La XDLLA escontra'l despreciu la SGAE al asturianu

Sabino Méndez, portavoz de la Xunta Direutiva de la SGAE y presidente de l’Academia de la Música despreció la llingua asturiana nunes declaraciones feches al diariu El País el 20 de febreru. El máximu responsable de la sociedá, tres la imputación de Teddy Bautista, afirmó, nun artículu nel que s’analizaben les causes principales poles qu’esti añu nun se van cellebrar los Premios de la Música, qu'«el premiu a la meyor canción en bable nun ye mui seductor», como exemplu de que l’espectáculu nun resulta atractivu al públicu.

La Xunta pola Defensa de la Llingua Asturiana (XDLA) manifestó la so indignación por estes palabres «que vienen a reflexar el despreciu de la SGAE pol idioma asturianu y suponen un insultu pa tolos asturianos». «Depués d’años de llucha pa que los Premios de la Música incluyeren una categoría pa los cantares fechos n’asturianu, nes mesmes condiciones que pa les demás llingües del Estáu, agora’l presidente de la institución vuelve a dexar la música fecha n’asturianu en condiciones de desigualdá y desprestixu, amás de despreciar la calidá del llabor de los músicos asturianos», diz la Xunta.

La XDLA esixe la dimisión inmediata de Sabino Méndez y que l’Academia de les Artes y les Ciencies, institución responsable de los Premios, rectifique públicamente les palabres del máximu responsable porque, si non, entenderíen que les asume como propies. Amás, dende la organización de defensa del idioma piden a la SGAE «qu’analice les causes propies poles qu’estos premios nun resulten atractivos y nun se pierda en falacies y nel insultu fácil, descalificando y humildando públicamente a los creadores musicales nun idioma que yá sufre abondo, en cuenta d’impulsar esta actividá, lo que sedría propio d’una institución qu’afirma promover y impulsar la calidá musical y la so diversidá».

Fonte: Les Noticies

Finalistes del Premiu al Meyor Cantar en Llingua Asturiana

Premiu al Meyor Cantar en Llingua Asturiana.

La direutora xeneral de Política Llingüística, Consuelo Vega, dio a conocer los nomes de los cinco finalistes del Premiu al Meyor Cantar en Llingua Asturiana 2011. Los artistes que van competir por esti gallardón, na convocatoria d’esti añu, van ser Skama la Rede (con «Condenáu»), Falanoncaduca (con «Sele sound system»), Verdasca (con «Entre ríos y entre soutos»), Corquiéu (con «Alma valera») y Blima (con «Señaldá»).Tamién anunció que la gala d’entrega va facese nel Auditoriu Teodoro Cuesta de la Casa la Cultura de Mieres, concretamente’l sábadu 19 de febreru. Ellí van tar los cinco finalistes pa interpretar en direutu’l tema seleicionáu, y conocer depués el nome del ganador. Como ramu al actu, el ganador del añu pasáu, el grupu Xera, va ufiertar un conciertu.

Los cinco finalistes d’esta edición sepártense en dos estilos concretos: el rock y el folk. Ente toos ellos ufierten una visión xeneral de la música fecha n’asturianu anguaño, con nomes mui conocíos d’ella y otros muncho más nuevos.

El Premiu al Meyor Cantar en Llingua Asturiana instituyóse nel añu 2007 pola Conseyería de Cultura y Turismu col oxetivu de promocionar y favorecer la creyación musical orixinal nesi idioma. La convocatoria ta abierta a toos aquellos grupos y solistes que nel añu anterior editaren dalguna canción n’asturianu (o en gallego-asturianu), sía del estilu que sía, cola única condición de que tanto la música como la lletra tienen que ser orixinales dafechu. Los ganadores de les ediciones anteriores foron «Azul y gris» (Toli Morilla), «Nosh» (Herbamora), «La nada y tu» (Alfredo González) y «Tierra» (Xera).

Fonte: Estaya d'asturianu

Diana Navarro pide disculpes.N'asturianu y en castellanu.

Na so páxina güeb oficial: http://www.diananavarro.org/noticias.php

ASTURIANU

Envaloraos amigos:Gustaríame pidir esculpes a les persones que se sintieren ofendíes pol mio comentariu nos Premios de la Música.La mio intención yera dar un toque d'humor a un momentu que yo entendí de tensión, cuando coles reivindicaciones, empezó a politizase un actu que ye puramente cultural.La mayoría de los ellí presentes, nun teníamos la suerte de saber la llingua asturiana, nin la catalana, nin el gallegu, nin el euskera y nun tábamos entendiendo nada de lo qu'ellí se falaba.L'andaluz nun esisti como llingua, ta claru, d'ende la chancia que dalgunos nun entendieron.Yo sofitu dende la seriedá, la llucha por que nun se pierdan estes llingües pero entiendo que nun yera'l sitiu, nin el momentu.Luar na Lubre fueron bien atinaos al traducinos primero en castellanu y dempués falar en gallegu.Gracies a ellos tuvi la oportunidá de cantar en gallegu, y va encantame cantar nel restu de les llingües españoles, si me brinda la oportunidá, porque nun tengo prexuicios.Ello ye que nel mio discu “Camino Verde” faemos un chisgo al folcklore gallegu con “ La Farruca del tran” y nel próximu discu tamos investigando n'un cante que se llama “La praviana” y que vien d'Asturies.Un cante que faía'l xenial “Neñu de la rosa fina de Casares” y que dicía asina: “Soi de Pravia, soi de Pravia y la mio madre ye una praviana y como nun voi ser de Pravia si la mio madre ye asturiana....”Siento muncho tou esti mal entendíu y espero qu'entiendan que nun se trata d'ignorancia.Cada reivindicación tien el so momentu y llugar.Los Premios de la Música nun yeren el foru afechu.Mándovos un besu enorme y repito les mios sides.Diana Navarro.

CASTELLANO

Estimados amigos: Me gustaría pedir disculpas a las personas que se hayan sentido ofendidas por mi comentario en los Premios de la Música.Mi intención era dar un toque de humor a un momento que yo entendí de tensión, cuando con las reivindicaciones, empezó a politizarse un acto que es puramente cultural.La mayoría de los allí presentes, no teníamos la suerte de saber la lengua asturiana, ni la catalana, ni el gallego, ni el euskera y no estábamos entendiendo nada de lo que allí se hablaba.El andaluz no existe como lengua, está claro, de ahí la broma que algunos no entendieron.Yo apoyo desde la seriedad, la lucha para que no se pierdan estas lenguas pero entiendo que no era el sitio, ni el momento.Luar na Lubre fueron muy acertados al traducirnos primero en castellano y después hablar en gallego.Gracias a ellos tuve la oportunidad de cantar en gallego, y me encantará cantar en el resto de las lenguas españolas, si se me brinda la oportunidad, porque no tengo prejuicios.De hecho, en mi disco “Camino Verde” hacemos un guiño al folcklore gallego con “ La Farruca del tran” y en el próximo disco estamos investigando en un cante que se llama “ La praviana” y que viene de Asturias.Un cante que hacía el genial “ NIño de la rosa fina de Casares” y que decía así: “Soy de Pravia, soy de Pravia y mi madre es una praviana y como no voy a ser de Pravia si mi madre es asturiana....”Siento mucho todo este mal entendido y espero que entiendan que no se trata de ignorancia.Cada reivindicación tiene su momento y lugar.Los Premios de la Música no eran el foro adecuado. Os mando un beso enorme y reitero mis disculpas.Diana Navarro.