Día de la Poesía, cartelu d'Uviéu
Esti martes día 21 de marzu, Día de la Poesía, va celebrase la xornada cola presentación n’Uviéu y n’Avilés d’un trabayu de grabación de voz de poetes en toles llingües del Estáu Español que ta desenvolviendo la fonoteca The Booksmovie de Zaragoza, al pie d’un recital poéticu-musical al cargu de poetes pertenecientes a l’Asociación d’Escritores d’Asturies.
Los actos van desenvolvese na Plaza de Españá, n’Avilés ales 18:30 hores y nel Salón de Té del Teatru Campoamor d’Uviéu a les 20:30 hores, tando presidíos pola Conceyala de Cultura de Conceyu d’Avilés, Yolanda Alonso, y el Conceyal de Cultura d’Uviñeu, Roberto Sánchez Ramos, respeutivamente.
La fonoteca The Booksmovie de Zaragoza, ta realizando un trabayu de grabación de voz de poetes en toles llingües del Estáu Español y tamién n’otres llingües estranxeres, amás de grabaciones de poesía clásica, a la que, lóxicamente, ponen voz otres persones. Ye un proyeutu bien valoratible qu’axudará a faer visible, en soporte virtual, la poesía d’ayeri y de güei de distintos autores, tanto autores consagraos, como autores noveles y clásicos.
El pasáu mes de noviembre vinieron a Asturies responsables de The Booksmovie y grabaron la voz y la poesía de 31 poetes asturianos pertenecientes a l’Asociación d’escritores d’Asturies, n’asturianu y en castellán. Esti proyeutu tendrá continuidá n’otros momentos.
Yá ta realizada la primer parte de la grabación, que se va presentar esti martes día 21 de marzu, Día de la Poesía, n’Uviéu y n’Avilés. Amás fadráse un recital poéticu-musical al cargu de poetes pertenecientes a l’Asociación d’Escritores d’Asturies.
Avilés:
Plaza de Españá (Avilés) 18:30 hores
- Presentación de la fonoteca The Booksmovie
- Recital poéticu, al cargu de poetes pertenecientes a l’Asociación d’Escritores d’Asturies, n’asturianu y en castellán.
- Proyeición siguida de les grabaciones poétiques nuna gran pantalla, dende les 18:00 hasta les 22.00.
Uviéu:
Salón de Té del Teatru Campoamor (Uviéu) 20:30 hores
- Presentación de la fonoteca The Booksmovie
- Recital poéticu, al cargu de poetes pertenecientes a l’Asociación d’Escritores d’Asturies.
- Música de violín con Fernando Fernández González, violinista y lutier. Fonte:asturnews.com
