Ayeri día 7 de xunetu de 2010 emitióse na Televisión Pública Catalana TV3 el programa Banda Ampla tituláu El futur del català. Tratóse'l tema de la supervivencia del català, del so estáu de salú, de la so normalización social y de si llegaría a desaparecer teniendo en cuenta la zuna glotófaga centrífuga d'España-Castiella.Tratóse tamién la viabilidá de la Seleición de Fútbol Catalana dientro d'un estáu opresor y antidemocráticu que lo quier too pa él y al que tampoco-y val el modelu de Reinu Xuníu de cuatro selecciones nacionales dientro'l mesmu estáu. Alrodiu d'esto, l'escritor Màrius Serra faló del casu David Villa y qu'ésti yera billingüe y de cómo'l franquismu tapeciera la realidá llingüística d'Asturies desprestixándolu col nome de bable (patois) nun intentu más d'homoxenización, aculturización y sustitución llingüística.
Podcast del programa
TV3
Podcast del programa
TV3
ta +/- a 1h 17' del entamu del vidiu.
ResponderEliminarNon home non, el catalán non tá en pelligru, ye una esaxeración. El castellanu nun ye amenaza pal catalán ni de lexos. Hai que ser sensatos, non tá dientro d'un estau opresor y muncho menos antidemocráticu y tán perequivocaos del too los que piensen así; acaso ¿En Catalunya tá prohibíu o perseguíu l'usu del catalán? en casu sedría'l revés. Entós ¿qué sedrá del asturianu n'Asturies mesmamente? ensin pasase collacinos. El franquismu arremetió escontra la llingua asturiana nel so intentu de homoxenización, tá perclaru, pero tal época ya pasó fai munchos años, y munchos nun la conocisteis/conocieron. Nunca tuvimos el grau de democracia que pa bien disfrutamos güey, y quien nun sea capaz de distinguilu asina, ye que tá cegaratu en munchos sentíos.
ResponderEliminarNun ye comparatible una llingua oficial y d'usu social normalizáu con otra que nun lo ye.
ResponderEliminarEl catalán nun tá en pelligru mientres que l'asturianu ta "en grave pelligru" según la Unesco.
David Villa, comparáu col asturianu, el catalán ta perbién y quéxense de viciu(9 millones falantes sumando toles zones, ye llingua cooficial,normalizada,..)...pero eso sí,ensin estáu propiu, el catalán, l'euskera,.... y yá nun te digo l'asturianu que nin siquiera ye oficial, tan condenaos a la so desaparición, tan solo hai que pone-yos la fecha. Has de date cuenta que si fora por España,desaniciaria toles llingües que nun seyan la de so. Lo mesmo pasa nel estáu francés.Qué tamos en democracia creeslo tu.
ResponderEliminarEl catalán ta perdiendo falantes comparandolo col castellanu en Catalunya pesie a que ye obligatoriu na escuela.Nestos 10 caberos años nótase muncho.
Casos de persecución del catalán en Catalunya podria ponete unos cuantos.Sicasí,pues vivir en Catalunya ensin saber nin una pallabra de catalán pero no pues vivir ensin saber castellanu. Ehí sí que tas dafechu enquivocáu.Entovía esiste la llingua A i llingua B y depués falen de la falta d'educación de los catalanes.
El franquismu arremetió contra l'asturianu y agora la FSA,el PSOE y los que dexó Franco arrementen entovía contra l'asturianu. Y pa mi idea que nun hai más ciegu que'l que nun quier ver o sentir,nesti casu tu.
Home si yera democrática l'Alemania de 1933 cuando boicoteaben los productos xudíos, entós España ye democrática porque boicotearon productos catalanes.Vese bien estos díes cola sentencia del TC al Estatut de Cataluña.Textu aprobáu democraticamente nes urnes.Llei del cine: como hai democracia ye por eso que los distribuidores de películes distribuiran en Cataluña munches menos qu'enantes de la Llei. Y como hai democracia, respetu, tolerancia,llibertá y nun hai represión,nin imposición nin falta de llibertá ye por eso que ‘Shrek Felices Para Siempre” va distribuise en 3D, pero en Cataluña en rempuesta a la Llei del Cine sedrá solo en 2D.
ResponderEliminarPa Esteban y Santi, la realidá ye que nun hai peyor ciegu que'l que nun quier güeyar la realidá del mundu mundial. La ceguera ¿voluntaria? ye perniciosa y conduz ensin remediu al cataclismu.
ResponderEliminareso si ye ceguera y si ye voluntaria, pero si ye una visión obligada de la realidá polo qué se ve día a día y lluches contra la falta de drechos conduz a la llibertá. Y los ciegos voluntarios que nun quieren ver quedaran acutaos nun muséu como tan agora l'homo antecessor y el neardenthal.Porque entovía y colo que te dixenon nun te quedó claro ye qu'amás de ciegu voluntariu nun sabes lleer o vives nuna realidá paralela.
ResponderEliminarCasos d'agresión al asturianu pasen día a día y llenaríen un llibru. Casos d'agresión a llingües que nun son el castellanu tamién hai magar que seyan llingües oficiales normalizaes. Casos como va un mes nel tren de la Pobla de Segur o va más tiempu na estación de tren de Tarragona.
ResponderEliminarYe eso o que ye extraterrestre porque que diga fataes como:
ResponderEliminar“Hai que ser sensatos, non tá dientro d'un estau opresor y muncho menos antidemocráticu y tán perequivocaos del too los que piensen así; acaso ¿En Catalunya tá prohibíu o perseguíu l'usu del catalán? en casu sedría'l revés.”
Esti nun pisó nin pol forru Cataluña poro, nun pue opinar de coses que nun sabe. ¿sedrá qué ye de los que opina polo que siente nos medios de comunicación estatales manipuladores? La prueba de que nun hai democrácia ye que na manifestación del 10 de xunetu en Barcelona hebo 1 millón 100 mil manifestanes contra la sentencia del TC y eso colos datos de la Policía Municipal.Los organizadores dan la cifra de 1 millón 500 mil persones.
Pero él/ella siguen ensin dar un datu.Podía pasar lo de falar ensin tener ni puta idea pero que defenda que n'Asturies hai democrácia ye d'un exerciciu intelectual realmente probetayu.
“Nunca tuvimos el grau de democracia que pa bien disfrutamos güey, y quien nun sea capaz de distinguilu asina, ye que tá cegaratu en munchos sentíos.”
La democrácia y llibertá qu'hai n'Asturies nun pue ser otra que los asturfalantes tean perseguios,marxinaos, qu'esista apartheid llingüísticu, que seyamos ciudadanos de tercera,que mos roben la Hestoria, la cultura y la llingua, l'esfarrapamientu económicu ya industrial que fai que los mozos/es emigren... enantes con Franco y agora colos demócrates socialistes d'izquierdes como son el PSOE-FSA.
Si eso ye llibertá y democrácia entós n'Asturies hai democrácia.Ahhh non,que too ye una llienda urbana.
Y lo del Estatut foi un golpe de estado camufláu.Col acombayamientu de los partíos políticos españoles mcaráu de llegalidá. Asemeyáu a como PSOE-PP dexanos fuera n'Euskadi a los nacionalistes o la Llei anidemocrática nomada Ley de Partidos.
Nun ye por fadiar pero güei David Villa foi recibíu pol Tini Areces y llueu na casa conceyu de LLangréu.
ResponderEliminarLo que me choca ye que tea pola oficialidá y nun fale n'asturianu cuando sí lo fizo en valencianu cuando taba nel Valecia C.F y na so presentación en mayu nel Camp Nou yá soltó dalguna pallabra en catalán.