El CUPA contentu cola versión de la web de la Universidá n'asturianu.El CUPA cellebra la puesta en marcha de la nueva web de la Universidá con una versión n’asturianu, anque cree que’l procesu de normalización tien qu’acelerase.
Pal Conceyu Universitariu pol Asturianu, esta acción supon el cumplimientu d'ún de los puntos más importantes de los alcuerdos ente l'equipu reutoral y el CUPA, que sofitó la candidatura de Gotor nel so día.
El Conceyu diz que trabaya col equipu reutoral nestes meyores y entiende qu'ésti, tien de responder a les espectatives abiertes pa la normalización del asturianu. “Pal CUPA ye'l momentu d'acelerar estes polítiques llingüístiques na Universidá, con nueves midíes que sirvan pa normalizar l'asturianu na Institución”, afirmen.
Fonte: Asturies.com
Si esa páxina ta n'asturiano, yo soi la mona del rei Favila. Pa tener la páxina de la Universidá en bable de mentira nun necesitábamos tantu roíu. Dicíime sinceramente: ¿de verdá daquién necesita "eso"? ¿De verdá pensáis que con esi falaxe vamos llegar, dalgún día, a sumar a "esto" a la xente normal que fala asturiano normal?
ResponderEliminar¿A daquién-y importa la xente normal que fala asturiano normal? ¿Conocéis xente d'eso? ¿Sabéis cómo son?
Enoliellu nun tá d'alcuerdu co la fala expresá na páxina web de la Universidá d'Ovieu; un pasu pallantre ye un peldañu parriba, too suma anque esti collaciu nun paez mu satisfechu nesti capítulu concretu. El camín faise caminandu, compañeru.
ResponderEliminar