La XDLLA denuncia que la direición de la RTPA ta “en rebeldía escontra les instituciones democrátiques”, al llevar más de cuatro meses ensin entregar a la Procuradora Xeneral d’Asturies los informes sobre la marxinación del asturianu nel ente públicu. Va dellos meses la Xunta Pola Defensa de la Llingua Asturiana entamó una campaña per Internet pa pidir a la direición de la RTPA más programación n’asturianu, horarios y conteníos más dignos y el respetu a la toponimia oficial. Más de 5.000 persones sofiten hasta’l momentu esta iniciativa que se completó cola presentación d’una quexa oficial énte la Procuradora Xeneral d’Asturies.
La función de la Procuraduría ye la defensa de los drechos de la ciudadanía asturiana y el cumplimientu de les dimposiciones llegales d’ámbitu autonómicu, estatal y européu. A pidimientu de la XPDLLA, esti organismu solicitó per dos vegaes los informes sobre’l tratu de la llingua asturiana na radiotelevisión pública y fasta'l momentu nun tuvo rempuesta.
Fonte: Asturies.com
Y Xune Elipe y Ambás qué dicen d'ello? NADA, pues d'ellos cobren... el réxime ye asina. Son asina.
ResponderEliminaryá pasara cola 2ª encuesta sociollingüística de Llera Ramos.Tienen mieu de perder el peselbre.
ResponderEliminar