l’Arcu Atlánticu a les asociaciones, pero que ye una midida cultural (sic). “Trátase de poner en valor la cultura y la llingua asturianes (lo mesmo que les d’otros territorios atlánticos), de la forma más oxetiva y neutral posible”, señalen. Asina, espliquen que lo que se pretende ye mostrar la situación del asturianu dende un puntu de vista más divulgativu, “un poco más alloñáu de la vindicación nel sentíu estrictu”, según desplicaba esti martes la XDLA na so nota de prensa.

La Fundación Municipal de Cultura afirma que, si la XDLA quier participar nel Arcu Atlánticu, tienen de plantegala dende una posición “más abierta, más plural y, a fin de cuentes, pa que tea más al rodiu del calter cultural del eventu, pensáu tanto pa xixoneses como pal públicu visitante”. Otra manera, acepten la segunda actividá, pero añaden que “nun pue valir como implementación del conteníu meramente políticu de la primera”.

Pa la XDLA ye intolerable que dende una institución pública como la Fundación Municipal de Cultura se censure y se vete a asociaciones, reflexando prexuicios y sesgos políticos represores. Y ye que la politización, na opinión de l’asociación de defensa y normalización del idioma “ye la de los organizadores, que non solo quieren tapecer la realidá na que sobrevive la llingua asturiana (a xixoneses y foraneos) sinón que tienen el valor de pidir a una organización social que modifique una presentación”.

Por too esto, la XDLA nun va participar nun festival que pretende poner en valir el patrimoniu cultural européu al traviés d’una escenificación vacia y ridícula: “Vamos pidir responsabilidaes y el cese de los responsables que pretenden censurar y poner filtru a una entidá que lleva más de 30 años lluchando na cai pola oficialidá de la llingua asturiana, ensin más aditivos nin xuegos florales. Un sitiu, la cai, onde vamos siguir tando por muncho que-y cafie al Conceyu de Xixón, reivindicando qu’Asturies sía, sí, más abierta y más plural”.                                                                                                Fonte: Asturnews

Cursu 2017-2018 na Escolina de Reciella

A la Gueta los Sueños

Sigue abierta la prematricula pa neños y neñes de 0 a 6 años.

L'asociación de families pol asturianu Reciella entamó con esti proyectu educativu nel añu 2015 con unos 10 escolinos, y esti añu graduaronse cásique 40 nos sos grupos de Xixón, Candás y Uviéu.

Dende Reciella tan abiertos a abrir esta iniciativa a más conceyos si hai families interesaes. L'oxetivu ye formar grupos pequeños de neños y neñes de 0 a 6 años p'aprender asturianu demientres xueguen y socialicen con rapacinos de la so edá un día a la selmana.

Les families interesaes n'apuntase pueden facelo unviando un corréu a info@reciella.com.                                                                                                                                            Fonte: asturies.com

Conferencies sobre llingües minoritaries nel Festival Arcu Atlánticu

Festival Arcu Atlánticu 2017, Xixón

Tan programanes del 25 al 29 de xunetu una serie de charres sobre l'ocitanu, bretón, mirandes, euskera y asturianu.

Les llingües minoritaries van ser les protagonistes de la edición d'esti añu del Festival Arcu Atlánticu. Dientro de la so programación vamos tener una serie de conferencies onde dellos espertos van analizar la situación d'eses llingües y el papel que xueguen nel so territoriu y nel bayurosu mapa llingüísticu européu.

Esti ye'l programa de les ponencies que se van presentar:

. Martes 25, 18.45 h: Les llingües como patrimoniu cultural européu, por Juan Carlos Moreno Cabrera, nel salón d'actos del Antiguu Institutu. Juan Carlos Moreno Cabrera ye caderalgu de Llingüística Xeneral na Universidá Autónoma de Madrid. Formó parte del comité científicu del Informe sobre les Llingües del Mundu y del comité científicu deLinguamón-Casa de les llengües. Pertenez a comités asesores y científicos de revistes d’investigación llingüística. Nel añu 2014 llogró’l Premi internacional Ramon Llull.

