16/2/16

El PP algama l'apoyu de PSOE y Ciudadanos pa prohibir l'asturianu na Xunta Xeneral

Cherines Fernández presume en twitter de la esclusión del asturianu - PSOE y Ciudadanos cambien la so postura ente l'amenaza d'acudir a los tribunales - El PP sofita la so opción por "opinión y creencies"

El PP algamó güei l'apoyu de PSOE y Ciudadanos pa que'l castellanu seya la única llingua usada na Xunta Xeneral.
Según Mercedes Fernández pal PP esti ye "un tema capital por razones de llegalidá, d'opinión y creencies".
Mercedes Fernández presentó un informe verbal del Lletráu Mayor de la Xunta que nun aconseyaba convocatories en llingües non oficiales, y amenazó con dir a los tribunales si se facíen convocatories billingües asturianu-castellanu.
El PP considera qu'esta ye "una victoria importante porque representamos a munchos asturianos que quieren que'l castellanu seya la llingua oficial n'Asturies" anque dexó claro que "el bable, ensin nengún tipu de dulda tien de ser estudiáu y reconocíu porque ye parte de la nuesta cultura".
La propuesta del usu del asturianu en convocatories billingües, xunto col castellanu, nuna comisión na que se va falar del tratamientu de la llingua asturiana, partió d'Izquierda Xunida, y foi sofitada nun primer momentu por tolos grupos sacante'l PP.
El tuit de la vergoña
Fonte: asturies.com
en

5 comentarios:

  1. Nel16 de febrero de 2016, 11:11

    El castellanu yá yera la única llingua oficial d'Asturies. Prohibir l'usu del asturianu nel Parllamentu, que yera reglamentariu dende va años, ye asturcida. El pensamientu únicu del PP, quier finar cola identidá llingüística del nuesu pueblu, cola complicidá conocida del PSOE y C's.

    ResponderEliminar
  2. David Gimeno i Ayuso16 de febrero de 2016, 13:43

    Vaja, que el problema no és que s'aparti el castellà sinó que s'acompanyi el castellà de l'asturià.

    Veieu com els catalans tenim raó?

    ResponderEliminar
  3. Senén16 de febrero de 2016, 15:10

    Equí sí que ye xuegu xugáu, nunca meyor dichu.

    ResponderEliminar
  4. Xana16 de febrero de 2016, 20:48

    Nun podemos ser como los catalanes, por hestoria y menos demientres haiga "Tacherines" peperes tan racistes nesti país.

    ResponderEliminar
  5. Vara17 de febrero de 2016, 11:59

    gracies a dios

    ResponderEliminar

Los comentarios tán pendientes de moderación. Espublizaránse lo primero dable.