Naz Glayíos, un ciclu d'intercambios musicales pioneru n'Asturies

Entama la so actividá'l 31 de xineru con un conciertu de Skakeitan y Skama La Rede n'Uviéu.

   Música en movimientu, pueblos moviéndose. El llema ye’l reflexu de Glayíos/Oihuak, una iniciativa d’Ixuxú Asturies- Euskal Herria Elkartea y el Colectivu Xuvenil Glayíos pa sofitar a bandes asturianes y vasques lloñe de la so tierra. Acullá de la música, ye un proyectu que-y da puxu a un modelu nuevu de xestión cultural basáu na cooperación, l’autoxestión y la tresmisión de principios.

   El 31 de xineru arranca’l ciclu. Ye la primera puesta n’escena d’una iniciativa que va axuntar diez grupos destacaos (cinco asturianos, cinco vascos) y los intercambiará p’aprovechar la relevancia que cadún tien dientro del so territoriu. Los cinco conciertos que se van facer n’Asturies -toos na Sala Whippoorwill d’Uviéu apuesten por xenerar un circuitu estable de música en directo. Too ello con un preciu afayadizu: les entraes anticipaes van costar 5 euros y na puerta 8 euros.

   Otra clave ye la importancia de cómo se faen les coses. Glayíos/Oihuak surde de principios como los de fomentar la diversidá llingüística o dar un tratu igualitariu, tresparente y horizontal ente bandes y organizadores.Tamién destaca la so apuesta pol texíu productivu asturianu y la economía social: tolos patrocinadores y collaboradores son axentes colos que comparten principios de responsabilidá social pa col territoriu, condiciones llaborales dignes y defensa de la cultura.

   Ye una iniciativa moza -les persones que la promueven tienen menos de 30 años-, ensin calter llucrativu y na que va haber espaciu pa la solidaridá y la reivindicación gracies a la participación de dellos movimientos sociales. A la fin, ye un proyectu anovador que, en tiempos de crisis del sistema, nagua por da-y puxu a modelos de xestión cultural qu’amuesen que son vidables otres formes de construyir rellaciones sociales, económiques y culturales.

Conciertos

   Los asturianos Skama la Rede y los donostiarres Skakeitan van abrir el ciclu a ritmu ska pa presentar los sos nuevos trabayos, ‘Avante’ y ‘Orekariak’. Van sigui-yos otros cuatro conciertos -en marzu, mayu, setiembre y payares- qu’ufrirán estilos tan estremaos como’l stoner rock, el punk, la fusión y la electrónica. En pasando la primavera, los grupos d’Asturies van tocar nel País Vascu con un formatu nel que la organización ta trabayando.                                          Fonte: Infoasturias.net

Alumnos xixoneses van trabayar la tradición oral gracies a la iniciativa "Oyí una vegada..."

Iniciativa "Oyí una vegada..."

   “Podéis llegar a clase con materiales del patrimoniu familiar de valor incalculable”. Xosé Antón Fernández ‘Ambás’ esplicó lo que ye la tradición oral a los alumnos de cuatro institutos xixones que participen nel programa ‘Oyí una vegada…” y motivólos a falar colos sos güelos pa recoyer pallabres, cuentos, oraciones, ritos, lleendes o cantares.

   La iniciativa entamada pola Oficina de Normalización Llingüística de Xixón busca “convertir a los neños y neñes n’investigadores; que recueyan los rellatos que-yos cuenten sobre tradición oral los sos mayores”, esplica Virginia Rodríguez, responsable del serviciu. Alumnos de Llingua Asturiana de los institutos d’educación secundaria Mata Xove, Padre Feijoó, Roces y Calderón son los qu’abren esti programa novedosu que facilita a cada clase un archivador y dellos llibretos nel que puedan dir apuntando aquelles pallabres o rellatos que-yos paezan interesantes, o consideren que tienen valor, xunto colos datos del informante –pa lo que cuenten con una ficha que sirve de guía–. Éstos cuadernos reciben el nome de ‘viaxeros’, yá que van compartise ente los estudiantes cola fin de conocer el trabayu anterior de lo sos compañeros. Por último, arrancaránse les fueyes p’asitiales nel archivador común nun trabayu tutorizáu polos maestros que va aniciase esta Navidá y que durará hasta fin de cursu.

   Esta mañana repartiéronse los archivadores y los llibretos ente los maestros tres un actu na sala de conferencies del Centru de Cultura Antiguu Institutu nel que los alumnos pudieron conocer lo que ye la tradición oral de la boca d’un de los meyores espertos nesti campu, Ambás. El músicu y investigador, cara conocida pa los rapazos y rapaces polos sos programes ‘Camín de cantares’ y ‘Camín’ en TPA, esplicó a los presentes la importancia del patrimoniu inmaterial y el papel que xuega la llingua nél, amás de les claves pa facer un trabayu de campu.

   Nun primer momentu rellató cómo la cadena que permitía la tresmisión oral fendióse cola llegada de la televisión y, más tarde, del Internet, y col despoblamientu del mundu rural, finando asina cola estructura familiar –llamada n’antropoloxía ‘familia troncal’– de güelos, padres y fíos. Los mayores quedaben nel pueblu mientres los sos fíos colaben a les ciudaes en busca de trabayu y meyores condiciones de vida. “Los güelos cumplíen un papel perimportante, el de la educación y la tresmisión de saberes a los nietos. ¿Agora a quién cuenten? A naide”, apuntaba Ambás. Ésti –añadió– foi’l gran problema qu’atopó la llingua asturiana, que se caltuviera viva hasta estos últimos tiempos gracies a la tradición oral, y lo que lu llevó, con 14 años, a garrar “una grabadora vieya y una llibretina” pa recoyer lo que contaben los sos mayores.