. Miércoles 26, 18.00 h: Conociendo les llingües atlántiques: ¿Pue una «civilización» salvar
una llingua?, por Rosa María Medina Granda, na Plazoleta de Xovellanos (Cimavilla). Rosa María Medina Granda ye profesora titular de Llingüística románica de la Universidá d’Uviéu y presidenta de L'Associacion Internacionala d'Estudis Occitans. Doctoróse con una tesis sobre «La negación n’occitanu antiguu». Impartió en delles universidaes conferencies y seminarios d’intercomprensión románica sincrónica y sobre cuestiones medievales. La so investigación más reciente céntrase nes trovadores occitanes.

. Xueves 27, 18.00 h: Conociendo les llingües atlántiques: Mirandés, ¿fálase asturianu en Portugal?, por Alcides Meirinhos, na  Plaza de la Corrada (Cimavilla). Alcides Meirinhos (Circuiro, 1961) deprendió mirandés de neñu, nos años d’escuela. En 2008 redescubrió esta llingua, dedicándose dende entós al so estudiu, a la torna d’obres dende’l portugués, a facer copies de manuscritos y a publicar poemes y cuentos na Fuolha Mirandesa.

. Xueves 27, 18.45 h: Conociendo les llingües atlántiques: l’asturianu ente les llingües
del Arcu Atlánticu, por Xandru Martino Ruz, Pablo Rodríguez Medina y Ramón d’Andrés, na  Plaza de la Corrada (Cimavilla). Los conferenciantes van repasar la evolución histórica del asturianu: dende’l vocabulariu propiu de la cultura tradicional hasta los neoloxismos y términos rellacionados coles nueves teunoloxíes de la comunicación, pasando per vocablos téunicos o adautación de cultismos y estranxerismos.

. Vienres 28, 18.00 h: Conociendo les llingües atlántiques: El milagru de la recuperación del eusquera, por Koldo Ulibarri Orueta, na Plaza de la Fábrica Tabacos (Cimavilla). Koldo Ulibarri Orueta, doctor en Filoloxía Vasca. Pon clases na UPV/ EHU. Ta especializáu na edición de documentos ya impresos antiguos y en llingüística histórica. Forma parte del grupu d’investigación Monumenta Linguae Vasconum.

. Sábadu 29, 18.00 h: Conociendo les llingües atlántiques: L’estáu actual de la llingua bretona, por Marie Le Cam, na Plazoleta de Xovellanos (Cimavilla). Maria Le Cam ye una música y gaitera bretona qu’estudió Filoloxía Española y vivió en Galicia y Asturies, onde conoció les sos realidaes llingüístiques. En volviendo a Bretaña, estudió en profundidá la llingua de la so tierra y enseñóla n’escueles d’educación primaria. Anguaño ta emplegada nel Conseil Régional de Bretagne, onde fai trabayos d’escritura, torna y normalización de la llingua bretona.                                                                                            Fonte: yexixon.com

La “nueva” Escuela de Comerciu

Les instalaciones podríen tar abiertes al públicu enantes de que fine l`añu

 Dempués de 30 meses de rehabilitación la ciudá va disponer d`un edificiu “del sieglu XXI”, totalmente accesible, pero calteniendo la esencia de cuando foi inauguráu en 1911. L`emblemáticu espaciu, tresformáu nun centru cultural de proximidá, va tar de xuru en funcionamientu pa les vinientes Navidaes.

 Jorge Alonso Nicieza, arquitectu del estudiu d`arquitectura Ruiz Nicieza, que realizó l`asistencia al serviciu d`Arquitectura del Conceyu como collaboradores na redacción y execución d`obra, mientres la visita a les obres por parte d`autoridaes polítiques y axentes sociales, afirmó que les obres van concluyir a entamos del próximu mes d`agostu.

