Mozilla ta acabante d'espublizar el restolador web Firefox n'asturianu. La versión 3.6.9 yá ta disponible de baldre pa cualesquier sistema operativu dende la páxina web oficial http://mozilla.com/ast
Mozilla ye una organización ensin ánimu de llucru que foi una revolución al promover l'apertura, la innovación y la oportunidá na Web. El so proyeutu más relevante ye Firefox, famosu por ser software llibre, cenciellu, rápidu, seguru, el más usáu n'Europa y qu'acumula más de mil millones de descargues en más de 70 llingües en tol mundiu.
Na so versión n'asturianu, Firefox inclúi preinstalaos los motores de gueta pal diccionariu de l'Academia de la Llingua Asturiana, la Uiquipedia asturiana, Ebay, Yahoo y Google. La torna ya implementación d'esos motores ye un trabayu fechu por Softastur pa Mozilla, per aciu de más d'un añu.
Direición web de descarga de baldre:http://mozilla.com/ast
Fonte: Infoasturies
Moltes felicitats! Un gran pas, de veritat.
ResponderEliminarPaez ser que yá vas atopando noticies bones que poner sobre ella pocu que comentarte que lo qu'opinara casi tou'l mundu que ye importantisimo que la Llingua este presente na nueves tecnoloxias y demostrar que la nuesa llingua ta viva como lo demuestra pa tou'l que quiera ponese al dia el cortafueyos normativu de Terminoloxia d'internet y programes informáticos editáu pola Academia de la Llingua.
ResponderEliminar