Esti xueves va cellebrase un actu nel que se van recaldar fondos pa Iniciativa pol Asturianu. La revista de lliteratura Formientu va despidir l’añu y a dellos de los sos autores más vieyos nun actu que se va cellebrar nel chigre L’Ayalga, de Xixón, esti xueves 29 d’avientu de magar les 8 la tarde. Va presentase'l númberu 9 de la revista.
Dende Iniciativa pol Asturianu, queremos poner en valir la lliteratura asturiana y collaborar con esta revista ye un bon preséu pa ello.
Nesti númberu apaecen poemes de Pablo Rodríguez Medina, Xurde Fernández, Ricardo Candás y Héctor Pérez Iglesias. Testos narrativos d’Abel Martínez, Jorge Fernández García, Pablo A. Quiroga Prendes, Rubén Rey Menéndez ya Inacio Rodríguez-Solar. Amás de dos crítiques de llibros, feches por Iván Cuevas y José Ángel Gayol sobre «Les últimes pallabres» y «Pequeñu álbum de familia».
Tolos ingresos pola venta de revistes que se faigan esi día van tar destinaos al llabor d'Iniciativa pol Asturianu, asina que ye una bona oportunidá tamién pa mercar revistes y usales como regalu de Navidá.
Fonte: iniciativapolasturianu.org
Ye una pena y que conste que la culpa nun la tien los del chigre L’Ayalga qu'una revista cultural de bona calida como ye formientu tenga que recurrir aun chigre pa presentar la so revista y que xixon nun tenga un espaciu de referencia y yá van unos cuantos años pa la cultura asturiana o lo peor que sía un chigre onde posiblemente tenga meyor acoyida la cultura Asturiana nesti casu una revista cultural. Esto recuérdame un cantar de Nuberu.
ResponderEliminarSer asturianu nun ye nin echar bien la sidra nin xubir a Covadonga
Pa finar perdón a los del chigre L’Ayalga que repito ellos nun tien nada que ver.
http://www.youtube.com/watch?v=t9lYar33FBA
Hai qu'apoyalu.
ResponderEliminar