 Los nuevos ellementos constructivos tienen un color neutru pa non desentonar nel conxuntu del edificiu. Por exemplu, hai una nueva escalera que sube hasta la tercer planta, asina como dos ascensores, ún de los cualos baxa al suétanu, onde van tar los fondos bibliográficos y d`hemeroteca. Tamién hai otru accesu pola cai la Mercé pa facer más accesible el salón d`actos, pensando en posibles ponentes con movilidá amenorgada.                                                                      Fonte. infoasturies.com

Iniciativa pol Asturianu denuncia nueves presiones pa evitar la matriculación en Llingua Asturiana

 Iniciativa pol Asturianu denuncia que siguen les presiones pa evitar la matriculación na asignatura deLlingua Asturiana y pon como exemplu l’IES Rosario Acuña de Xixón “onde se presionara a una familia pa que’l so fíu nun siga en Llingua Asturiana en Bachilleratu”.

 Un cursu más dende Iniciativa pol Asturianu siguen recibiendo denuncies de families que dan lluz sobre les práctiques illegales qu’entá esisten en dellos centros educativos d’Asturies y qu’amenorguen la presencia de l’asignatura d’asturianu. Y nesta ocasión, una familia de Xixón vieno acabante avisar de “les presiones recibíes dende la xefatura d’estudios del IES Rosario Acuña pa que’l so fíu nun se matriculare na asignatura de Llingua Asturiana, que’l rapaz lleva tol procesu educativu cursando. La familia recibió una llamada presionando pa que nun se matriculare al menor, al ser el so fíu, según el centru, l’únicu alumnu matriculáu na asignatura en bachilleratu, presionando pa que cambiare la so elección”.

 Recibida la denuncia n’Iniciativa pol Asturianu asesaren a la familia sobre la normativa vixente, y tres informar al centru y dar avisu de que s’interpondría una denuncia, el centru a la fin almite la matriculación del alumnu. Dende Iniciativa pol Asturianu quieren “denunciar esti fechu como un verdaderu ataque al drechu de les families y l’alumnáu a poder cursar l’asignatura Llingua Asturiana en tolos niveles educativos. Recordamos a les families que pasen per procesos asemeyaos a esti, que munches vegaes nun denuncien, que ye importante dalos a conocer y que tienen drechu a que los sos fíos estudien asturianu en tolo niveles”.

 Dende Iniciativa pol Asturianu amás d’esti nuevu casu de represión llingüística “denuncien otra vuelta les condiciones nes que s’atopa l’asignatura de Llingua Asturiana, especialmente en Bachilleratu, onde la Conseyería d’Educación recortó de 4 a 1 hora selmanal l’asignatura, faciendo que garrar l’asignatura suponga tener que garrar otres asignatures complementaries que completen l’horariu. Esiximos a la Conseyería que recupere les cuatro hores nesti nivel y que la inspección faiga’l so trabayu y vixile que nun asocedan casos como’l denunciáu”.                                                    Fonte: asturnews.com

El Festival Arcu Atlánticu transforma Xixón en Un Mar de llingues

La programación cultural del Festival Arcu Atlánticu, que se celebrará en la ciudad del 25 al 30 de julio próximos, nos propone este año descubrir el variado mapa lingüístico de la costa Atlántica

 Asturies forma parte del corpus cultural e histórico Atlántico, mar que siempre ha sido su principal vía de comunicación con otros pueblos, con los que además comparte profundas raíces. Las barreras geográficas y culturales con las civilizaciones del interior volcaron a estos pueblos hacia el mar, generando un intercambio y una comunicación constante que permite identificarlos, aún hoy en día, como una unidad.