Recopilar y, sobre manera, falar            Pa poner un exemplu de recuperación d’una pallabra utilizó un descubrimientu fecho recién falando cola so güela Celestina, de 93 años. Trátase de ‘llancer’, verbu que vien a significar un pesar (‘Bien me llance…’). “Yera una pallabra que la mio güela sabía y utilizó nesi momentu, que la mio madre sabe y yá nun utiliza, y que yo nin sabía”, apuntó p’amosar cómo se produz la perda del patrimoniu llingüísticu al fendese la cadena de la tresmisión oral, a lo qu’hai que sumar la influencia del castellanu. Al respeuto, emponderó a los alumnos a nun quedase namái na recopilación del términu: “hai que falalo”.

   Tamién fixo-yos recomendaciones a la hora de ponese col trabayu de campu. En primer llugar, comentó la importancia d’apuntar el nome tradicional del informante, asina como’l llugar onde vive, el pueblu, la parroquia y el conceyu. Darréu habría de rexistar la pallabra, el contestu y la esplicación, ensin escaecer completalo con una grabación bien d’audio o de videu –ésta última sobre manera nel casu de cantares con instrumentos como pandeiros, pa saber cómo lu toca–. Otru aspeutu importante ye “dexar falar a la xente y tener empatía con ellos”, pa lo que resulta clave “falar n’asturianu y saber de les variantes llingüístiques de cada zona”. Al respeuto, recomienda revisitar a los informantes porque, al ser xente mayor, pue haber coses qu’al momentu nun recuerden pero que, al repensalo depués, dan con ello.

   Tres hora y media d’anéudotes y conseyos, el músicu finó la so intervención con dos cantares y un cuentu protagonizáu por dos personaxes típicos n’Asturies, como Xuan y Maruxa, ambientáu en Campiellu, un llugar güei abandonáu cercanu al so pueblu, Ambás, nel Conceyu de Grau. “Lo importante ye toca-yos la fibra y poner a estes xeneraciones en comunicación colos sos güelos”, señaló l’investigador a Asturies.com tres l'actu.                                                                         Fonte: asturies.com

II Filandón Popular en Llaranes

12 y 13 d'avientu nel conceyu avilesín.

Cartelu del II Filandón Popular

   Durante la fin de selmana'l centru conceyil d'asociaciones y el centru cultural de Llaranes van acoyer el II Filandón Popular, entamáu pola Asociación Cultural Escontra'l Raigañu, cola collaboración de l'Asociación d'Ames de Casa de Llaranes. L'actividá entamará'l vienres dende les 19:30, con una charra entitulada "Filanderes y filandones: el trabayu de la llana n'Asturies", a cargu de Fe Santoveña.

   El sábadu sedrá turnu pa un amagüestu nel que, amás de castañes y sidre'l duernu, van tar acompañaos de danza, música, actividaes pa neñes y neños, y les filanderes de l'asociación "El Güeyu", too ello dende les 18:00 hores. Conforma too ello'l programa d'esti segundu filandón, que va enllenar Llaranes de  cultura popular.     Fonte: Infoasturies. com

El llabor de Reciella “pa favorecer la tresmisión interxeneracional del asturianu nes edaes más tempranes”, motivu del Pegollu de la XDLA

Camiseta de Reciella

   ‘Reciella. Families pol Asturianu’ va recibir el Pegollu de la XDLA nun añu mui especial, yá que se celebra’l trixésimu aniversariu de los Premios Andrés Solar. El motivu, el so llabor “pa favorecer la tresmisión interxeneracional del asturianu nes edaes más tempranes”. El gallardón negativu, el Madreñazu foi pa la CONCAPA, en concreto pa la so representante n’Asturies, Sandra Ruiz.

   Na tarde d’ayeri diéronse a conocer les persones o entidaes merecedores de los premios que recuerden al poeta xixonés que finara nel 1984 n’accidente de tráficu, unos gallardones qu’esti añu tuvieron la novedá d’ufrir a la ciudadanía la posibilidá de proponer nominaos. El Pegollu, el que correspuende al que “rescamplara pol so llabor en defensa o promoción del asturianu”, foi pa ‘Reciella. Families pol Asturianu’, coleutivu de padres nacíu nel 2012 col enfotu de promocionar l’asturianu nos primeros años de vida de neños y neñes. LaXunta pola Defensa de la Llingua Asturiana (XDLA) valora “el llabor fundamental” de Reciella, con “un proyectu intensu d’actividaes, talleres, cursos, conciertos, xuegos, materiales… Too ello pa favorecer la tresmisión interxeneracional del asturianu nes edaes más tempranes”.

   La otra cara de la moneda, el Madreñazu, destináu a les persones o entidaes que rescamplaren “pol so llabor negativu pa cola llingua asturiana”, foi pa laConfederación Católica Nacional de Padres de Familia y Padres de Alumnos (CONCAPA), en concreto pa la so representante nel país, Sandra Ruiz, “qu’a lo llargo d’esti añu vien atacando sistemáticamente la presencia de la llingua asturiana nel sistema educativu, y avalando y defendiendo les práctiques de determinaos centros educativos pa burllar la llei y nun ufiertar l’asignatura”. Unos motivos nidios que faen a Ruiz bona merecedora “del antipremiu”.

La entrega, el sábadu 20      El Centru de Cultura Antiguu Institutu de Xixón va ser un añu más sede de la entrega de los XXX Premios Andrés Solar, anque nesta ocasión l’actu va pasar a celebrase nel patiu de la instalación. L’actuación musical d’esta edición va correr a cargu de Xulio Ramos y Emilio Ribera.

