Profesionales del diseñu utilicen la so creatividá en defensa de los refuxaos

por Pablo R. Guardado

Una campaña busca dar a conocer el drama de los refuxaos y al empar concienciar a la población sobre’l falsu discursu xenófobu que garra fuercia en dellos puntos d’Europa. ‘Refugio contra barbarie’ compónse de diez cartelos d'illustradores asturianos.

Esta iniciativa naz de la Coordinadora d’ONGD d’Asturies, el Conseyu de la Mocedá del Principáu d’Asturies y la Federación Asturiana de Conceyos tres les imáxenes que pudimos ver recién sobre les consecuencies de la guerra que sufre Siria dende hai años y qu’afeuta a la so población, obligada a escapar de la situación que se vive nel so país, escoyendo en munchos casos Europa como destín. “Persones refuxaes esisten dende hai munchu tiempu en munches partes del mundu, tantes como conflictos o catástrofes asoceden nestos mesmos llugares. Pero ye anguaño cuando se faen más visibles, yá qu’entren masivamente en suelu de la nuesa Europa, que, a pesar de la so obligación ética de cercanía a la ciudadanía y coherencia colos sos valores fundacionales de solidaridá, desaniciu de la probeza y proteición de los derechos humanos, paez nun tar al altor”, espliquen los responsables de la campaña.

Los casos de racismu y xenofobia que se tán viviendo nestos últimos meses énte los refuxaos sirios, xenerando “idees preconcebíes y equivocaes de que la xente sal de sos cases destruyíes de forma voluntaria pa non volver y, de paso, arrebatanos el nuesu bienestar”, son pa estes organizaciones una “barbarie”. “Nada más lloñe de la realidá, culpabilizar a los coleutivos de persones refuxaes de la crisis económica ye tremendamente inxustu y inhumanu”, añaden.

Tamién n’asturianu

En ‘Refugio contra barbarie’ participen diez illustradores con creaciones en defensa de los refuxaos, con presencia de la llingua asturiana gracies a Ruma Barbero. El dibuxante xixonés participa con ‘Aclarándonos’, un orixinal cartelu nel que xuega coles pallabres refugar y refuxar.

Completen la llista de collaboradores de la campaña Montse Matos, Fran Yebra, Javi Guerrero, Marco Recuero, Juaco Amado, Ralf Thomas, Forma, Nacho Quesada y Goyo. Les sos creaciones yá se pueden ver en mupis d’Uviéu, Avilés y Llangréu, amás d’en postales repartíes polos conceyos del país.

Manifiestu

Esta iniciativa vien acompañada por un manifiestu que se pue consultar na páxina web de la campaña. Nél se reclama que “la obligación d’Europa ye protexer a les persones y respetar los derechos humanos” y s’empondera “la disposición qu’esiste por parte del Gobiernu del Principáu, los conceyos, les entidaes sociales y los movimientos ciudadanos, pa coordinar aiciones que permitan ufrir la proteición adecuada a les persones refuxaes, garantizando-yos unes condiciones de vida digna y una integración plena na nuesa comunidá, y mientres el so periodu de permanencia”.

Semeya obra d’Eloy Antuña, fecha en Sama y colgada en Facebook por Ruma Barbero.