 Dedicando cada día a una lengua o familia de ellas el Festival Arcu Atlánticu propone un acercamiento a los territorios y a las situaciones que viven las Un Mar de llingues europeas atlánticas, que conviven con las grandes lenguas de comunicación internacional como el francés o el inglés, sobreviviendo  a siglos de homogeneización cultural y lingüística. Se quiere resaltar así la especificidad cultural del Arco Atlántico, así como la de cada uno de los territorios que lo componen, cuyo elemento más destacado es precisamente la existencia de lenguas propias.

 

Llingües europees

 Lenguas como el bretón, el occitano, el euskera, el Gallego, el frisón holandés, el bajo sajón alemán, el galés, el gaélico escocés o el gaélico irlandés  comparten problemática con el asturiano. Muchas de ellas, como ocurre con nuestro idioma, son lenguas minorizadas; todas son como mínimo “minoritarias”  pero perviven en sus respectivas nacionalidades gracias al sentimiento identitario de sus hablantes, que luchan por mantener su cultura y raíces.

 El Festival Arcu Atlánticu de Xixón es un evento cultural que nace en 2012 y que aspira a ser un proyecto integrador y polifacético que aúne las diferentes áreas culturales y creativas, con la finalidad de establecer una cooperación estable y sostenible con otros territorios del Arcu Atlánticu.                                                             Fonte: infoasturies.com

Agua y fueu na Nueche (xixonesa) de San Xuan

Foguera de San Xuan na sablera de Poniente

 Llega la nueche más máxica del añu. Ésta ye una fecha enforma especial pa celebrar el solsticiu de branu y que destaca pola quema de fogueres y l'enramáu de fontes. 

 La foguera más multitudinaria que veremos en Xixón ye la qu’entama’l Conceyu na sablera d’El Natahoyo,

 L'aniciu de la celebración va ser con musica y baile del país na Plaza d'Italia a partir de les 20h. cola Agrupación Folclórica Los Xustos, pa entamar a les 21 hores col enramáu de la fonte de Pelayo por parte d’Andecha de Cultura Tradiciona Na Señardá y va siguir nel escenariu de la sablera coles actuaciones de la Banda Gaites Noega (22.45 hores) y la Banda Gaites Villa de Xixón (23.15 hores).

 A la medianueche, prendíu de la foguera, y dempués va tener llugar la danza prima y el llanzamientu de fueos artificiales. La celebración finará cola actuación del grupu Blus Probes.

 Otros barrios de la ciudá, como Ciares, Mareo, Cimavilla o La Calzada en L’Arbeyal, tamién celebren esta nueche máxica nun ambiente más vecinal.

 Esta ye una de les celebraciones más importantes nel calendariu festivu y el solsticiu de branu va tamién a festexase con fogueres en dellos barrios y parroquies del conceyu como Contrueces, Ciares, Viesques, Tremañes, Mareo, La Calzada, La Camocha y Cimavilla. Ye importante destacar les fiestes en Mareo, que van durar tol fin de selmana, con actividaes deportives, festives y conciertos.

 Una nueche máxica onde va poder atopase la flor d’agua, que sal per un instante colos primeros rayos de sol de la mañana según la lleenda, trayendo amor, belleza y salú al que da con ella. Tamién ye la nueche na que les xanes salen de les sos cueves, siendo posible veles nes fontes, como diz el refrán  'El día de San Xuan, salen les xanes a baillar'
                                                                                                                     Fonte: yexixon.com

Reciella entrega en Xixón los sos reconocimientos 'Escuela afayadiza'

Pegatines Reciella 2

 L'asociación quier reconocer col so distintivu a les escueles con un altu númberu de matriculación na asignatura d'Asturianu. Esti cursu los reconocimientos entréguense a les escueles de Primaria del conceyu de Xixón.

 Coincidiendo col final del cursu, l'asociación Reciella (families pol asturianu) presenta les sos insinies 'Escuela Afayadiza', unes pegadielles que les escueles d'Educación Primaria van tener oportunidá de poner na entrada los centros, renovándoles cursu tres cursu.

