Abiertu'l plazu pa la presentación de proyeutos pa l'Axenda Didáutica Escolar d'esti cursu

 

Axenda Didáutica Escolar pal cursu 2014-2015

     Mientres esti mes d’ochobre va tar abiertu’l plazu pa presentar proyeutos pa l’Axenda Didáctica Escolar. El cursu pasáu 182 centros de Primaria y de Secundaria y Bachilleratu pudieron disfrutar d’esti programa educativu col asturianu y gallego-asturiano como llingües vehiculares.

   Cursos, conciertos, charres, obres de teatru, cuentacuentos… Son munches les actividaes qu’ufre l’Axenda Didáctica Escolar, pa la que yá se pueden presentar proyeutos de cara al cursu 2014-2015. El so oxetivu, “sofitar el llabor docente del profesoráu de Llingua Asturiana/Gallego-asturiano y amosar al alumnáu la rica creación musical, lliteraria o teatral  que s'espresa nestes llingües”. El plazu pa que les empreses privaes d’ámbitu asturianu dedicaes a la producción cultural ufran les sos propuestes –un máximu de cuatro per etapa– pa la sesta edición d’esta iniciativa fina’l 31 d’ochobre.

   Tres l’aprobación de los proyeutos, toles actividaes van tar a disposición de los centros pa que faigan una escoyeta de los que más s’adapten a les sos necesidaes y gustos. El cursu pasáu ufiertáronse un total de 63, que se convirtieron en 182 actuaciones y talleres en 137 centros de Primaria y 45 de Secundaria y Bachilleratu.                                           Fonte: Asturies.com

Adxuntu	Tamañu
Normes de participación na axenda didáctica escolar 2014-2015.pdf	66.97 KB
Solicitú de participación de les empreses.pdf	19.69 KB
Informe d'entidaes.pdf	18.82 KB

La Conseyería d'Educación va convocar ayudes a la edición de llibros n'asturianu

Cultura convoca les ayudes a la edición de llibros n'asturianu

   La Conseyería d'Educación, Cultura y Deporte va convocar nel presente añu 2013 tres llínies de sovención pa impulsar l'usu del asturianu y del gallego-asturianu, eliminando les partíes pa usu del asturianu pa empreses y p'asociaciones. Les sovenciones pa la edición de llibros acaben d'abrir convocatoria pa empreses editoriales y tienen como finalidá "ampliar el círculu de llectores y l'ámbitu d'espardimientu de la lliteratura asturiana". La partida d'esti añu ye de 100.000 euros. L'añu pasáu entregáronse 84.480 euros nesta llinia.

   Esti añu convocaránse ayudes tamién pa la edición musical a empreses dedicaes a la producción de la música n'asturianu y en gallego-asturianu, que se realice en diversos soportes físicos o dixitales; y pa la promoción del asturianu o'l gallego-asturianu nos medios de comunicación. Van poder solicitar estes subvenciones les empreses titulares de medios de comunicación d'ámbitu asturianu, yá seyan empreses periodístiques, radiofóniques, televisives o d'internet, que produzan espacios onde s'utilice l'asturianu o'l gallego-asturianu.

   Más información:  Convocatoria completa nel BOPA.

   Fonte:  Asturnews.