La Universidá d'Uviéu entama una xornada sobre l'espardimientu y impautu del asturianu

Celébrase esti xueves nel Aula Rector Alas.
A lo llargo de día van ser delles les conferencies, meses redondes y talleres que se van celebrar dientro d'estes xornaes de nome 'Espardimientu ya impactu de la Llingua Asturiana'. Nella collaboren la Conseyería d'Educación y Cultura, el Seminariu de Filoloxía Asturiana, la Xunta pola Defensa de la Llingua Asturiana, Ediciones Trabe y Saltadera.
L'actividá principió a les 9.30 hores cola participación de la direutora xeneral d'Universidades y Investigación, Cristina Valdés; el vicerrector d'Estudiantes, Luis J. Rodríguez Muñiz; el vicerrector d'Estensión Universitaria y Comunicación, Leopoldo Sánchez Torre; el direutor xeneral de Política Lingüística, Fernando Padilla; y el presidente del Comité Organizador, Raúl Carbaja. Darréu, Xulio Viejo dio la lleición inaugural, entitulada 'La presencia de la Llingua Asturiana na Universidá d'Uviéu: historia, actualidá y perspectives'.
El restu d'actividaes son les siguientes:

• 12 hores: mesa redonda 'La Llingua Asturiana como llingua vehicular nos distintos medios d'espardimientu y divulgación', cola moderación de Ramón d'Andrés y la participación d' Ana Isabel González, direutora del Serviciu de Publicaciones de la Universidá d'Uviéu; José Muñiz Fernández, direutor d'espublizaciones; Xuan Xosé Sánchez Vicente, escritor y ensayista; Antón García, ensayista, traductor y editor; Esther Prieto, representante de la Editorial Trabe.
• 15.15 hores: taller 'Deprendemos llingua asturiana cola Xunta pola Defensa de la Llingua.
• 16 hores: esperiencia didáutica 'La Llingua Asturiana nel procesu d'enseñanza-aprendizaxe de la Conocencia Social, Natural y Cultural', a cargu de Jesús García Albá, caderalgu de la Escuela Universitaria de Maxisteriu.
• 16.45 hores: presentación del llibru 'Nel ríu la fame', de Pilar Arnaldo. Presenta la profesora y escritora Marta López Fernández.
• 17.30 hores: recital de poesía n'asturianu con Pablo Texón, Xuan Bello, Marta Mori, Fame Poétika y Alejandro Fernández Osorio.
• 19 hores: lleición de clausura 'Nós tamién tenemos historia', a cargu de María Belén San Pedro, profesora del Departamentu de Ciencies de la Educación de la Universidá d’Uviéu y investigadora.

Adxuntu	Tamañu
programa_dactividaes_de_les_xornaes_espardimientu_ya_impactu_de_la_llingua_asturiana.jpg	275.58 KB

XXIX XORNAES INTERNACIONALES D'ESTUDIU

XORNAES INTERNACIONALES D’ESTUDIU

Del 2 al 4 del mes de payares van cellebrase n’Uviéu y na Facultá de Filosofía y Lletres les XXIX Xornaes Internacionales d’Estudiu entamaes pola Academia de la Llingua Asturiana

El programa ye esti:

Martes 2 :
16,30 hores ENTAMU
16,45 hores PONENCIA Miguel Ramos Corrada
Los personaxes femeninos nel teatru asturianu
17,30 hores COMUNICACIÓN Mª Cristina García García
Delles constantes temátiques na poesía del Surdimientu.
Una güeyada a l’antoloxía Palabres Clares
17,45 hores COMUNICACIÓN Santiago Fano Méndez
Los cuentos tradicionales asturianos.
Un averamientu a la cultura asturiana al traviés de
los cuentos de tresmisión oral na obra Contáronmelo
pa que lo contara, de Milio’l del Nido
18,00 hores ALDERIQUE
18,30 hores COMUNICACIÓN Francisco Fernández-Guisasola
Muñiz y Joaquín Fernández García
Cayíes y golpes nel llinguaxe coloquial asturianu
18,45 hores COMUNICACIÓN Xosé Martínez González, Xuan
Xosé Lastra Menéndez y Joaquín Fdez. García
Plantes diurétiques y cardiotóniques na etnomedicina
asturiana
19,00 hores COMUNICACIÓN Joaquín Fernández García y
Francisco Fernández-Guisasola Muñiz
Remedios d’orixe humanu na melecina popular
asturiana (usu real y simbólicu)
19,15 hores ALDERIQUE
19,30 hores COMUNICACIÓN Elisabeth Felgueroso López
La muyer na tonada: representaciones de la muyer
nes canciones tradicionales asturianes
19,45 hores COMUNICACIÓN Xosé Ramón Iglesias Cueva
La llingua asturiana en El Eco de Avilés: 1866-1868
20, 00 hores ALDERIQUE

Miércoles 3 :
16,30 hores COMUNICACIÓN Xosé Lluis García Arias
Terminaciones asturianes en -uga, -úa
16,45 hores COMUNICACIÓN Xabiel Fernández García
Los llugares de pasu. Una aproximación antrópica
cola toponimia
17,00 hores COMUNICACIÓN Ángel Fernández Barredo y
José Antonio Longo Marina
Aproximación histórica a la parroquia de Carda a
través de la toponimia
17,15 hores COMUNICACIÓN Cristina García Sampedro
Estudio codicológico sobre El Libro del Prior
17,30 hores ALDERIQUE
18,15 hores COMUNICACIÓN Pablo Suárez García
Asturianu 2.0: l’asturianu énte la dómina dixital
18,30 hores COMUNICACIÓN Rubén Fernández Martínez
Álxebra p’asturianos: delles torgues y dalgunes
propuestes nel usu de la terminoloxía matemática
na llingua asturiana
18,45 hores COMUNICACIÓN María del Mar Martín Martín
Biblioteca virtual Mª Josefa Canellada: Lliteratura
infantil y xuvenil (www.canellada.com)
19,00 hores COMUNICACIÓN Marta Mori d’Arriba
La traducción nel sistema lliterariu asturianu
19,15 hores ALDERIQUE

