Cursu Básicu de Llingua Asturiana en Corvera

Abiertu'l plazu d'inscripción pal Cursu Básicu de Llingua Asturiana en Corvera hasta'l 23 d'ochobre, primer día del cursu que ye gratuitu y va impartise los miércoles de seis a ocho la tarde. Dende esta selmana y hasta’l 23 d’ochobre, ábrese’l plazu pa inscribise nel “Cursu Básicu de Llingua Asturiana (II)” que, igual que na edición anterior, quier ser "un mecanismu de deprendimientu de les normes básiques d’escritura del idioma, pero tamién una manera d’acercase a bien d’aspectos de la cultura asturiana". El cursu, de carácter gratuitu, va ser impartíu pol técnicu responsable del Serviciu de Normalización Llingüística de Corvera. L’horariu del mesmu va ser tolos miércoles de 18 a 20 hores, siendo la primer sesión el próximu miércoles 23 d’ochobre nel Centru Sociocultural de Las Vegas/Les Vegues. Los conteníos d’esti cursu son los que s’indiquen de siguío: -Normes ortográfiques; -La llingua asturiana: léxicu, sintaxis y morfoloxía; -Frases feches, refranes y cosadielles; -La creación cultural n’asturianu; -Acercamientu a la toponimia de Corvera. Inscripciones nel Centru Sociocultural de Las Vegas/Les Vegues. Fonte: Infoasturies

Martes en Colunga: principa'l Cursu Básicu de Llingua Asturiana

El martes principia’l Cursu Básicu de Llingua Asturiana de Colunga

   El Serviciu de Normalización Llingüística de la Mancomunidá de la Sidra entama un Cursu Básicu de Llingua Asturiana en Colunga que principia esti martes. La xente interesao tien hasta esi mesmu día pa formalizar la matrícula.

   El filólogu y responsable del SNL, Pablo Suárez, va ser l’encargáu d’impartir el cursu, que yá tien superáu el cupu mínimu d’alumnos. A lo llargo de 30 hores, les persones que participen van aprender los aspectos ortográficos y morfosintácticos elementales de la llingua asturiana, amás de los aspectos sociollingüísticos y culturales que l’arrodien. Les clases van tener llugar los martes y xueves, de 17.30 a 19.30 hores, na Casa la Cultura de Colunga.

   Los persones intereses pueden ponese en contautu col Área de Cultura del Conceyu de Colunga nel 661.604.627 o bien nel Serviciu de Normalización Llingüística de la Mancomunidá de la Sidra nel 985.718.413 o nel 615.798.551.

Adxuntu	Tamañu
Cartelu Cursu Básicu de Llingua Asturiana de Colunga.jpg	186.63 KB

Fonte:  Asturies.com