   Otra manera, la tradicional espicha de la XDLA que se celebra coincidiendo cola entrega de premios pasa esti añu a desendolcase na sidrería El Museo, asitiada nel barriu d’El Llano. El preciu ye de 20 euros y los interesaos n’acudir han de confirmar asistencia nel teléfonu 985.22.95.53 o nel corréu electrónicu info@exunta.org.                   Fonte: asturies.com

Los V Cursos d’Asturianu en Xixón entreguen diplomes al mediu centenar d’alumnos matriculaos

L’Academia de la Llingua Asturiana, Iniciativa pol Asturianu y el Conceyu Universitariu pol Asturianu celebren la entrega de diplomes de la V Edición del Cursu d’Asturianu en Xixón

Iniciativa pol Asturianu, el Conceyu Universitariu pol Asturianu (CUPA) y l’Academia de la Llingua Asturiana (ALLA) van entregar los diplomes acreitativos de los V Cursos d’Asturianu en Xixón esti miércoles 10 d’avientu a partir de les 19 hores, nel Salón d’Actos del Conseyu de la Mocedá de Xixón (Avenida Manuel Llanez 68, baxu), cola participación de los alumnos, que van dar llectura a dellos testos, xunto a miembros d’Iniciativa pol Asturianu, el CUPA y l’Academia de la Llingua Asturiana.

El programa de los V Cursos incluyó dos itinerarios nesta ocasión, un nivel básicu y un nivel II, participando al rodiu de 50 alumnos ente’l sistema presencial y los alumnos que lu ficieron dende fuera d’Asturies a distancia.

Nesta ocasión y como ye vezu, cuntóse con alumnos de fuera d’Asturies, nel presencial, como un alumnu colombianu que lleva años viviendo n’Asturies y quixo averase al estudiu del asturianu. Esti alumnu va ser unu de los que llea un testu cuntando la so esperiencia nel actu d’entrega de diplomes. Amás, siguen el cursu munchos asturianos emigraos por razones de trabayu fuera d’Asturies y persones interesaes na conocencia del asturianu d’otros países del mundu, que tienen nos cursos a distancia la manera de deprender más del asturianu.

Fonte: Infoasturies

Les Viñetes d'Efrén d'Andrés

Coses de profes

L'humor n'asturianu d'Efrén d'Andrés.          Fonte: Asturies.com

La XDLA pide que TPA se sume al alcuerdu de les televisiones autonómiques con DreamWorks Animation

Según pudo saber la Xunta pola Defensa de la Llingua Asturiana (XDLA), les televisiones publiques de Cataluña, Galicia y País Vascu rematen un alcuerdu cola empresa americana DreamWorks Animation.

   Con él va ser posible que nos  años venideros, TV3, TVG y ETB emitan con un doblaxe a la so llingua propia películes infantiles como Shrek, Antz, Kung Fu Panda, Monsters vs. Aliens o Madagascar, amás de delles series d’animación basaes nestes producciones. Por eso, la XDLA pide que TPA se sume a estes negociaciones. L’alcuerdu va permitir qu’en feches señalaes, como por exemplu Navidá, los neños puedan disfrutar de películes exitoses nel so idioma maternu, dalgo que muestra’l compromisu d’estes canales cola tresmisión y normalización del so idioma. Sicasí, TPA, que ta obligada por llei a ufrir conteníos atractivos pa toles xeneraciones n’asturianu, nun va participar nél.

   Too esto a pesar de que sí participó n’otros alcuerdos coles autonómiques, como la producción de la telenovela El Faro, que se rodó en gallegu y que los asturianos tuviemos que ver con un doblaxe al castellanu, o dellos programes grabaos en Madrid, como Cifras y Letras o ¿Dónde estabas cuando...? Amás, estos espacios supunxeron una inversión económica que nun tuvo nenguna repercusión nel texíu empresarial del audiovisual asturianu y nun tuvieron una respuesta bona de l’audiencia. La sida económica pa roblar l’alcuerdu tampoco nun pue existir, porque paez que namás nun hai perres pa emitir espacios nel nuestru idioma –cuando cada poco tán estrenándose espacios en castellanu y series doblaes en Madrid .

   P’acabar, la XDLA recuerda qu’esti apueste pola emisión de películes d’animación n’asturianu supondría defender la tresmisión xeneracional del nuestru idioma. La organización, como ya señaló nel Informe sobre la necesidá d’una programación infantil en TPA, vuelve a recordar que la nuestra televisión ye la única cadena europea d’una comunidá billingüe que nun emite programación pa los más pequeños na llingua propia, polo qu’actualmente nun ta cumpliendo colos sos mandaos llegales. Too esto a pesar del éxitu y les espectatives que xeneraron esperiencies como’l doblaxe al asturianu de la serie infantil Los Bolechas, que nun tuvo continuidá desque s'emitieron los 26 capítulos de la primer temporada.                                                          Fonte: Infoasturies

Candidats a «enemic del català 2014»

Wert, Coca-Cola, el TC o Hollande, candidats a «enemic del català 2014»

Plataforma per la Llengua també nomena Bauzá, Fabra, la fiscal Magaldi i Francisco Marhuenda, entre d'altres

La Plataforma per la Llengua posa en marxa un concurs per trobar el pitjor enemic del català.

   En ple segle XXI, la llengua catalana "encara pateix una sèrie d'atacs" del tot injustificats. Així ho creu l'entitat Plataforma per la Llengua, que s'ha proposat trobar "l'enemic del català" d'aquest 2014 entre una vintena de possibles candidats: Mariano Rajoy, José Ignacio Wert, Telemadrid, la Coca-Cola, Francisco Marhuenda, Albert Rivera, la fiscal Ana Magaldi, Federico Jiménez Losantos, els sucs Granini...

   L'entitat celebra enguany el seu 20è. aniversari, i per això ha triat 20 candidats que opten al guardó, en una votació on-line a estimoelcatalà.cat que estarà oberta fins el 7 de gener de 2015. El guanyador rebrà la samarreta "Volem viure plenament en català", missatge que Joan Brossa va fer per a l'entitat el 1997.

Els candidats, i els seus mèrits, són:

 1. Mariano Rajoy, president del govern espanyol i del PP: "Responsable d’un govern promotor i responsable directe de polítiques que menyspreen i discriminen el català i veten tot mínim intent d’equiparar-lo a la resta de llengües europees."

 2. Francisco Marhuenda, periodista: "Per fer demagògia al voltant de la situació del català a través de les pàgines del diari espanyolista La Razón."

