Sidoro Villa va falar con llectores en Villaviciosa

• . Villa debuta na lliteratura p’adultos con ‘A estaya’
• . Sidoro Villa y Paco Álvarez alcuéntrense colos sos llectores

Cartelu

Sobre la so primer novela, 'A estaya'.

Tras participar en febreru en Nava nos Talleres de Llectura n'Asturianu qu'entama Serviciu de Normalización Llingüísica de la 'Comarca de la Sidra', Sidoro Villa va facer lo propio mañana en Villaviciosa. L'escritor sierense va falar colos sos llectores sobre 'A estaya', novela ambientada nun chigre de la cuenca'l Nalón a últimos de la década de los 60 que rellata una apuesta ente bebedores de sidra.

Esta sesión de los tallares va celebrase de magar les 19 hores nel aula del segundu pisu del Centru Cultural Capistrano de Villaviciosa. La entrada ye llibre.                Fonte: asturies.com

Les 'Histories familiares' de Mori aporten a Nava

• . Marta Mori participa en Bimenes nun alcuentru con llectores
• . Mori lleva les sos 'Histories familiares' a Villaviciosa

Cartelu de Marta Mori na Comarca de la Sidra

 La xixonesa sigue colos sos alcuentros con llectores na Mancomunidá de la Sidra.

 Tres participar en Bimenes y en Villaviciosa nesta iniciativa qu'entama'l Serviciu de Normalización Llingüística de la rexón, Marta Mori acude esta tarde a Nava pa falar colos participantes nos Talleres de Llectura n'Asturianu sobre la so obra 'Histories familiares'. Va ser a les 19 hores na sala Marta Portal de la Casa Cultura, con entrada de baldre.

 'Histories familiares' (Publicaciones Ámbitu, 2009) trátase d'una coleición de rellatos dividíos en dos partes, a caballu ente la ficción y lo autobiográficu, qu'indaga na historia de la familia de Mori y la so infancia. Doctora en Filoloxía Hispánica, la xixonesa tien espublizaos, amás d'una cantidá grande d'artículos d'historia y crítica lliteraria, poemarios como 'Pórticu', 'El tiempu de la espera', 'La mio voz' o 'L'alcordanza', colos que tien algamaos premios como'l Teodoro Cuesta y el Xuan María Acebal.                                                   Fonte: asturies.com

Mori lleva les sos 'Histories familiares' a Villaviciosa

• . Marta Mori participa en Bimenes nun alcuentru con llectores

 La escritora xixonesa repite nos Alcuentros col Llector de la 'Comarca de la Sidra' tres participar nos de Bimenes n'ochobre.

 Naquella ocasión Marta Mori tamién tuvo la oportunidá d'aldericar colos participantes de los Talleres de Llectura n'Asturianu qu'entama'l Serviciu de Normalización Llingüística de la 'Comarca de la Sidra' nos conceyos onde opera. Al igual que n'ochobre la también investigadora y profesora va falar sobre 'Histories familiares', volume de rellatos asoleyáu por Publicaciones Ámbitu nel 2009.

 L'activida va desendolcase mañana, a les 19 hores, nel aula del segundu pisu del Centru Cultural Capistrano. La entrada pa esti alcuentru colos llectores ye de baldre.
Fonte. asturies.com

‘The english roses’, el primer cuentu infantil de Madonna, yá se pue lleer n’asturianu

 Yá ta a la venta nes llibreríes del país y per Internet ‘Les roses ingleses’, el primer cuentu infantil de l’artista Madonna, na so versión asturiana gracies a una torna fecha pol escritor Inaciu Galán. Espublizáu nel 2003, ye ún de los llibros pa neños y neñes más distribuyíos nel mundu.

 El cuentu, destináu pa mayores de 6 años, narra les aventures de cinco moces londinenses que deprenden el valor de la amistá, dexando atrás les envidies que sentíen cuatro d’elles hacia otra. Amás de pola historia creada por Madonna, el llibru destaca poles ilustraciones de Jeffrey Fulvimari.

 Galán encargóse de la torna al asturianu d’esta obra editada por Ediciones Camelot en Villaviciosa. Pa ello, tuvieron que pasar la supervisión de Toshiya Masuda y Ivan Wong, amás de Callaway Editions y la propia Madonna. ‘The english roses’, nome orixinal del cuentu que se caltién na so versión asturiana, ta siendo un ésitu de venta, con demanda de coleicionistes de fuera d’Asturies, polo que la editorial maliaya atiende pidíos tamién al traviés del corréu electrónicupedidos@edicionescamelot.com, ensin falta de pagar gastos d’unvíu. Fonte: asturies.com 

Preséntase'l númberu 19 de la revista 'Cultures' en Villaviciosa

Va ser esti xueves a les 20 hores

Cartelu de la presentación de la revista Cultures númberu 19

   L'Academia de la Llingua Asturiana (ALLA) va presentar el númberu 19 de 'Cultures. Revista Asturiana de Cultura', númberu 19 númberu 19 correspondiente al añu 2015, nun actu entamáu pol Serviciu de Normalización Llingüística de la 'Comarca de la Sidra' na Casa los Hevia. Nél van intervenir l'alcalde Alejandro Vega y Roberto González-Quevedo González, direutor de la espublización, amás de Xuan Pedrayes Obaya y Carme Pedrayes Toyos, que participen na revista.