 Los reconocimientos, qu'esti añu namás van poder ponese en marcha nel conceyu de Xixón, onde cuntamos colos datos de matriculación na asignatura de Llingua Asturiana, van ser de tres tipos: 'Reconocimientu d'oru', pa la escuela del conceyu con un mayor porcentaxe de matriculación; 'Reconocimientu de plata', pa les que tienen una matrícula igual o superior al 75%; y 'Mención especial', en reconocimientu a dalguna escuela que por dellos factores trescendentes, tenga de ser destacada nel cursu.

Dende Reciella quieren treslladar asina que nesti momentu, que tanto se valoren los sellos de calidá, hai un númberu importante de families, pa les que l'apueste decidíu de la escuela pol plurillingüismu ye importante a la hora de matricular a los rapacinos. Por esa razón, indiquen que-yos paez importante visibilizar el compromisu de la comunidá educativa d'estes escueles, yá que, anque la matriculación na asignatura, al ser voluntaria, depende de la decisión de les families, los claustros, equipos directivos y el bon llabor docente tienen muncho que dicir na visibilización, promoción, información y comunicación a les families de les ventayes y la importancia que tien pa los escolinos l’asignatura d’Asturianu, cumpliendo asina amás la llei vixente; tanto l’Estatutu d’Autonomía como la Llei d’Usu falen espresamente de que se promoverá dende les instituciones la enseñanza del asturianu, respetando la voluntariedá.

C.P. Santa Olaya, primer escuela con 'Reconocimientu d'oru'

 Nesta ocasión el reconocimientu d'oru va dir pal colexu públicu Santa Olaya, asitiáu nel barriu d'El Natahoyo. Trátase d'una escuela con un porcentaxe de matrícula que ta a piques de llegar al 100%, concretamente del 93%, lo que l'asitia arriba del podium.

 Tocante a los reconocimientos de plata, van dir pal C.P. Honesto Batalón, C.P. Montiana, C.P. Antonio Machado y C.P. Xove; toos ellos con una matriculación superior al 75% d'alcuerdu colos datos facilitaos pola Conseyería d'Educación.

 Pa cabu la 'Mención Especial' ye pal centru concertáu Patronato San José, qu'anguaño cuenta con un 75% de matrícula. Pese a que por porcentaxe correspondería-y el 'Reconocimientu de plata', consideren dende Reciella que "ye trescendente qu'un centru concertáu tenga una matrícula tan alta, yá que los más de centros d'esti tipu algamen unos datos mui probes".

 Asina dende Reciella quieren animar al restu de centros concertaos a que sigan l'exemplu del Patronato y caminen hacia un modelu trilingüe, dando-y al Asturianu la importancia que-y correspuende pa la formación integral de los escolinos n'Asturies y les ventayes cognitives que supón l'adquisición de les llingües n'edaes tempranes.

Cursos siguientes

 Dende l'asociación esperen que seya posible acceder a los datos del restu los conceyos, lo que diba permitir estender los reconocimientos. Asina mesmo valoren ellaborar insignies asemeyaes con otres etapes educatives: Educación Infantil, Secundaria y Bachilleratu, onde la implantación de l'asignatura ye, entá más ruina.

Les ventayes de cursar asturianu

 Dende l'asociación quieren afitar que 'son munches les razones pa deprender la llingua asturiana: aumenta la nuestra competencia comunicativa, ayúdanos nel aprendizaxe d’otres llingües, sensibilízanos con otres realidaes culturales y llingüístiques, avéranos a la nuestra cultura, y arriquez el nuestru conocimientu y percepción del mundu".

 Amás na asignatura d’Asturianu, los alumnos y alumnes fórmense tamién de forma adicional nel conocimientu de la Cultura Asturiana. Reciella quier incidir nesti aspectu porque la falta d’información de dellos centros a les families, fai qu’en dellos casos families escueyan Cultura Asturiana pensando que 'Llingua asturiana' y 'Cultura asturiana' son excluyentes, cuando precisamente dende les aules de Llingua Asturiana llévase abondos años trabayando y dando a conocer la cultura asturiana en tola sos estensión. Insisten na necesidá de que nos centros s’informe más allá del impresu de matrícula pa que la información que-yos llegue a les families seya la más afayadiza.                Fonte: yexixon.com

Teatru n'asturianu nos colexos

                                        Ocho compañies llevaron les sos obres a los colexos. 

