El senador valencianu Carles Mulet y la llingua asturiana

El dirixente de Compromís intervien nel Senáu español amosando una camiseta en defensa del “llionés na escuela”

El senador Carles Mulet, de la coalición eco-nacionalista Compromís (qu´integren el Bloc Nacionalista Valencià, Iniciativa del Poble Valencià y Verds-Equo del País Valencià), intervien na Cámara alta de les Cortes españoles mientres portaba una camiseta reivindicativa del “llionés na escuela”.

Nun ye la primer vegada na que Mulet posicionase a favor de la revitalización de la llingua asturiana en territoriu lleonés (nel cual ye conocida tamién como “astur-llionés” o “astur-lleonés”). Meses enantes la utilizaba nel mesmu Senáu como reivindicación del so usu institucional

Nel so momentu Carles Mulet rexistró una entruga escrita empobinada al Gobiernu español pa conocer qué midíes concretes tien previstes pa protexer la llingua al otru llau del cordal cantábricu.

Fonte: infoasturies.com

Compromís pide al Gobiernu estatal midíes pa protexer l'asturlleonés en Lleón, Zamora y Salamanca

• Carles Mulet, el senador valencianu qu'emplegó'l lleonés na cámara alta'l miércoles, sigue faciendo xestos pol idioma. Ta acabante de rexistrar una entruga pal Gobiernu estatal sobre qué midíes tien previstes pa protexer l'asturlleonés en Lleón, Zamora y Salamanca.

Esta aición vien tres un pidimientu a Compromís de la Plataforma por el Futuro de la Región Leonesa, coleutivu asentáu en Salamanca dedicada a la defensa d'estos territorios, los sos trabayadores y los derechos sociales nel que participen delles asociaciones.

La entruga concreta plantegada por Mulet, tres facer un análisis de la situación del lleonés, foi: ¿Qué midíes concretes tiene previstes el Gobiernu pa protexer y promocionar la llingua lleonesa nes provincies de Lleón, Salamanca y Zamora?'.

Fonte: Asturies.com

Un senador de Compromís respuende en lleonés al presidente de la Diputación de Lleón

• por Pablo R. Guardado

Carles Mulet respuende asina al presidente de la Diputación de Lleón, el popular Juan Martínez Majo, que s'indignó pol usu del valencianu na Cámara alta. Nun videu esplicativu, el senador de Compromís sofita la oficialidá del lleonés, usándo tamién el glotónimu "asturianu" pa referise a la llingua común d'Asturies y Lleón.

Tres facer referencia a Martínez Majo, "quien durante'l pasáu Plenu amuelaba-y muito que se pudiera falar valencianu nel Senáu", señaló que "a min, per contra, amuelame bien que nun se respete las llinguas y culturas de los territorios d'España". Darréu apuntó que-y prestaría "qu'esa persona s'esforciara n'algamar la oficialidá del llionés na sua provincia, comunidá autónoma y ayuntamientu; qu'alzara la voz nel seu propiu partíu onde se niegan a llexislar sobre la llingua lleonesa" pese a los mandaos del estatutu de Castilla y Lleón y del Conseyu d'Europa.

Comprómís colgó un videu na rede na que'l propiu Mulet esplica los motivos que-y llevaron a emplegar el lleonés na so intervención d'ayeri y pidió disculpes sobre posibles errores de pronunciación al nun saber l'idioma. "Esperamos qu'esto sirva p'ayudar a algamar la oficialidá del lleonés; del asturianu", afirma nel mesmu.

Fonte. Asturies.com