 3. José Ignacio Wert, ministre espanyol d'Educació, Cultura i Esports: "Per implementar la LOMQCE, carregar-se el sistema educatiu aprovat pel Parlament català i construir un règim lingüístic a l’ensenyament sense precedents a Europa que sepulta tot el sistema lingüístic d’una escola per les demanades dels pares d’un sol alumne."

 4. Telemadrid: "Per no veure amb els mateixos ulls els drets lingüístics d’un català respecte als d’un madrileny. Per la seva obsessiva i malaltissa catalanofòbia que els ha portat a denunciar en nombroses ocasions la 'persecució del castellà a Catalunya'."

 5. Guardia Civil i Cuerpo Nacional de Policía: "Per l’increment de les agressions lingüístiques, que inclouen casos de vexacions, insults i fins i tot agressions físiques denunciades pels ciutadans envers molts dels seus representants, que han estat silenciades o permeses des dels respectius comandaments."

 6. Ana Magaldi, fiscal en cap de Barcelona: "Per negar-se a fer declaracions en català en una compareixença destinada a sonar suport a la querella al 9N argumentant que ho feia “per respecte”. Considerava així el català una llengua inferior al castellà, en un insult per als que parlen català públicament."

 7. Albert Boadella, actor i dramaturg: "Per la seva croada permanent contra el català i contra tots els símbols d’autogovern amb perles dialèctiques com ara: “Si no hagués existit el català hauríem estat més feliços”, entre moltes altres."

 8. Federico Jiménez Losantos, periodista: "Pels seus constants atacs des de diversos mitjans de comunicació cap a Catalunya i cap el sistema d’immersió lingüística, que ha qualificat d’”esquizofrènic” i “ofegador” per als infants, entre d’altres adjectius."

 9. Casa Reial espanyola: "Perquè no hi ha cap altra monarquia a Europa que discrimini tant una llengua amb les dimensions i vitalitat del català, en no tractar-lo en igualtat de condicions amb el castellà, en no incloure’l ni en el jurament, ni en discursos oficials, ni en el nom oficial del rei i de l’estament, ni en els webs oficials, imatge corporativa, projecció i viatges oficials."

 10. Coca-Cola: "Per incomplir de manera sistemàtica l’article 128 del Codi de consum pel qual els consumidors tenim dret a rebre l’etiquetatge de la Coca-cola en català. Per negar-se a etiquetar en català però fer-ho en tota la resta de llengües europees amb nombre equivalent de parlants i tractar la nostra llengua i a nosaltres com un cas únic i amb un caràcter discriminatori."

 11. François Hollande, president de França: "Com a responsable d’un govern que no promou la diversitat lingüística al seu territori i no atén les demandes d’ensenyament en català i de reconeixement oficial del català de nombroses famílies de la Catalunya Nord."

 12. Alberto Fabra, president de la Generalitat Valenciana: "Per l’obsessió malaltissa en contra de reconèixer la unitat de la llengua com a excusa per no garantir els drets lingüístics al País Valencià. Per les polítiques insistents i continuades en contra del català al País Valencià en àmbits com els mitjans de comunicació, els usos a l’administració, i moltes altres."

 13. Granini: "Per etiquetar els seus productes en castellà i portuguès, però no en català, tot i que el mercat català suposa al voltant del 30% de les seves vendes, incomplint el Codi de consum de Catalunya."

 14. Eurodiputats del PP i del PSOE: "Per sumar forces reiteradament per impedir l’oficialitat del català a la Unió Europea i per vetar tots els intents per fer-lo oficial, de manera que ara com ara totes les llengües europees amb tants parlants com el català són oficials de la UE, llevat de la nostra."

 15. Albert Rivera, president de Ciutadans: "Per fer demagògia en contra del català, per mentir sobre models d’ensenyament que no es donen a Europa, per dir que defensen el bilingüisme quan volen dir monolingüisme i preponderància del castellà."

 16. Constitució espanyola: "Per ser l’única constitució d’Europa que no reconeix una llengua de les dimensions i vitalitat del català com a llengua oficial d’estat al mateix nivell que qualsevol altra llengua."

 17. Camilo Tarrazón, president del Gremi d'Empresaris de Cinemes de Catalunya: "Per oposar-se de manera persistent a l’increment de la presència del català al cinema i fer pressió en contra de les quotes de doblatge i subtitulació en català al cinema."

 18. Tribunal Constitucional: "Per actuar amb parcialitat contra el català en una visió i interpretació de la llei i de la constitució sempre restrictiva vers les llengües espanyoles diferents de la castellana i per modificar alguns aspectes de l’Estatut que destrossen i aniquilen el redactat mateix d’aquesta llei pel que fa a la llengua."

 19. Luisa Fernanda Rudi, presidenta d’Aragó: "Per implantar una nova llei de llengües en contra del català i dels criteris acadèmics i inventar-se una nova llengua i denominació per al català, el LAPAO. Compartiria el premi amb el govern socialista anterior, que no va ser capaç de fer un estatut que reconegués el català com a llengua pròpia i oficial de l’Aragó."

 20. José Ramón Bauzá, president de les Illes Balears: "Per actuar amb parcialitat contra el català en una visió i interpretació de la llei i de la constitució sempre restrictiva vers les llengües espanyoles diferents de la castellana i per modificar alguns aspectes de l’Estatut que destrossen i aniquilen el redactat mateix d’aquesta llei pel que fa a la llengua."                                                                  Fonte: Nació Digital

SUATEA torna a ganar les eleiciones nel enseñu públicu n'Asturies

El sindicatu gana por tercer vegada consecutiva. Pel so llau, la CSI consiguió representación por primer vez

   El Sindicatu Unitariu Autónomu de Trabayadores de la Enseñanza d'Asturies ganó les eleiciones sindicales desendolcaes nel enseñu públicu asturianu esti vienres 4 d'avientu, con un resultáu bien reñíu. SUATEA algamó 10 representantes y 1.122 votos, mesmos representantes y dos votos más qu'UGT, segundu sindicatu más votáu.