Nos díes 14 y 16 de xunu desarrollóse l'actividá '¡Y pa rematar, teatru!'. Organizada pola Oficina de Normalización Llingüística de Xixón. Llevó a ocho colexos del conceyu representaciones teatrales n'asturianu nes que participaron unos mil escolinos y escolines.

Les representaciones abarcaron distintes artes escéniques, y fueron: 

•  La neña de les trences al revés  (El Callejón del Gato)
•  L'aire les castañes  (Mar Rojo Producciones)
•  De qué color ye'l sol  (Kamante Teatro)
•  Runa, un mundiu redondu  (Nun Tris)
•  Una hestoria con munchu cuentu  (Trafalgar Títeres)
•  La vendedora de pallabres  (Factoría Norte)
•  El Viaxe de Covaletti  (Higiénico Papel)
•  Hestories detectivesques  (Guayominí Producciones)

Los colexos participantes nesta edición fueron: C.P. Xovellanos, C.P. Los Pericones, C.P. Montiana, C.P. Manuel Martínez Blanco, C.P. Laviada, C.P. El Llano, C.P. Rei Pelayo y C.P. Santa Olaya.                                                                                             Fonte. yexixon.com

L`antigua Escuela de Comerciu va reabrir enantes de Navidá

La rehabilitación del hestóricu edificiu de Xixón supuso una inversión de 6 millones

Antigua Escuela de Comerciu de Xixón

  La finalización de les obres ta prevista en trés selmanes. Les instalaciones, con unos 3.285 metros cuadraos de superficie disponible, van agospiar la Oficina de la Mocedá, archivos hestóricos, sales d`estudiu, esposiciones, y un salón d`actos con 130 butaques, amás d`un espaciu reserváu para les cuatro entidaes culturales hestóriques de la ciudá: Xestu, l`Atenéu Xovellanos, la Sociedá Cultural Xixonesa y l`Atenéu Obreru.

  La planta suétanu va tar destinada a guardar los fondos d`hemeroteca de la Cámara de Comerciu, la biblioteca del Padre Patac, xunto con otros archivos.

  La planta baxa va ser ocupada pola Oficina de la Mocedá, amás del salón d`actos y d`una sala de consulta de la documentación hestórica.

  La primer planta va allugar trés sales d`estudiu, xunto con una sala d`esposiciones de 123 metros cuadraos.

  La segunda va ser estremada en cuatros espacios iguales pa usufructu de los cuatro ateneos culturales emblemáticos de la ciudá.                                            Fonte: infoasturies

El Paséu de Begoña enllénase de llibros

Feria del Llibru de Xixón 2017

 Del 15 al 18 de xunu va celebrase la Feria del Llibru de Xixón.  Va haber unos 40 puestos de venta nos que participarán unes 23 llibreríes xixoneses y 20 editoriales, casi toes asturianes.

 El Conceyu de Xixón entama esta feria col oxetivu de promocionar la llectura na nuesa ciudá, sofitar l'actividá de les editoriales asturianes y el comerciu de les llibreries xixoneses. La organización ye de la Fundación Municipal de Cultura, Educación y Universidá Popular, collaboren l'Asociación Cultural de Llibreros de Xixón, el Club d'Editores al Margen, l'Asociación de Escritores Noveles, l'Asociación d'Escritores d'Asturies y la Unión de Comerciantes de Principáu d'Asturies.

