Sorpréndese pola ausencia de programes nuevos en llingua asturiana na
programación de RTPA que Virgili presentó recién nel conseyu
d'alministración del ente públicu.
Tres sobrepasar la llende de los sos cien primeros del alcuerdu ente
FSA-PSOE, IX y PP pa confirmar como direutor xeneral de la RTPA a
Antonio Virgili, Podemos Asturies
denuncia la falta de compromisu pa col asturianu del periodista,
"incumpliendo asina'l pautu d'investidura pol que salió escoyíu
presidente del Principáu Javier Fernández, colos votos del PSOE y
Izquierda Unida". Nél, los socialistes comprometíense "a incrementar la
presencia de la llingua asturiana nos medios de comunicación asturianos
de titularidá pública".
"Esti fechu amuesa qu'en materia de política llingüística'l problema
nun ye presupuestariu, como indicaba recién nos medios de comunicación
el conseyeru d'Educación y Cultura, Genaro Alonso, sinón de falta de
voluntá política a la hora d'utilizar RTPA como ferramienta pa poner en
valor la realidá llingüística presente na sociedá asturiana y como
elementu social de cohesión, equidá y modernidá", señalen dende Podemos.
Por ello anímenlu a concienciar a los sos compañeros nel Gobiernu
"sobre la necesidá de presentar un proyeutu de presupuestos nuevu que
puxe por diches polítiques, asina como otres qu'afeuten a la inmensa
mayoría de persones na nuesa comunidá autónoma".
"Por si esa propuesta nun algamara l'ecu deseáu nel Conseyu de
Gobiernu del que forma parte, el Grupu Parllamentariu de Podemos
Asturies espresa la so voluntá d'apoyar y collaborar con una batería de
propuestes pa la normalización de la llingua que nun supongan costu
dalgún pa les arques de l'Alministración asturiana", poniendo como
exemplu'l Día Internacional de la Llingua Materna, que se celebra'l
domingu. "Podría ser la fecha idónea pa demostra-y a la sociedá
asturiana que, pese a las discrepancies que tengamos en delles
polítiques, el respetu y compromisu de futuru pa coles llingües que
conviven n'Asturies pueden ser motivu de consensu ente toles fuercies
polítiques con representación nel Parllamentu asturianu", afirma.
Fonte: asturies.com
Podemos denuncia la non devolución de importar de les beques de Errejón y de Ripa por incumplimientu y nun presentar les tesis comprometíes. Pero los demás sigo que tenemos que cumplir a raxatabla, y si non, denuncia ante'l xuez. Ye pa mexase de risa y nun echar nin gota.
ResponderEliminarPodemos Asturies reclama la normalidá de la llingua asturiana nos medios de comunicación públicos d'Asturies. Los demás partíos habríen sofitar esa demanda polos drechos llingüísticos del país.
ResponderEliminarXabel, palabres bueques les de Podemos non te dexes engañar que son toa trampes, tu nun lo sabes porque nunca tuvisti dientro.
ResponderEliminar