Dende Iniciativa pol Asturianu trabayamos pa que la llingua asturiana, como elementu cultural ya identitariu en peligru, sobreviva, y pa que los falantes d’esti idioma, como comunidá que nun ve reconocíos los sos drechos al completu, tengan cada vegada una meyor situación, hasta algamar la plena igualdá de drechos llingüísticos, hasta que podamos vivir n’asturianu.
El trabayu reivindicativu ye imprescindible p’algamar estos oxetivos, pero nada tien más fuercia que l’usu y la visibilidá del idioma nel día a día de la sociedá asturiana. Asina, los falantes conscientes, como persones que sabemos que falamos una llingua en peligru, pero una llingua que nun ye inferior al restu de llingües del mundu, tenemos de ser exemplu p’aquellos falantes inconscientes que más carecen la situación del idioma, el complexu d’inferioridá, les situaciones de minorización, etc.
La llealtá llingüística pa col asturianu, esto ye, nun abandonar el so usu en nengún contestu, ye imprescindible pa la supervivencia y la meyora del prestixu al idioma. Hai qu’usar l’asturianu en tolos ámbitos, ensin prexuicios nin mieu. Tolos asturianos y asturianes son falantes pasivos y atalanten ensin mayor problema l’asturianu. Les conversaciones billingües, aquelles nes que caún de los interlocutores fala una llingua distinta, son normales y normalicen la presencia del asturianu nes vides de los que la falen y nes de los que la sienten, que s’avecen a tenela presente y deprenden más.
Les persones que tienen la posibilidá d’apaecer en medios de comunicación, n’actos públicos y en xeneral, falando énte otres persones, son especialmente responsables de que l’asturianu seya una llingua presente na sociedá y nos espacios de prestixu. Nun abandonemos l’usu del asturianu nestos espacios, usemos la llingua asturiana na nuesa actividá llaboral y empresarial, convenzamos a los más cercanos de facer usu del idioma, de deprendelu si ye’l casu, meyoremos el nuesu conocimientu d’asturianu cada día y faigamos ver a les persones que mos arrodien que somos falantes d’una llingua viva y normal, qu’usamos en toles situaciones y que nun tamos dispuestos a vela morrer. Venimos diciéndolo dende la nuesa fundación como organización y vamos siguir diciéndolo una y milenta vegaes: toma la iniciativa pol asturianu.
Fonte: Iniciativa pol Asturianu
El títulu d'esta entrada da llugar a una llarga y fonda reflexón. Que cada unu piense con vagar sobre esta premisa y depués saque les sos consecuencies.
ResponderEliminarHai que movese de verdá y eso ye "esixir" nos medios, dende les instituciones académiques, na cai, con bien de ruiu y dafechu al Principáu (que ye onde ta y onde anicia la radical negativa oficial y oficiosa contra la llingua) la oficialidá del asturianu, la so proteición, y el so progresu nes escueles ya institutos y na sociedá asturiana ensin torgues nin zancadielles permal intencionales y cainitas.
ResponderEliminarCiertu, Pañeda, ciertu.
ResponderEliminarPañeda, estic d'acord amb tu en què cal moviment. Però pensa que el moviment sense planificació no serveix de res.
ResponderEliminarFeu un plantejament seriós d'on voleu arribar, que crec que sí que teniu clar, i després penseu en les formes d'arribar-hi. Articuladament, ordenadament i sabent de quina força disposeu. Amb dates, llocs, persones, actuacions i objectiu a assolir.
L'oxetivu ye la oficialidá. Gracies poles demás pistes.
ResponderEliminar