Alejandro S. García
Illán, l'alumnu del Colexu Marista Auseva ensin profesor d'asturianu, ya pue asistir a clase de la so llingua. Tres el llamamientu fechu pola familia ya Iniciativa pol Asturianu a la Conseyería d'Educación, finalmente atopóse una solución.
La Conseyería d’Educación negóse a ufrir un profesor pal cursu d’Illán, a pesar de les reclamaciones del propiu centru educativu, pero finalmente Illán podrá tar na clas d’un cursu menos, col compromisu de cursar el temariu específicu que-y correspuende. El profesor de llingua asturiana del colexu ufrió toles facilidaes, dempués de que'l neñu perdiere un mes de clases d'asturianu.
Iniciativa pol Asturianu, nun comunicáu, felicita a la familia, al profesor y al Colexu Auseva d’Uviéu pol so compromisu col asturianu. Al mesmu tiempu denuncia que'l casu "nun ye otro qu'una amuesa más del tratu llamentable que da Educación a la llingua asturiana nes escueles ya institutos d'Asturies", y solicita a la Conseyera d’Educación "que cumpla cola so promesa de solucionar la reconocencia de la especialidá d'asturianu pa los docentes" pa que l’asignatura d’asturianu pueda cuntar con una situación digna.
A xuiciu de la organización, "el drechu a estudiar asturianu ye irrenunciable y ha respetase dende les instituciones. Lo contrario ye una marxinación de ciudadanos por mor de la so llingua, lo que contradiz al espíritu de la Llei d'Usu del Asturianu de 1998, asina como la llexislación internacional en Drechos Humanos y la Carta Europea de les Llingües Minoritaries, ratificada por España”. L’ausencia de profesoráu d’esta asignatura ye una situación que tamién se da n’otros trece centros del país, según denunció'l 20 de setiembre’l Sindicatu Unitariu y Autónomu de Trabayadores de la Enseñanza d’Asturies (SUATEA).
Fonte: Asturies.com
Vuelvo aportunar y nun quiero pecar de pesáu que la solución ideal pa Illán y pa bien de escolares asturianos de les ciudades ye matriculase na enseñanza pública, que ya la meyor en tolos sentíos posibles.
ResponderEliminarA la fin ala conseyera salir cola suya, esto ye que prima la filosofía de la Ilustración nel sieglu veintiún
ResponderEliminarMenos respetu que al pito del serenu, ¡cómo tamos!
ResponderEliminarSóc absolutament partidari de l'ensenyament públic.
ResponderEliminarPerò aqueí no crec que sigui un problema de públic o privat sinó d'una escola, privada, que desatén completament el requeriment d'uns pares i el que està previst a la llei de l'asturià.
Per una altra banda, dir que "això" que han fet amb l'Ilián és una solució, bé, és allò del "pulpo como animal de compañía".
Ye que dalgunes families matriculen los sos fíos na privada pa tar al pie de la "élite" social por si "pégase" daqué, anque lo suyo por definición y conceutu sía la pública. Esti fenómenu nómase "complexos ya intereses atávicos".
ResponderEliminar