Fonte: Asturies.com

33 Selmana de les Lletres Asturianes

La Selmana de les Lletres Asturianes dedícase a dos autores de la Illustración El 30 d’abril entama la edición númberu 33 de la Selmana de les Lletres Asturianes, que con trés décades al llombu céntrase nesta ocasión y al abellugu del bicentenariu de la muerte de Gaspar de Xovellanos y de la promulgación de la Constitución de Cádiz, recuperando a dos poetes coetanios, Antón Balvidares y el presbíteru Benito de l’Auxa, con una obra clásica ente los clásicos de la lliteratura aturiana y qu’apaez agora n’edición del Seminariu de Filoloxía Asturiana de la Universidá d’Uviéu. A lo llargo de la selmana recordaráse a los autores y la so dómina con actos, conferencies, homenaxes y regalu de llibros, el vienres 4, Día del Llibru n’asturianu. El llunes, 30 d’abril, va inaugurase la Selmana a les 12:30 hores. Sedrá na Casa Natal de Xovellanos. Ellí va presentase’l volume conmemorativu “Al rodiu de la poesía ilustrada “por Juan Carlos Villaverde Amieva, profesor de la Universidá d’Uviéu. Esi mesmu día, en Grau, y de magar les ocho la tarde, la Capiella de los Dolores va ser testigu de l’estrenu de l’adaptación teatral de Píramo y Tisbe de Benito de l’Auxa, por Producciones Nun Tris, celebrándose darréu un actu poéticu n’homenaxe a los poetes Benito de l’Auxa y Antón Balvidares, cola participación de Xuan Carlos Busto y los escritores Antón García y Soſía Castañón. Nesta ocasión l’actu faise en collaboración cola Fundación Aula de les Metáſores. El miércoles, 2 de mayu, a la una la tarde, el Paraninſu de la Universidá d’Uviéu acueye la presentación del llibru “Poesíes de Benito de l’Auxa y Antón Balvidares”, a cargu de Xuan Carlos Busto, profesor de la Universidá d’Uviéu. En Candás, a les 19,30 hores, la Biblioteca Carlos González Posada va acoyer el Descubrimientu d’una placa dedicada a Benito de l’Auxa. Y, darréu, la conſerencia «El poeta candasín Benito de l’Auxa: ente Marirreguera y Xovellanos» por Xuan Carlos Busto . El xueves, 3 de mayu, los actos treslládense a Sariegu. A les siete la tarde, en La Casa Riba (Valvidares), va descubrise una placa dedicada a Antón Balvidares na so casa natal. A les 20,00 hores, na Casa Cultura de Vega, nel mesmu conceyu, conſerencia «Antón Balvidares Argüelles: un poeta sareganu de la Ilustración asturiana» por Florencio Friera Suárez (RIDEA). El vienres, 4 de mayu, Día de les Lletres Asturianes l’actu escolar de la Selmana va entamar a les 12 hores, nel Colexu Públicu Salvador Vega Berros (Vega), incluyendo la inauguración de la esposición «La llingua na historia», intervención d’autoridaes, actuaciones y entrega de premios del XVII Certame de Poesía y Dibuxu, del IX Certame de Cartelismu y del I Certame de Creación Audiovisual. En Santalla d’Ozcos, a les siete y media, la Casa Cultura acueye la conſerencia «Delas señas da Ilutración na Asturias occidental» por José Antonio Álvarez Catrrillón, profesor de la Universidá d’Uviéu. A lo llargo de tola xornada va celebrase’l Día del llibru n’asturianu, en collaboración coles llibreríes, tiendes de discos, editoriales y ditribuidores del país, que van ufrir un 10 % de descuentu na compra de llibros y música n’aurianu y regalu, hasta la fin d’esistencies, del llibru “Al rodiu de la poesía illustrada”. Participen nesta promoción: Llibreríes y tiendes participantes Uviéu: Llibrería Antares, Llibrería Aldebarán, Llibrería Cervantes, El Corte Inglés, Llibrería Diocesana, Llibrería Garluc, Llibrería Maribel, Llibrería Ojanguren, Llibrería La Palma, Llibrería II Milenio, Llibrería Pintar-Pintar, Llibrería Polledo, Llibrería Puntos, Llibrería Reconquista, Llibrería Santa Teresa, Llibrería Servitec. Xixón: Llibrería Bardos, Llibrería Casa del Libro, Llibrería Central, Llibrería Cornión, El Corte Inglés, Llibrería English Book Shop, Llibrería Hernández, Llibrería Paradiso, Mundo Sonoro, Llibrería Roy, Llibrería Ziſar. Avilés: Llibrería Azucel, Llibrería Casona, Llibrería Clarín, El Corte Inglés, Llibrería Vícor Núñez, Llibrería La Vieja Atalaya, Tienda Elepé Producions. Mieres del Camín: Disco 55, Llibrería Mercantil, Llibrería La Pilarica, Llibrería La Torre. Siero: Llibrería Eroski (Parque Principáu-Paredes), Llibrería Naredo (La Pola), FNAC (Parque PrincipáuParedes), Llibrería San Vicente (La Pola). Cangas del Narcea: Llibrería Treito. Cangues d’Onís: Llibrería Imagen.Corvera: Llibrería Mario (Cancienes). L’Entregu: Llibrería Sol. L’Infiestu: Llibrería Rima. Llanes: Llibrería Clarín. Llangréu: Llibrería A. Pantiga (Ciañu). Llaviana: Llibrería Arvín. L.luarca: Llibrería Helas. Les Arriondes: Llibrería Gestión. Nava: Muséu de la Sidra. Fonte: Asturnews