  Nesti exemplar de 'Cultures' los llectores van atopar dellos artículos d’estremáu calter, como los de González-Quevedo 'Paisax y cultura n’Asturies (II). Los oratorios como oxetivación d’idees y valores' y 'Categorización de cultura ya naturaleza nos cuentos populares d’animales'; ''Las ermitas de ánimas' de la comarca de los ríos Andarax y Nacimiento (Almería)', de Manuel Francisco Matarín Guil; 'Catálogu de los oratorios en Conceyu Villaviciosa', de Pedrayes Obaya; 'Aguilandeiros de San Xuan en Villapañada (Grau)', de Ramsés Ilesies y Xosé Antón Fernández 'Ambás'; y 'Vezos y creyencies en conceyu Villaviciosa', de Pedrayes Toyos.

  La revista, que tien un preciu de 10 euros, sigue cola 'Faza d’histories de vida' colos trabayos de Milio’l del Nido ('Mio tíu Milio') y Pepe Monteserín ('Pa vaques, el mio hermanu' y 'L’octavu pasaxeru'), y fina cola estaya 'Reseñes', de Juan Alfonso Fernández García, con 'En 'Ca’l Gaiteiru' o l’entamu de la reconstrucción historicista de la gaita n’Asturies'.
Fonte: asturies.com

Miguel Allende nos talleres de llectura n'asturianu de Villaviciosa

El xueves 9 d'abril a les 18:30 hores.

Los alcuentros col autor de los talleres de llectura n’asturianu de Villaviciosa, qu’entama’l Serviciu de Normalización Llingüística de la Comarca de la Sidra,  acueyen esti próximu xueves, 9 d'abril, a les 18:30 hores, nel aula del segundu pisu del centru cultural Capistrano de Villaviciosa, al escritor llavianés Miguel Allende.

Falará nesta ocasión al rodiu del so llibru Cuadernu de Rayes, selección de testos del blog del autor del mesmu nome nos que s'entemecen ficción y autobiografía.  Esti ye'l primer llibru en prosa editáu pol autor, depués de los poemarios Pallabres de payaso (2004), Güelgues de gallón (2009) y Pastoral en Sol mayor (Endecha de la memoria), 2010.

Fonte: Infoasturies

Cursu de llingua asturiana en Villaviciosa

L'Atenéu Obreru de Villaviciosa acueye un cursu d'asturianu qu'entamará en feches prósimes nel conceyu maliayu.

L'Atenéu Obreru de Villaviciosa ufierta un cursu d'asturianu de baldre nel conceyu maliayu. Tal como despliquen, "La llingua asturiana cuenta yá con mil años d’historia y, a pesar que’l castellano, dende antiguo, arrequexó’l so papel históricu, cuenta n’actualidá con un cultivu nel planu cultural mui interesante que permanez desconocíu pa gran parte de la sociedá asturiana. La llingua, en cuantes que conforma una particular visión del mundu, ye parte fundamental de la identidá asturiana, y ta en manes de la sociedá asturiana el conocela, conservala y tresmitila pa les nueves xeneraciones nel futuru, pa garantizar la so supervivencia nun mundu globalizáu que tiende a la uniformización".

Poro, el cursu "enseñarános a conocer y valorar l’asturianu que yá aprendimos en casa, a conocer les normes básiques d’escritura, y a meyorar el vocabulariu, la sintaxis y el conocimientu de les distintes variantes que s’atopen n’Asturies". Amás, "Como nun se pue separar una llingua de la sociedá na qu’esta vive y de los productos culturales que d’ella se valen, fadráse tamién un repasu de les circunstancies históriques y sociales que vienen condicionando la esistencia de la llingua y daráse a conocer, a grandes rasgos, la bayura de la lliteratura asturiana clásica y contemporánea".

Los bloques a tratar sedrán "Hestoria y socioloxía de la llingua asturiana", "Normes ortográfiques", "La llingua asturiana: léxicu,s intaxis y morfoloxía", y pa finar, "Música, lliteratura y cine n'asturianu". L'horariu sedrá martes y xueves de 19 a 20:30 hores, con Pablo Suárez Fernández al frente como responsable del Serviciu de Normalización Llingüística de la Comarca de La Sidra.

