El CAO diz que toles encuestes reflexen l'apoyu a la oficialidá.
El Conceyu Abiertu pola Oficialidá considera les declaraciones del presidente Areces, "un insultu a la intelixencia", yá que "toles encuestes y estudios demostraron qu'una amplia mayoría ta a favor de la oficialidá".
Al traviés d'una nota prensa, esta agrupación de coleutivos, asociaciones, sindicatos y partíos respondió asina a les declaraciones que'l presidente del Principáu fixo'l pasáu xueves, nes que consideraba que les postures a favor de la oficialidá son "minoritaries".
Dende'l CAO considérase "qu'el presidente debería dexase de poner en boca de tola ciudadanía lo que nun ye más que la so opinión personal, y ponese a trabayar polos derechos fundamentales d'una parte de la xente d'Asturies que nun los tien reconocíos". "Y eso, nel nuesu marcu llegal, namái se consigue cola reconocencia de la Oficialidá", finó'l comunicáu.
Fonte: Asturies.com
les que son minoritaries son les neurones que tien...son poques y pa encima nun tan conectaes ente sí.
ResponderEliminarLo suyu son los viaxes "de negocios" a Cuba, y a los países bolivarianos. De la llingua nun quier saber na. Va a dexar la poltrona en sin aprobar la oficialidá de la llingua. Nun quier.
ResponderEliminarYe un insultu y una ofensa pal asturianismu en xeneral y pa la intelixencia en particular. Ye que la mesma, unes persones la tien implantá nel cerebru y otros más abaxu, na barriga. Y ansina nun se pue razonar res. Por pocu tiempu.
ResponderEliminar