 Esta primer edición de la Feria del Llibru de Xixón va tener llugar ente los díes 15 y 18 de xunu nel Paséu de Begoña. Va Haber nél 40 puestos de vienta nos que van participar 23 llibreríes xixoneses y 20 editoriales, casi toes elles asturianes. La Rede Municipal de Biblioteques va tener tamién el so propiu estand pa dar a conocer los servicios municipales rellacionaos cola llectura.

 Mientres la feria va desenvolvese un trupu programa d'actividaes que van tener llugar nel Paséu de Begoña (nuna carpa instalada pa esti eventu y nel kioscu de la música), nel café Dindurra y nel Centru de Cultura Antiguu Institutu.

 No que cinca a la lliteratura n'asturianu tenemos estes firmes y presentaciones programaes:

Xueves 15
18.00 h: Firma del llibru Lluvia d’agostu |(Hoja de Lata), de Francisco Álvarez. [Estand de la Red Municipal de Bibliotecas]
20.15 h: Presentación del llibru El llibru póstumu de Sherezade (Impronta), de Raquel F. Menéndez. Presenta Ana Vanessa Gutiérrez. [Carpa d'alcuentros lliterarios]

Vienres 16
18.00 h: Firma del llibru Templu, cabaña (Impronta), de Ramón Lluis Bande. [Estand de la Rede Municipal de Biblioteques]
18.45 h: Presentación del llibru El llibru nuevu (Saltadera), de Xuan Bello. [Carpa d'alcuentros lliterarios]
20.15 h: Presentación del llibru Cuentos de ser y de tar (Trabe), de Laura Marcos. Presenta José Luis Rendueles. [Café Dindurra]

Sábadu 17

20.15 h: Presentación del llibru Tierra podre (Camelot), de Inaciu Galán y González. Presenta Mª Esther García López. [Café Dindurra]

Domingu 18
17.15 h: Presentación del llibru Etenko y los patines maraviosos (Pintar Pintar), de Vicente García Oliva y Ester Sánchez. Presenta Virginia Read Escobal. [Carpa d'alcuentros lliterarios]

Entre les actividaes programaes na Feria, tendremos el sabadu a les 17 hores a Olga Cuervo contandonos  Coses pa neños, n’asturianu, por Olga Cuervo. Cuentos tradicionales pa tolos públicos; nel Kioscu de la música. 

L'asturianu tamíen tará presente en conferencies, como puede ser la  programada pal xueves 15 a les 21 hores nel Café Dindurra del periodista y escritor Inaciu Galán y González titulada  'Promoción y difusión de la lliteratura asturiana nos medios de comunicación'. O la mesa sobre traducción del sábadu 17 a les 11.15 h na carpa d'alcuentros lliterarios, onde participarán  Ricardo Pochtar (Buenos Aires, 1942), escritor y traductor de narrativa y ensayu del francés, inglés ya italianu (Lampedusa, Leopardi, Eco); Henrique Facuriella (Blimea, 1980) escritor, periodista y traductor (Pessoa); Xesús Rato (LLangreu, 1973) traductor al asturianu de Harry Potter y, finalmente, Eloy Antuña, filólogo y traductor al asturianu d'Orgullu y prexuiciu de Jane Austen.                                          Fonte: yexixon.com

Trés centros concertaos de Xixón nun tienen nin un alumnu matriculáu na asignatura de Llingua Asturiana

• . Un 42,82 por cientu de los escolinos de Xixón estudia Llingua Asturiana en Primaria

Llibros de testu

 Nel llau contrariu'l Patronato San José (75%) y el San Lorenzo (56%) tienen cifres de matriculación perriba de la media. 

 El Corazón de María, el Virgen Mediadora y el Virgen Reina nun cuenten con nin un solo escolín o escolina dando Llingua Asturiana en Primaria,  mientres otros dos centros concertaos nun lleguen al 1 por cientu matriculáu. Les direiciones afalen a los alumnos a escoyer Cultura Asturiana.