Xueves 4 :
16,30 hores PONENCIA Gerold Hilty
¿Existió en la lengua del siglo xiii un pronombre
personal io/ia con la misma función que gelo/gela?
17,15 hores PONENCIA Dieter Kremer
(R)espigando en la documentación altomedieval de
León
18,15 hores PONENCIA Jean Germain
Les termes génériques à base dialectale dans
l’odonymie officielle de Wallonie
19,00 hores PONENCIA James Fernández McClintock
La presencia de lo categórico y la revitalización de
la cultura
19, 45 hores HOMENAXE al Profesor Xosé Lluis García Arias
20,15 hores PIESLLE 2 MIÉRCOLES 19:00

INFORMACIÓN Y MATRÍCULA
Academia de la Llingua Asturiana
c/ L’Águila, 10
Apartáu 574
33080-Uviéu
Tfnu.: 985 21 18 37
Fax: 985 22 68 16
alla@academiadelallingua.com
Info:Academia de la Llingua Asturiana

Impugnáu nos tribunales un alcuerdu de la Universidá empobináu a torgar drechos llingüísticos

L’Aconceyamientu de Xuristes pol Asturianu (AXA) impugna un alcuerdu del Conseyu de gobiernu de la Universidá d'Uviéu empobináu a torgar l'exerciciu de dellos drechos llingüísticos proclamaos nuna llei y amparaos pel Estatutu d'Autonomía p'Asturies.

L’Aconceyamientu de Xuristes pol Asturianu vien de formalizar, énte’l Tribunal Superior de Xusticia d’Asturies, la so demanda escontra l’Alcuerdu del Conseyu de Gobiernu de la Universidá d’Uviéu, de 28 de mayu de 2009 (BOPA de 27 de xunu), pol que s’apreba’l Reglamentu pa la presentación y receición d’escritos en bable/asturianu.
Les sides de los xuristes pa impugnar l'alcuerdu son les que siguen:

1ª. La Universidá foi tresferida a l’Alministración del Principáu d’Asturies per Real Decretu 848/1995. Arriendes d’ello, el Decretu 233/2003, pel que s’apreben los Estatutos de la Universidá d’Uviéu, nel so artículu 6 dispón que l’usu de la llingua asturiana “tendrá’l tratamientu qu’establezan l’Estatutu d’Autonomía y la llexislación complementaria, garantizándose la non discriminación de quien la emplegue”.

2ª.- Quier ello dicir que la Universidá d’Uviéu tien de respetar el mandáu del artículu 4 del Estatutu d’Autonomía d’Asturies y con ellilo dimpuesto nel artículu 4.2 de la Llei 1/1998, de 23 de marzu, d’usu del bable/asturianu: “Tendráse por válidu a tolos efeutos l’usu del bable/asturianu nes comunicaciones de pallabra o per escritu de los ciudadanos col Principáu d’Asturies”. Poro, la llei nun pon torga dala a tales comunicaciones, nin por razón de la materia, nin pola condición del ciudadán, nin pol muérganu al que s’empobinen, nin por denguna otra condición.

3ª.- Por contra, l’Alcuerdu impugnáu, quier llendar la posibilidá d’empobinar escritos a la Universidá per razón:
a) Del receutor: namái permite los empobinaos a los Muérganos Xenerales, colo qu’esclúi los que se quieran facer a los Muérganos de Gobiernu de Facultaes y Escueles, Departamentos ya Institutos Universitarios d’Investigación, pente otros (artículu 1 y, per conexón, 2, 3 y 4).
b) De la forma: solo tramitará los escritos presentaos “per comparecencia personal”, dexando fuera, por exemplu, los fechos pente medies de representante (artículu 2 y per conexón, 3, 4).
c) Del procedimientu: “nel marcu de procedimientos alministrativos entamaos pela parte interesada” (si’l procedimientu s’entama d’oficiu,el ciudadán afeutáu nun pue empobinase a la Universidá n’asturianu) y siempres que nun seyan “procedimientos complicaos, de tramitación urxente o de curtios plazos de resolución, talos como los rellativos a reclamaciones elleutorales, solicitú de convocatories d’esame especiales o estraordinaries, reclamaciones escontra prebes d’accesu a la Universidá, incidentes de recusación o cualesquier otru que, peles razones espuestes, determine’l Reutor”. Al cabu: pue emplegase l’asturianu en cásique dengún procemientu alministrativu na Universidád’Uviéu y siempres y cuando-y dea pela gana al Reutor consentilo (artículu 2 y per conexón 3 y 4).

4ª.- Al Aconceyamientu de Xuristes pol Asturianu abulta-y nulu de planu l’Alcuerdu impugnáu por conculcar dafechu’l principiu de xerarquía normativa (una norma inferior, nun pue aminorgar los drechos reconocíos n’otra superior, nesti casu la Llei 1/1998) proclamáu nel artículu 9.3de la Constitución y desendolcáu pelos artículos 51 y 62 de la Lei 30/1992, de Réxime Xurídicu de les Alministraciones Públiques y del Procedimientu Alministrativu Común.

Fonte: Infoasturies