El Centru d'Arte Rupestre de Tito Bustillo organiza visites guiaes n'asturianu
El Centru d'Arte Rupestre de Tito Bustillo entama visites guiaes la esposición permanente nos idiomes inglés, francés y n'asturianu mentes los meses de payares y avientu. Según informó'l centru, estes visites tán dirixíes a grupos d'alumnos d'enseñanza secundaria, formación profesional, academies y escueles d'idiomes, y busquen ser una actividá complementaria a los estudios d'idiomes correspondientes. Asina, al empar qu'afonden na conocencia de la Prehistoria, los participantes enfrentaránse a una práctica de comunicación real nuna segunda llingua y fuera del ámbitu del centru docente del que provienen.
Estes visites guíaes en llingua estranxera y en llingua asturiana ufiértense gratuitamente a los grupos de los centros d'enseñanza qu'asina lo soliciten. L'actividá va realizase previa reserva nos teléfonos 985 861 255 y 902 306 600 o na dirección lletrónica infocentrodearterupestredetitobustillo.com. Cada pase va acoyer un máximu de 25 participantes y pa grupos más numberosos. Otra manera, disponen de servicios complementarios y les places son llindaes.
Fonte: Les Noticies