   Pel so llau, ANPE pierde tarrén y pasa a cuntar con 9 representantes, mientres que CCOO perdió ún, asitiándose con 7. En cuantes a CSIF, caltuvo los trés representantes, mientres qu'otra de les notes destacaes foi la entrada por primer vegada de la Corriente Sindical d'Izquierda, qu'algamó dos representantes, meyor resultáu de la so hestoria. USIPA nun algamó representación.

SUATEA agradez el sofitu    Tres conocese'l so triunfu, dende SUATEA recalcaron qu'esti tien enforma méritu al ser un sindicatu con munchos menos recursos que les grandes centrales, polo que destacaron tolos sofitos humanos recibíos. Nesi sen, destacaron que nun cuerren bonos aires pal enseñu públicu, polo que van lluchar pola amaeyora de les condiciones llaborales y por aparar los constantes retayos de plantiyes, asina como estabilidá del personal interín. Otru puntu que destaquen ye la llucha pola creación de la especialidá d'asturianu.                                                                            Fonte: Infoasturies.net

Iniciativa pol Asturianu reclama l'usu de la llingua asturiana na páxina web del Conceyu d'Avilés

Iniciativa pol Asturianu presentó yá una quexa dirixida a l’alcaldesa d’Avilés, Pilar Varela

   Iniciativa pol Asturianu llamenta la oportunidá perdida pa la normalización del asturianu na nueva web institucional del Conceyu d'Avilés. El nuevu diseñu del portal estrenóse la selmana pasada n'internet con una versión en castellán y la promesa de dir ufiertando esos conteníos n'otres llingües, entamando pol inglés. Pa l'asociación, ye inaceptable que'l gobiernu municipal escaeza l'asturianu y arrenuncie a normalizar la llingua propia na rede, magar que cunta con un serviciu de normalización n'activu, la Estaya de la Llingua, que bien podría encargase d'esti trabayu.

   Iniciativa pol Asturianu encamienta al gobiernu d'Avilés a iguar de manera inmediata esta situación de discriminación y garantizar los derechos llingüísticos de tola ciudadanía. Nesi sen, dende la organización presentóse yá una quexa dirixida a l'alcaldesa por esti escaezu imperdonable de la llingua asturiana nun espaciu de gran visibilidá como ye la web d'un Conceyu que permite facer munches xestiones en llinia como ye'l d'Avilés.                        Fonte: Infoasturies.net

Les xornaes culturales 'Outono en Bual' de l'Asociación Xuvenil Mezá continúen medrando

Cartelu del VII Outono en Bual

   L’Asociación Xuvenil Mezá entama la sétima edición de les sos xornaes culturales con un programa percompletu. Esposiciones, talleres, conciertos, conferencies y gastronomía protagonicen un 'Outono en Bual' en medría que va desendolcase'l vienres y el sábadu nesta población del occidente.

   La inauguración d’esti “mini-festival autoxestionao de música, gastronomía, arte y lliteratura”, como indica la organización, va celebrase mañana a les 19 hores na Casa Cultura con una presentación de tolos actos previstos y de les dos esposiciones que van tar a disposición del públicu estos díes: ‘Paisaxes postindustriales: úa mirada al patrimonio esqueicido’, d’Andrés Rodríguez Monteavaro, y ‘Torbón de llume / Огненный дождь’, de Sveta Poutilina. Darréu, va actuar el grupu de folk gallegu Carricobanda, que debuta n’Asturies y que tien anguaño ente los sos componentes a Roi Sampedro, que fora músicu de Mezá.

   L’actividá del sábadu va principiar al meudía con un taller de cestes tradicionales de bringa a cargu de Verónica Álvarez, de Lláscara Xeoturismu y Desarrollu Rural, na que “vei enseñar al público cómo se fain as tradicionales paxas de toda a vida con texido vexetal”. Yá de tarde, a les 16 hores, Ramsés Ilesias va protagonizar un taller de baille tradicional de la zona Eo-Navia, eventu nel que pa participar ye necesario contar con delles nociones de baille. El turnu de les conferencies ta previstu pa les 17 hores, cuando Llorián García va falar de “Gaitas ouguidas, gaitas escuitadas. Celtismo, disciplina corporal y redefinición da escuita nel fenómeno das bandas de gaitas asturianas”, una charra dirixida a músicos tradicionales y al públicu que quiera conocer la filosofía d’una banda de gaites.

   A les 21 hores ta programada una cena nel institutu de Bual na que se van poder prebar productos del país y del llugar, cola opción d’escoyer ente un menú omnívoru o vexetariuanu. Los vales pa esta comida popular van tar a la venta mientres toles xornaes a un preciu de 10 euros. Pa zarrar l’actividá, va celebrase un conciertu nel Helenias da Frieira nel que van tomar parte Os Pampirolos, el grupu de gaitas de Grandas que repite nel Outono en Bua; Tuenda, el tríu formáu por Pepín de Muñalén, Xosé Antón Fernández ‘Ambás’ y Elías García; el grupu gallegu Chotokoeu, que vien de dar una xira per Europa; y Misiva, banda de punk-rock que ta anguaño llevando la so propuesta musical n’asturianu y castellanu a dellos puntos del Estáu.

Cola intención de dar vida al occidente del país
     Esti completu programa del VII Outono en Bual ayuda a afitar la idea cola que nacieron estes xornaes culturales nel 2008 col nome de 'Outono Cultural'. “El fin d’este proyecto é motivar y dar un pouco de vida al occidente asturiano y, sobre todo, espertar as mentes d'aquellos que pasan el día delantre da televisión y da cultura institucional. Tamén, este evento quer ser un acto de reivindicación das dúas llinguas tradicionales d'Asturias, el asturiano y el gallego-asturiano, y por esta razón faise tresversal el uso d’ellas nas xornadas, así como a posta en valor da cultura del país y da súa evolución nel siglo XXI, llonxe d’esteriotipos y de clichés impostos por ningún dogma oficial”, apunten dende l’Asociación Xuvenil Mezá.