Los y les interesaes pueden asistir esti vienres 11 de xineru a un aconceyamientu nel Atenéu, nel Pablo Suárez informará de la temática y horarios del cursu. Otra manera d'informase de feches y otres custiones ye contautando col corréu lletrónicu secretaria@ateneovillaviciosa.es.

Fonte: Infoasturies

Presentación del "Atles de los Bolos Asturianos" en Villaviciosa

Carlos Suari presenta l’Atles de los Bolos Asturianos en Villaviciosa

Suburbia Ediciones, qu’asoleya esta obra, presenta l’Atles de los Bolos Asturianos de Carlos Suari esti sábadu 15 d’avientu a les 12 la mañana nel Atenéu Obreru de Villaviciosa. Nel actu van participar, amás del autor, y la editora, Silvia Cosío, el Presidente de la Federación Asturiana de Bolos, José Desiderio Díaz López. Dempués del actu fadráse una amuesa de bolos na bolera del Atenéu.

L’Atles de los Bolos Asturianos (ABA) ye un proyectu de Carlos Suari, llicenciáu en Ciencies de l’Actividá Física y del Deporte con estudios n’Antropoloxía Social y Cultural, y consideráu etnógrafu especializáu nel patrimoniu lúdico-motor y la so aplicación a la enseñanza. Nél, l’autor afonda nos raigaños culturales de los xuegos de bolos n’Asturies, aprovechando pa facer un rastrexu del repertoriu, replantiando variables y clasificaciones de dalgunes investigaciones previes.

Fonte: Asturnews

Cursín d'asturianu en Villaviciosa

“Curso de Iniciación a la Lengua Asturiana (Cursín d’asturianu)".

Oferta formativa desde el Ateneo Obrero de Villaviciosa, el “Curso de Iniciación a la Lengua Asturiana. Horariu: Martes y Xueves de 19 a 20:30 hores El Ateneo, fiel al compromiso con la cultura y la lengua asturiana, quiere contribuir a potenciar estos valores con la puesta en marcha de este nuevo curso. La tradición asturianista del Ateneo se consolidó con la apuesta inequívoca y el tesón de algunos socios y directivos de esta Sociedad, como Mundo Collada o Lluis Portal, a los que queremos agradecer, junto a otras muchas personas, el esfuerzo y entusiasmo por mantener viva la llingua, trasladando a los asturianos/as la importancia de preservar y consolidar este precioso bien cultural que heredamos de nuestros antepasados, y que estamos obligados a proyectar hacia el futuro a través de los más jóvenes. Esta iniciativa cuenta con el respaldo del Gobierno del Principado de Asturias, a través de la Dirección General de Política Lingüística, cuya directora, Ana María Fueyo, nos animó a que pusiésemos en marcha actividades que apoyen y potencien la llingua, como la que hoy os presentamos.


El nuevo Curso de asturiano será gratuito, al estar respaldado por la Comarca de la Sidra, y será impartido por Pablo Suárez Fernández, técnicu responsable del serviciu de normalización llingüística de la Comarca de la Sidra.

Desde la Junta Directiva del Ateneo Obrero os animamos a participar en este nuevo curso, que esperamos sea el inicio y la consolidación de un programa de apoyo a la cultura asturiana desde este Ateneo.

Preinscripciones: ateneo.obrero.de.villaviciosa@gmail.com

La llingua asturiana cuenta yá con mil años d’historia y, a pesar que’l castellano, desde antiguo, arrequexó’l so papel históricu, cuenta n’actualidá con un cultivu nel planu cultural mui interesante que permanez desconocíu pa gran parte de la sociedá asturiana. La llingua, en cuantes que conforma una particular visión del mundu, ye parte fundamental de la identidá asturiana, y ta en manes de la sociedá asturiana el conocela, conservala y tresmitila pa les nueves xeneraciones nel futuru, pa garantizar la so supervivencia nun mundu globalizáu que tiende a la uniformización.

Esti cursu enseñarános a conocer y valorar l’asturianu que yá aprendimos en casa, a conocer les normes básiques d’escritura, y a meyorar el vocabulariu, la sintaxis y el conocimientu de les distintes variantes que s’atopen n’Asturies.

Como nun se pue separtar una llingua de la sociedá na qu’esta vive y de los productos culturales que d’ella se valen, fadráse tamién un repasu de les circunstancies históriques y sociales que vienen condicionando la esistencia de la llingua y daráse a conocer, a grandes rasgos, la bayura de la lliteratura asturiana clásica y contemporánea.

Los bloques temáticos que se van tratar, pues, nesti cursín, van ser los siguientes:

* Historia y socioloxía de la llingua asturiana

* Normes ortográfiques

* La llingua asturiana: léxicu, sintáxis y morfoloxía.

* Música, lliteratura y cine n’asturianu


Horariu:

Martes y Xueves de 19 a 20:30 hores

Fonte: Villaviciosa Hermosa