Planteguen a Mediu Rural midíes de normalización del asturianu

La Xunta pola Defensa de la Llingua plantega a Mediu Rural midíes de normalización del asturianu. L'usu de toponimia y etiquetáu n'asturianu son dalgunes d'elles.

Miembros de la Xunta pola Defensa de la Llingua Asturiana plantegaron al conseyeru de Mediu Rural, Aurelio Martín, delles midíes en favor de la normalización del asturianu, en cuantes a la imaxe corporativa d'esta cartera y la xeneralización de la toponima, amás d'otres cuestiones como l'etiquetáu de productos.

Según informó la Xunta nuna nota prensa, mantúvose una reunión na qu'amás plantegóse-y al conseyeru "la continuación na normalización del asturianu dientro de les competencies, actividaes y campañes de la Conseyería".

D'esta manera, falóse de "la profundización del usu asturianu na imaxe corporativa de la Conseyería, la xeneralización na utilización de tola toponimia yá aprebada en tou tipu de documentos, del usu del idioma nes campañes vinientes, del etiquetaxe n'asturianu y de la creyación de vínculos estables ente los establecimientos, los productos y la llingua asturiana".

Fonte: Europa Press