   Toles actividaes son de baldre y la organización pon a disposición de los asistentes un aparcamientu pa caravanes y furgonetes, y una zona d’acampada atechada y con duches pa la nueche del sábadu. Otra manera, la organización entama la rifa d’una cesta con productos del país que va sortiase’l domingu. Ésta cuenta con productos de les empreses Embutidos Pico de Fiel, Queixeiría d’Abredo, Queisos Ca Sanchu, Cosmética Terraveya, Cerveza Caleya, Sidra L’Allume, Artesanía Verdenaz, discos y llibros en gallego-asturiano, una fotografía d’Andrés Rodríguez Monteavaro y güevos de Pitasana, ente otros productos.                   Fonte: asturies.com

Recital poéticu de Rubén d'Areñes en Nava

Esti sábadu a les 19:00

   Dientro de los sos talleres de llectura n’asturianu que se vienen celebrando dende va trés años, el Serviciu de Normalización Llingüística de la Comarca de la Sidra, en collaboración col Conceyu de Nava, entama pa esti próximu sábadu 13 d'avientu a les 19:00, na sala Marta Portal de la Casa la Cultura del conceyu, un recital del poeta Rubén Suárez Sánchez (Areñes-Siero, 1983).

   Más conocíu col nomatu de Rubén d’Areñes, ún de los autores más destacaos dientro de les nueves xeneraciones de la lliteratura n’asturianu. Estrenáu nel mundu lliterariu con Los venticinco pasos (2008), col qu’algamó’l premiu Nené Losada Rico, ye autor tamién de Les páxines blanques (Premiu Fernán Coronas 2008), Pequeñu álbum de familia (2010) y La solombra del flacu (2011). En Nava fadrá un repasu per tola so trayectoria y los asistentes podrán comentar col autor impresiones sobre la so obra y el fechu poéticu en xeneral.                                                        Fonte: Infoasturies

Llectura de los premios y menciones nel Concursu de Rellatos Mineros Manuel Nevado Madrid

Esti xueves en Llanera.

 La Oncena Edición del Concursu de Rellatos Mineros (2104) convocáu pola Fundación Juan Muñiz Zapico cuntó con 124 participantes. Un añu mas el concursu cuntó con participación de toles comunidaes autónomes, ensin escaecenos de la participación internacional con obres unviaes dende Cuba, Arxentina, Costa Rica, Italia, Suiza, Alemaña y Francia. Sigue siendo tamién un concursu únicu nel mundu pola so temática puramente minera.

El fallu del xuráu ye públicu na so web; y l'actu de llectura de los premios y menciones va ser na Casa de Cultura de Llugo (Llanera) el 4 d'avientu de 2014, festividá de Santa Bárbara, a les 19:00. Amás esperen poder editar en 2015 el llibru colos premios y menciones d'esta edición, como cada añu dende'l 2004. 

Fonte: Infoasturies

L’esfuerciu d’El Trasno va permitir que’l gallego-asturiano tea representáu nel Liet International

Cartelu del X Liet International

   El X Liet International va contar con representación asturiana. La Banda Gaitas El Trasno va desplazase a la ciudá baxa-saxona d’Oldenburg pa participar el vienres día 12 nel festival, viaxe pal que namái cuenten con una ayuda del Conceyu de Cuaña.

   Javier Tejedor, direutor de la formación, trató entovía de contautar na mañana de güei, ensin ésitu, col viceconseyeru de Cultura, Alejandro Calvo, cola intención de buscar un apoyu económicu p’afrontar los gastos que-y supón a El Trasno’l desplazamientu de 23 músicos a Oldenburg. Tolos contautos cola alministración asturiana nun tuvieron respuesta positiva hasta la fecha, polo que la banda decidió hai un mes afrontar el viaxe pela so cuenta y mercar los billetes p’Alemaña. Asina, el día 10 partirá dende Cuaña a Bilbo pa garrar un vuelu que lleve a los ganador del VIII Premiu al Meyor Cantar por ‘Volviche’ hasta Minga/München, y d’ehí tomar rumbu hasta Oldenburg, asitiada a 759 quilómetros al norte.

   “La organización del Liet ta encantada con que vayamos. Llevamos un tiempu trabayando nesta actuación y, anque la nuesa idea ye pasalo bien, vamos pol premiu”, afirma Tejedor. Nengún representante asturianu consiguió hasta la fecha’l Liet International, festival européu de la canción en llingües minoritaries, y dende El Trasno son conscientes de que la espectacular puesta n’escena d’una banda de gaites va ser una baza al so favor. Tamién el potencial del cantar, ‘Volviche’, con lletra de Xosé Miguel Suárez Fernández ‘Tapia’ y voz del cantante del grupu xixonés Maurizios, Kike Dembinsky. N’Oldenburg, amás, van contar col apoyu de músicos asturianos de referencia, casu de Rubén Bada. “Teníemos que tar ellí. El Liet ye una oportunidá pa llevar la llingua asturiana, nesti casu el gallego-asturiano, lloñe; ye un eventu de gran importancia”, considera’l direutor de la formación con sede en Cuaña.

   Hasta l'añu pasáu, el ganador del Premiu al Meyor Cantar tenía como recompensa la presencia nel Liet International, dalgo que camudó nésti tres la suspensión del certame l'añu pasáu por decisión unillateral de la Cullittività Tarrituriale di Corsica cuando yá taben confirmaos el representante frisón, lapón y asturianu, que diba a ser Taranus con ‘Ensin ti’. L'esfuerciu de la organización del Liet consiguió recuperar el festival esti 2014 tres un periodu d'incertidume.

