El diariu vascu Deia espublizó esti domingu una entrevista col Presidente de Cantabria, el rexonalista Miguel Ángel Revilla, na que declaró, una vegada más el so amor por Asturies.
El Presidente cántabru recordó que’l so pueblu “ta na frontera ente Cantabria y Asturies” reconociendo que por ello, “falo’l bable”.
Revilla, que yá apaeciere en televisiones estatales cantando n’asturianu o usando la toponimia tradicional de Xixón, confiésase na entrevista d’esti domingu cantante de tonada “participé en munchos concursos de cantu en bable”, comentó.
Fonte: Asturnews
Igual que Tini Areces, oye.
ResponderEliminarBlogsaludos
Sí, igualín que'l nuesu Presidente, ¿verdá?.
ResponderEliminarBloguesaludos
Yo como asturianista perezme estupendu que cualquier persona sea d'Asturies o d'otru llugar interésese poles costume o la cultura asturiana pero tengo que facer una critica sobre personaxes como Revilla que me da la impresion que busca tou tipu de protagonismu esta vegada utilizando de forma populista la nuesa cultura y despues en repetíes ocasiones a pesar del so rexonalismu facer allabancies a España.
ResponderEliminarEl buenu de Revilluca -como llámase él mesmu- ye mundial. Fala y canta toná n'asturianu, escancia ya bebe sidra con muncha presteza, ye simpatizante del Sporting, ca vez que tien ocasión -búscales con facilidá- vien p'Asturies onde disfruta dabondo. Fai patria coles sos anchoes famoses y llucha con estratexia intelixente ya con fuerzia pol so AVE y más coses. Sí, apreciaos collacios Adivín y Llugás, igualito igualito quel nueso presidente Tini -y los sos risones "bablistes" agradecíos de IX- qu'escóndese y arrúgase toles vegaes que va a Madrid pa güeyar al xefe ya "agraecer" les migaxes que-y suelten, negando como San Pedro delles vegaes la tan prometía lliberación del Güerna, y nunquier ni de bromes oyir mentar ni muncho menos falar de l'asturianu ¿Consuelu? ...que ya falta menos pa que a lo meyor la diosa Fortuna nos acerque la oficialidá deseyada y necesaria.
ResponderEliminarHai que xuntar tolos territorios asturianos y facer polítiques culturales comunes.
ResponderEliminarel mundu ta llocu o ta al revés.L'Areces,presidente "asturianu" marxina, reprime y si fora por él estrapallaría l'asturianu y el presidente de Cantabria fala asturianu.
ResponderEliminarAy mamina, ¡¡qué pare'l mundu que baxo!!.
Amás esti Revilla criticó a Laporta porque esti nun escondió les sos idees. " ...un presidente de un club de fútbol no debe mezclar la política con su cargo... " o dalgo asina dixo.
ResponderEliminar¿criticariénlu igual si dixiere que yera del PSOE,PP o IU?