 Cola esceición única del Patronato San José y del San Lorenzo, que cuenten con un porcentaxe del 75,18 por cientu y del 56,49 por cientu, de manera respeutiva, del so alumnáu apuntáu en Llingua Asturiana, los centros concertaos de Xixón rexistren cifres perbaxes de matriculación na materia. Trés centros, el Codema, el Virgen Mediadora y el Virgen Reina, nun tienen direutamente nengún escolín dando asturianu, mentes que’l San Vicente cuenta con un 0,66 por cientu del total, la Inmaculada un 0,88 por cientu y La Asunción un 4,73 por cientu.

 La media de matriculación na enseñanza concertada nun algama'l 20% mentes que na enseñanza pública raspia'l 50%. Sicasí, hai colexos públicos como El Río Piles que tien un 15,49 por cientu de matriculación, el Clarín un 21,59 por cientu o'l Cabueñes un 24,06 por cientu mui perbaxo de la media.

Falta d'interés de los centros

 Nesti ciclu educativu los padres han d’escoyer ente Llingua Asturiana y Cultura Asturiana, asignatura ésta última que se da en castellanu. El problema vien cuando dalgunes direiciones de los centros educativos afalen a escoyer la segunda materia, como 'mal menor'.

 Esti casu, como se pue ver cenciellamente comprobando les cifres de matriculación, dase sobre manera na escuela concertada, onde  los padres opten por mandar a los sos neños pa Cultura Asturiana al tar l'asignatura de llingua asturana tapecía y non promocionada nel centru.                                                                                                          Fonte: yexixon.com

El Festival Arcu Atlánticu va celebrase del 25 al 30 de xunetu en Cimavilla

La xunta rectora de la Fundación Municipal de Cultura, Educación y Universidá Popular aprobó esti xueves los cambios nel VI Festival Arcu Atlánticu, que dexa El Muelle pa pasar a celebrase nes places de Cimavilla. Nesta ocasión va durar 6 díes, del 25 al 30 de xunetu.

El presupuestu del certame xixonés va vese tamién amenorgáu (174.000 euros, 20.000 menos que nel 2016)  y, nesta ocasión, el festival nun va tar dedicáu a nengún país, sinón a les llingües minoritaries del arcu atlánticu. Asina, va haber xornaes dedicaes al asturianu y al mirandés, al gallegu, al eusquera, al occitanu y al bretón.

La gran novedá ye que’l certame dexa El Muelle y pasa a repartise pel Campu Valdés y les places de Cimavilla. Tampoco nun va haber Arcu Lliterariu, actividá que dende la primer edición venía entamada l’Asociación Cultural L’Arribada.

Nel terrén musical, tán previstes les actuaciones de Dixebra, Felpeyu, Corquiéu, los gallegos Xabier Díaz y Adufeiras de Salitre o los bretones An Tri DipoP na Plaza Mayor. A éstos hai que sumar otros munchos conciertos nel Centru de Cultura Antiguu Institutu.
Fonte: asturies.com

Cuentos en familia: Abuelos y abuelas

3 Xunu, 2017,  La Laboral, güei.

Los Cuentos en familia son una iniciativa de Llaboral Ciudá de la Cultura destinada a families con neños dende los 0 a los 3 años. Nesta franxa d'edá los neños entá nun saben lleer, nun conocen les lletres, pero al traviés del so interés y de les sos ganes de conocer el mundu que los arrodia vamos faer que s'aficionen a escuchar cuentos, a cantar o baillar, a dar palmes y a repitir dalguna palabra.

Impartíu por Ana Lamela Rei (acompañada d'artistes y collaboradores). Escritora, poeta y música. Llicenciada en Filoloxía, forma parte del Colectivu Artísticu Musa Cafeína nel que, xuntu con otros artistes, desenvuelve la so pasión pol espardimientu y animación a la llectura y l'escritura por aciu la organización d'actividaes culturales y artístiques p'averar l'arte y la cultura a la xente.                                                                                                Fonte: yexixon