Diez participantes

   El teatru Kulturetage va ser el vienres día 12 la sede del X Liet International. Nesta ocasión van participar diez formaciones representando a diez llingües minoritaries: Banda Gaitas El Trasno (gallego-asturiano, Asturies), Adnoz (bretón, Breizh), Aila-Duo (sami, Laponia); Bandalheira (mindericu, Portugal), Bruno Rummler (frisiu, Fryslân), Forefingers Up!-A New Balentia’s Joint (sardu, Sardigna), Marina Sadova (mari, República de Mari-El); Martina Iori (lladín, Trentino-Sudtirol), Willie Campbell (gaélicu, Alba) y los llocales The Paintbox (baxosaxón).                          Fonte: asturies.com

Ana González diz qu'el proyeutu "garantiza la calidá del sistema educativu"

La Conseyera d'Educación,  Ana González, primer pela esquierda, na Xunta Xeneral  del Principáu d'Asturies

   La Conseyera d'Educación, Cultura y Deporte, la socialista Ana González, dixo esti martes na Xunta Xeneral del Principáu d'Asturies qu'el proyeutu de presupuestos del Principáu pal 2015 ta orientáu a caltener la equidá y "garantizar la calidá del sistema educativu".

   Nestos términos manifestóse na comparecencia sobre presupuestos del so departamentu, na que tuvo acompañada del so equipu na Xunta Xeneral del Principáu d'Asturies. El proyeutu va salir alantre gracies al apoyu de los ciez diputaos del PP, puesto que de los 17 diputaos socialistes (sobre los 45 totales) nun podríen aprobar la llei en solitariu.

   Les cuentes del departamento que dirixe González, suben a 756.437.886 euros, anque lo cierto ye que los gastos rellativos a esti departamentu elévense a 763.698.985 euros, puesto que hai qu'añadir la tresferencia a la Orquesta Sinfónica del Principáu d'Asturies, de 5,1 millones  al Centru Rexonal de Belles Artes (1,7 millones).

   Del total del montante del presupuestu d'Educación, Cultura y Deporte, un 61,53 por cientu de los recursos van dir directamente a gastos de personal, más de 470 millones. La conseyera esplicó que la cantidá dotada p'ayudes a llibros de testu y material didáutico sube a 2.400.000 euros, colo se compensa la "supresión" desti gastu per parte del Ministeriu d'Educación. "Estes ayudes tamién van forecer, la primer vez, la creación de bancos de llibros de testu nos centros educativos", manifestó.

UNIVERSIDÁ

   Tocantes a la Universidá d'Uviéu, Ana González dixo que la tresferencia nominativa de la Universidá, destinada a sufragar los gastos de funcionamientu, asciende a 118,6 millones, incluyendo l'abonu del 25 por cientu de la paga estra del personal universitariu.

   Esisten 2,9 millones pa gastoso de caltenimientu, arreglos y caltenimientu de la Universidá, asina como 800.000 euros pa inversión. "Fízose un nuevu esfuerzu en contención de gastu", manifestó sobre la Universidá.                  Fonte: europapress.es

IX denuncia que'l PSOE ta desenvolviendo'l vieyu programa políticu del PP n'Educación implantando'l "Cheque escolar"

La diputada considera que suponen consagrar el principiu de llibertá d'elección de los padres que defende'l PP   (programa de 0 a 3 años)

   Emilia Vázquez, diputada d'IX d'Asturies responsable d'Educación na Xunta Xeneral, cuestionó'l pactu col PP qu'en materia educativo nel programa 0 a 3 supon consagrar el principiu de llibertá d'elección de los padres, o lo que ye lo mesmo'l "cheque escolar", una de les señes d'identidá del PP, frente a una planificación pública que vele pola equidá y la afayadiza redistribución de los recursos públicos ente los que más lo precisen.

El sistema de desgravaciones fiscales, a cualquier familia que lleve a los sos fíos a una escuela de 0 a 3, pon n'igualdá los centros públicos colos privaos, alvirtió Vázquez. Lo mesmo va asoceder col sistema de financiamientu del material escolar por idénticu sistema de desgravación que va entrar a valir colos presupuestos pal próximu añu.

   “Nun critico al PP por apautar ya intentar sacar alantre'l so modelu educativu, que nun ye'l nuesu, pero nun querdríamos qu'esi modelu introduzase n'Asturies amparáu por un gobiernu socialista”, alvirtió la diputada na presentación na Xunta del Presupuestu d'Educación que xube a 756.437.886.

   La diputada d'IX denominó como “cheque escolar” a la deducción que plantega l'executivu asturianu pa pagar escueles de 0 a 3 años yá que supon una quiebra nel modelu que propón IX, que ye que, el dineru público sía pa la escuela pública, cuando la media de cobertoria d'estos centros ye del 15%. Ye ciertu que yá esiste la enseñanza alcordada, aseguró la diputada, pero ésta tien unes obligaciones y controles, que nun va haber nesta nueva modalidá, yá que va significar que partir d'agora van financiase aquellos centros educativos o guarderíes que los padres decidan. Lo mesmo asocede coles nueves ayudes de material escolar. Ye ciertu, dixo qu'hai un aumentu na llínea que se venía desenvolviendo, pero'l modelu que va subvencionar pela vía de les desgravaciones, namá van ser efectivos nes families nes que'l poder adquisitivo dexar, “porque la xente que realmente lo precise nun se va poder dexar mercar lo que sía y esperar a que-y lo deduzan un añu dempués”, sostuvo.

   Na vez d'entrugues, la diputada demandó información sobre los oxetivos del contratu programa pa la Universidá d'Uviéu que ta ensin roblar, cuestión que quedó ensin respuesta per parte de la directora d'Universidaes y el so financiamientu que, como tarrez la diputada d'IX, va ser consolidar los presupuestos actuales, que son claramente insuficientes yá nesti momentu.

   Vázquez incidió tamién en que'l presupuestu global de la Conseyería d'Educación, Cultura y Deportes baxó. Polo xeneral, esplicó nel apartáu de cultura, el presupuestu intenta ser más bien de caltenimientu “a la desesperada pero bien a la baxa”, ensin poder amenorgar no que fai a les empreses l'aplicación del IVA cultural del 21% impuestu pol Ministeriu de Cultura. Al director de Deportes, la diputada deseyó, con ironía, bona suerte pa poder xestionar los sos trés programes, dos d'ellos a la baxa y un terceru “tremeciendo”.

