4/5/13

Partidarios de la oficialidá del asturianu piden un añu más la so reconocencia peles cais d'Uviéu


Críticas a la 'Ley Wert'

Partidarios de la oficialidá de la llingua asturiana percorrieron esti vienres, Día de Les Lletres Asturianes, como tolos años dende 1987, el centru d'Uviéu reclamando esta reconocencia pal idioma autonómicu.


La convocatoria de la Xunta Pola Defensa de la Llingua cuntó cola participación d'organizaciones polítiques (presencia de pancartes d'Izquierda Unida -asistieron el diputáu nel Congresu Gaspar Llamazares, la diputada autonómica Noemí Martín, y el coordinador xeneral n'Asturies Manuel Orviz, ente otros-, Compromisu por Asturies y Andecha Astur), amás d'organizaciones sindicales (CCOO, UXT, CSI y el sindicatu educativu Suatea), y de dellos colectivos y organizaciones sociales y llingüístiques, ente elles tamién dalgunes del occidente, que plantegaron la mesma reivindicación pa la 'fala' y el gallego-asturianu.

Una banda de gaites, compuesta por músicos de delles formaciones y tamién independientes encabezó la marcha, que se desarrolló ente berros de 'L'Asturianu llingua oficial' y 'Oficialidá', pela cai Uría y acabó énte'l Teatru Campoamor.

Nel discursu final, los organizadores criticaron duramente'l proyectu de la nueva llei d'educación, pola situación de rocea na que dexa la presencia de la 'llingua' nel sistema educativu y esixeron al Gobiernu asturianu qu'ofreza soluciones a esti problema.

Fonte: Europa Press

8 comentarios:

  1. Les mil persones que fuimos a la manifestación podíemos ser munchos más si les organizaciones representaes ficieren un esfuerciu pa que fueren tolos sos socios y militantes. Tamién los contrarios a la Llei Wert na educación, por exemplu. Hai que facer más puxu si queremos un futuru cola oficialidá.

    ResponderEliminar
  2. Foron 5.000 na manifestación pola oficialidá según la organización, lo que pasa que munchos nun se quedaron al actu de l'ALLA. Lo que tamién ye una llástima, porque asina nun completen les actividaes del Día de les Lletres Asturianes.

    ResponderEliminar
  3. Xurde, 1.000 o 5.000 no són xifres que pressionin un govern a canviar una cosa tan bàsica com l'oficialitat de la llengua.

    Les manifestacions es convoquen després d'haver mobilitzat els militants, simpatitzants i públic en general amb campanyes, exposicions, actes, concerts i, si convé, cine-fórums (els que tingueu més de 40 anys sabreu què és).

    I s'ha de posar sobre la taula tots els perjudicis que provoca la no oficialitat. Per exemple, es podria començar per un web on es recollissin des de lleis que impedeixen l'ús normal de l'asturià fins a situacions de vexació als asturfalantes. Com aquest web però més sistematizat i resumit.

    ResponderEliminar
  4. Yo tamién tuvi na manifa, Xira, como tolos años y la pena ye que na cai Uría nun llegaríamos a 500 siendo arrogantes y asina nun se fai nada. La Nueva España de güey (páx. 60) diz textualmente: "Decenas de personas al grito de "L'asturianu llingua oficial"... ¿qué pasa que nun se moviliza la xente? ¿precísense otro tipu de manifas más curioses o más realistes en favor del asturianu?

    ResponderEliminar
  5. Al pan pan y al vinu vinu, collacios. Nun nos equivocar nesti casu cola Lley Wert porque la culpa al 100% tener el gobiernu asturianu al completu que nun quier reconocer nin dar oficialidá nin oir falar de la llingua asturiana.

    ResponderEliminar
  6. G.Prendes, per un llau, na manifa vi unes mil persones como diz Xira, y per otru a La Nueva España nun se-y pue facer casu nesta tema. Ye la voz del PP ranciu que nun quier más llingües oficiales nel Reinu d'España.

    ResponderEliminar
  7. A ver, compañeros, un pocoñín de realismu, por favor. Na manifestación nun yéremos mil persones nin contando de más. Nun mos engañemos, que ye peor. Tenemos un problema seriu y nun lu querer ver ye suicida.
    Propongo analizar les causes de la perda de tirón d'estes movilizaciones. Yo pienso que la "procesionalización" de la que se falaba unos díes atrás tien daqué que ver. Pero tien qu'haber más. Yo conozo munchos partidarios de la oficialidá que quedaron en casa o que taben per ende tomando unes botelles. ¿Qué pasa? ¿A qué se debe'l desencantu o la despreocupación? Hai coses que se tán faciendo mal y que naide analiza. Y asina nun vamos meyorar. Necesitamos saber les causes de lo que mos pasa y reorientar l'acción.

    ResponderEliminar
  8. ¿Ye que nun interesa la tema de la llingua asturiana?

    ResponderEliminar

Los comentarios tán pendientes de moderación. Espublizaránse lo primero dable.