Con esta cellebración dase fin a un total de 124 actividaes escolares organizaes dende la Conseyería de Cultura y Turismu, pente medies de la Direición Xeneral de Política Llingüística, y cola collaboración de la Conseyería d’Educación. Les mentaes actividaes llegaron nesta edición a 194 centros públicos y concertaos (142 de primaria, 52 de secundaria y bachilleratu) del Principáu d’Asturies nos que se da l’asignatura de Llingua Asturiana y Gallego-Asturianu y nelles participaron cerca de 20.000 alumnos.
Nesti cursu la ufierta consistió nun total de 23 talleres (lliterarios, conciertos didáuticos, teatru). Con un presupuestu de 120.000 euros, zarróse una programación que tien como oxetivu sofitar el llabor docente del profesoráu de llingua asturiana siguiendo coles iniciatives d’usu y promoción llingüística. La Conseyería trabayó colos centros nel diseñu del programa ufiertáu, que tuvo una valoración mui positiva. Dende la Direición Xeneral de Política Llingüística zárrase esta “Axenda” dando pasu a la preparación de la “Axenda Didáutico-Escolar 2010-2011” ya invitando a participar na so ellaboración a cuantes persones, grupos y compañíes de l’actualidá musical, lliteraria, o teatral asina lo deseyen (más información en www.politicallinguistica.org, Seición Educación).
Fonte: Asturnews
Con un presupuestu de 120.000 € ye rentable'l aprovechamientu de l'Axenda Didáutico-Escolar con un programa de alta participación pol númberu de centros y de alumnos y dellos talleres nos que se da l'asignatura de Llingua Asturiana y Gallegu-Asturianu. A siguir pal cursu prósimu col mesmu afán y felicidaes a la Conseyería de Cultura pola so peracertada política llingüística.
ResponderEliminarL'apoyu prestau al proyeutu pol profesorau ye impresionante -142 centros de primaria- diz dabondo l'esfuerzu de mayestros y mayestres. Tamién nos IES vése interés pol proyeutu llinguísticu násturianu.
ResponderEliminar