   La diputada tamién esplicó “el so disgustu” pola baxada del programa de defensa del asturianu, anque la Conseyera afirmara que les partíes taben incluyíes de manera tresversal n'otres de la Conseyería , y suxurió que podría emplegar esos 150.000 euros que baxa n'afitar otros programes que tienen que ver col asturianu, por casu en dotar meyor a l'Academia de la Llingua.                                                                          Fonte: asturnews

La XDLA afala a TPA pa que se sume a un alcuerdu de delles autonómiques con DreamWorks pa emitir les sos películes na llingua propia

Personaxes de DreamWorks Animation al asturianu

   Shrek, Antz o los pingüinos de Madagascar podríen falar pronto en catalán, gallegu y eusquera. TV3, TVG y ETB tán cerca de rematar un alcuerdu con DreamWorks Animation pal doblaxe de les sos películes d’animación a les llingües propies, alcuerdu al que la XDLA demanda que se sume la TPA.

   DreamWorks Animation ye una de les productores estauxunidenses de más ésitu na estaya d’animación y nel so catálogu tán películes de gran popularidá ente’l públicu infantil y adultu, como ‘Kung Fu Panda’, ‘Madagascar’ o ‘Cómo entrenar al to dragón’, amás de los yá nomaos ‘Shrek’ o ‘Antz’. De zarrase l’alcuerdu, los neños y neñes de Catalunya, Galicia y Euskadi podrán disfrutar nos años vinientes de dalgunos d’estos filmes na so llingua materna, amás de delles series d’animación basaes nestes producciones, “dalgo que muestra’l compromisu d’estes canales cola tresmisión y normalización del so idioma”, recuerda la Xunta pola Defensa de la Llingua Asturiana (XDLA).

   TPA, que sí tien participao n’alcuerdos asemeyaos con otres autonómiques, caso de la serie ‘El Faro’, rodada en Galicia y emitida nel país vecín en gallegu, nun participa nes negociaciones, polo que’l coleutivu cívicu afala al ente públicu de comunicación a dar el pasu y aprovechar esta puerta abierta pa contar con conteníos pa neños en llingua asturiana. “La sida económica pa roblar l’alcuerdu tampoco nun pue existir, porque paez que namás nun hai perres pa emitir espacios nel nuestru idioma –cuando cada poco tán estrenándose espacios en castellanu y series doblaes en Madrid–“, apunten pa depués recordar l’ésitu de Los Bolechas, programa del que namái s’emitió la primer de les cuatro temporaes de los personaxes d’orixe gallegu.                                                            Fonte: asturies.com

Les viñetes d'Efrén d'Andrés

L'humor n'asturianu d'Efrén d'Andrés

Desigualdá

Fonte: asturies.com

SUATEA denuncia que los presupuestos 2015 escaecen al profesoráu asturianu

SUATEA denuncia que l'Alministración asturiana ye de les que pior trata al profesoráu en condiciones llaborales y salariales.

   La Conseyería d'Educación prevé la conxelación salarial pal profesoráu nel próximu cursu. Nin siquier vase a abonar la paga extra de 2012 completa, sinón que'l profesoráu funcionariu va recibir una cuarta parte de la mesma en xineru. Pa SUATEA "L'alcuerdu ente PSOE y PP p'aprobar los presupuestos na nuesa comunidá autónoma, con una rebaxa nos impuestos, xenera alarma na comunidá educativa. Si rebaxen los ingresos, quien se van ver perxudicaos van ser ente otros los docentes, que van ver empiorar les sos condiciones llaborales. Y ente ellos, los más perxudicaos van ser los docentes interinos, que van sufrir despidos y precariedá".

   Consideren qu' "estos retayos previstos en Asturies van agravar les intenciones del gobiernu de Rajoy d'amenorgar el gastu públicu n'educación hasta un 3’9% del PIB en 2017(en 2008 llegó a algamar el 5’1% y anguaño tamos nun 4’3%). Esto consiguiráse con más retayos, aumentu de ratios, amenorgamientu de salarios, elevación de la edá de xubilación, despidu de profesoráu interín, rebaxa de la calidá educativa, como marca'l Proyectu de Decretu d'Especialidaes de Secundaria".

   Nesti marcu, "la Conseyería d'Educación convoca una mesa sectorial pal próximu llunes, en víspores de les elecciones sindicales na enseñanza, na que plantega modificar el reglamentu de los Planes d'Evaluación del Profesoráu. Ye una actuación insólita ensin precedentes", y según denuncien "esta burda maniobra realízase pa dar un balón d'osíxenu a los sindicatos allegaos al gobiernu, los sindicatos ANPE y FETE que tán dispuestos a roblar alcuerdos como'l que torgó la estabilidá del colectivu interín o'l qu'atayó la xubida salarial llineal pa tol profesoráu ensin esceición".

   Amás apunten qu' "el nuevu máximu responsable estatal del PSOE, Pedro Sánchez, almite y rectifica el garrafal erru del anterior gobiernu socialista, que modificó l'artículu 135 de la Constitución qu'antepón el pagu del rescate bancariu a Europa frente al gastu públicu n'educación y sanidá.  Sicasí, el gobiernu asturianu persiste nel erru: en cuenta de plantegar una xubida salarial pa tol profesoráu, sigui apostando por un sistema retributivo qu'esclúi explícitamente y ensin remisión posible a más de la cuarta parte del profesoráu asturianu".

   Poro, esixen un cambiu "al gobiernu tantu en materia salarial con una xubida salarial llineal ensin discriminación dalguna, como en condiciones llaborales (amenorgamientu horariu pa tol profesoráu, cambéu del tratamientu de les baxes llaborales, ampliación de plantiyes, oposiciones pa estabilizar al colectivu interín, nuevu alcuerdu d'internos…) y llamenta  fondamente'l tratu de favor que se ta dando a los sindicatos gustantes a l'alministración".  
Fonte: Infoasturies